ಹೊಸದಿಲ್ಲಿ: ' ಪ್ರಭಾವದ ಮೌಲ್ಯಮಾಪನ' ಕರಡನ್ನು ಸಂವಿಧಾನದ ಎಂಟನೇ ಶೆಡ್ಯೂಲ್‌ನಲ್ಲಿ ಗುರುತಿಸಲ್ಪಟ್ಟ ಎಲ್ಲಾ 22 ಪ್ರಾದೇಶಿಕ ಭಾಷೆಗಳಿಗೆ ಅನುವಾದ ಮಾಡಿ ಪ್ರಕಟಿಸುವುದಾಗಿ ಶುಕ್ರವಾರ ದಿಲ್ಲಿ ಹೈಕೋರ್ಟ್‌ಗೆ ಭರವಸೆ ನೀಡಿದೆ. ನ್ಯಾಯಮೂರ್ತಿಗಳಾದ ಡಿ.ಎನ್‌. ಪಾಟೀಲ್‌ ಮತ್ತು ಪ್ರತೀಕ್‌ ಜಲನ್‌ ಅವರಿದ್ದ ನ್ಯಾಯಪೀಠ ಪ್ರಕರಣದ ವಿಚಾರಣೆ ನಡೆಸಿತು. ''22 ಪ್ರಾದೇಶಿಕ ಭಾಷೆಗಳಲ್ಲಿ ಪರಿಸರ ಪರಿಣಾಮ ಮೌಲ್ಯಮಾಪನ ಕರಡನ್ನು ಪ್ರಕಟಿಸುವ ಬಗ್ಗೆ ತೀರ್ಮಾನ ತೆಗೆದುಕೊಳ್ಳಲಾಗಿದೆ. ನಾಲ್ಕು ವಾರ ಕಾಲಾವಕಾಶ ನೀಡಿದರೆ ಆ ಕೆಲಸ ಪೂರ್ಣಗೊಳ್ಳಲಿದೆ,'' ಎಂದು ಹೆಚ್ಚುವರಿ ಸಾಲಿಸಿಟರ್‌ ಜನರಲ್‌ ಚೇತನ್‌ ಶರ್ಮಾ ತಿಳಿಸಿದರು. ಕಳೆದ ವರ್ಷವೇ ಈ ಕುರಿತು ಕೋರ್ಟ್‌ ಆದೇಶ ನೀಡಿತ್ತು. ಪ್ರಾದೇಶಿಕ ಭಾಷೆಗಳಿಗೆ ಕರಡು ಅನುವಾದ ಮಾಡುವುದು ಅಗತ್ಯ ಇದ್ದು, ಈ ದಿಸೆಯಲ್ಲಿಕ್ರ ಮ ಕೈಗೊಳ್ಳಿ ಎಂದು ಪರಿಸರ ಸಚಿವಾಲಯಕ್ಕೆ ನಿರ್ದೇಶನ ನೀಡಲಾಗಿತ್ತು. ಹತ್ತು ದಿನಗಳಲ್ಲಿ ಅನುವಾದ ಪೂರ್ಣಗೊಳಿಸುವಂತೆ ಅಂದು ಆದೇಶಿಸಲಾಗಿತ್ತು. ಸಾರ್ವಜನಿಕ ಅಭಿಪ್ರಾಯ ಸಂಗ್ರಹಿಸುವ ಕಾರಣ ಪ್ರಕ್ರಿಯೆ ವಿಳಂಬಗೊಂಡಿದ್ದು, ಅದೀಗ ಕೊನೆಗೆ ಹಂತಕ್ಕೆ ಬಂದಿದೆ. ಸರಕಾರ ಕೇಳಿದ ನಾಲ್ಕು ವಾರಗಳ ಕಾಲಾವಕಾಶವನ್ನು ಕೋರ್ಟ್‌ ಮಂಜೂರು ಮಾಡಿದೆ.
from India & World News in Kannada | VK Polls https://ift.tt/3jmLn9M
