ದುಬೈ: ಬೆರಳು ಗಾಯದಿಂದ ಚೇತರಿಸಿಕೊಳ್ಳುತ್ತಿರುವ ಆಲ್‌ರೌಂಡರ್‌ ವಾಷಿಂಗ್ಟನ್‌ ಸುಂದರ್ ಅವರು 2021ರ ಇಂಡಿಯನ್‌ ಪ್ರೀಮಿಯರ್ ಲೀಗ್‌ (ಐಪಿಎಲ್‌) ಟೂರ್ನಿಯ ಇನ್ನುಳಿದ ಭಾಗದಿಂದ ಹೊರ ನಡೆದಿದ್ದಾರೆಂದು ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು() ಸೋಮವಾರ ಸ್ಪಷ್ಟಪಡಿಸಿದೆ. " ತಂಡದ ಸ್ಪಿನ್ ಆಲ್‌ರೌಂಡರ್‌ ವಾಷಿಂಗ್ಟನ್‌ ಸುಂದರ್ ಅವರು 2021ರ ಇಂಡಿಯನ್‌ ಪ್ರೀಮಿಯರ್ ಲೀಗ್‌ (ಐಪಿಎಲ್‌) ಇನ್ನುಳಿದ ಭಾಗಕ್ಕೆ ಅಲಭ್ಯರಾಗಿದ್ದಾರೆ," ಎಂದು ಬೆಂಗಳೂರು ಫ್ರಾಂಚೈಸಿ ತನ್ನ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದೆ. ಬಂಗಾಳ ರಾಜ್ಯದ ಕ್ರಿಕೆಟಿಗ ಹಾಗೂ ಆರ್‌ಸಿಬಿ ನೆಟ್‌ ಬೌಲರ್‌ ಅವರನ್ನು ವಾಷಿಂಗ್ಟನ್‌ ಸುಂದರ್ ಅವರ ಸ್ಥಾನಕ್ಕೆ ಆಯ್ಕೆ ಮಾಡಲಾಗಿದೆ. ಐಪಿಎಲ್‌ ಹಾಗೂ ಭಾರತೀಯ ಕ್ರಿಕೆಟ್‌ಗೆ ಯುವ ಪ್ರತಿಭೆಗಳನ್ನು ಪರಿಚಯಿಸಲು ಬೆಂಗಳೂರು ಫ್ರಾಂಚೈಸಿ ಸದಾ ಪ್ರಯತ್ನಿಸುತ್ತದೆ. ಈ ನಿಟ್ಟಿನಲ್ಲಿ ಇದೀಗ ವಾಷಿಂಗ್ಟನ್‌ ಸುಂದರ್ ಜಾಗಕ್ಕೆ ಆಕಾಶ್‌ಗೆ ಸ್ಥಾನ ನೀಡಲಾಗಿದೆ ಎಂದು ಆರ್‌ಸಿಬಿ ಹೇಳಿದೆ. ಇದಕ್ಕೂ ಮುನ್ನ ಆಸ್ಟ್ರೇಲಿಯಾದ ಕೇನ್‌ ರಿಚರ್ಡ್ಸನ್‌ ಅವರ ಸ್ಥಾನಕ್ಕೆ ಹದಿನಾಲ್ಕನೇ ಆವೃತ್ತಿಯ ಐಪಿಎಲ್‌ ಟೂರ್ನಿಯ ಇನ್ನುಳಿದ ಭಾಗಕ್ಕೆ ಇಂಗ್ಲೆಂಡ್‌ನ ಜಾರ್ಜ್‌ ಗಾರ್ಟನ್‌ ಅವರನ್ನು ಬೆಂಗಳೂರು ಫ್ರಾಂಚೈಸಿ ಸೇರಿಸಿಕೊಂಡಿತ್ತು. 2021ರ ಆವೃತ್ತಿಯ ಐಪಿಎಲ್‌ ಯುಎಇ ಚರಣದ ದಿನಾಂಕ ಪ್ರಕಟವಾಗುತ್ತಿದ್ದಂತೆ ಬೆಂಗಳೂರು ಫ್ರಾಂಚೈಸಿಯು ಅಲಭ್ಯರಾಗುವ ಆಡಂ ಝಾಂಪ ಹಾಗೂ ಡೇಬಿಯಲ್‌ ಸ್ಯಾಮ್ಸ್ ಅವರ ಸ್ಥಾನಕ್ಕೆ ಕ್ರಮವಾಗಿ ಶ್ರೀಲಂಕಾ ಸ್ಪಿನ್ ಆಲ್‌ರೌಂಡರ್‌ ವಾನಿಂದು ಹಸರಂಗ ಹಾಗೂ ದುಷ್ಮಾಂತ ಚಮೀರಾ ಅವರನ್ನು ಆಯ್ಕೆ ಮಾಡಿಕೊಂಡಿತ್ತು. ಇದೇ ವೇಳೆ ವೈಯಕ್ತಿಕ ಕಾರಣಗಳಿಂದಾಗಿ ಸೈಮನ್‌ ಕ್ಯಾಟಿಚ್‌ ಆರ್‌ಸಿಬಿ ಮುಖ್ಯ ಸ್ಥಾನದಿಂದ ಕೆಳಗೆ ಇಳಿದಿದ್ದರು. ಇದರ ಬೆನ್ನಲ್ಲೆ ಬೆಂಗಳೂರು ಫ್ರಾಂಚೈಸಿಯು ಹಂಗಾಮಿ ನೂತನ ಕೋಚ್‌ ಆಗಿ ಮೈಕ್‌ ಹೇಸನ್‌ ಅವರನ್ನು ಆಯ್ಕೆ ಮಾಡಿತ್ತು. ಅಂದಹಾಗೆ 14ನೇ ಆವೃತ್ತಿಯ ಮೊದಲ ಅವಧಿಯಲ್ಲಿ ಹೇಸನ್‌, ಆರ್‌ಸಿಬಿ ತಂಡದ ಕ್ರಿಕೆಟ್ ಡೈರೆಕ್ಟರ್‌ ಆಗಿ ಕಾರ್ಯನಿರ್ವಹಿಸಿದ್ದರು. ಇದೇ ವೇಳೆ ನ್ಯೂಜಿಲೆಂಡ್ ತಂಡದ ಫಿನ್‌ ಅಲ್ಲೆನ್‌ ಅವರ ಸ್ಥಾನಕ್ಕೆ ಸಿಂಗಾಪುರ ಕ್ರಿಕೆಟಿಗ ಟಿಮ್‌ ಡೇವಿಡ್‌ ಅವರಿಗೆ ಆರ್‌ಸಿಬಿ ಸ್ಥಾನ ಕಲ್ಪಿಸಿತ್ತು. ಆ ಮೂಲಕ ಕೆಳ ಮಧ್ಯಮ ಕ್ರಮಾಂಕದ ಬ್ಯಾಟಿಂಗ್‌ ಲೈನ್ ಅಪ್‌ ಅನ್ನು ಬಲಗೊಳಿಸಿಕೊಂಡಿತ್ತು. ಸೆ.19 ರಿಂದ 14ನೇ ಐಪಿಎಲ್‌ ಸೆಕೆಂಡ್‌ ಆಫ್‌: ಬಯೋ-ಬಬಲ್‌ ಒಳಗಡೆ ಕೋವಿಡ್‌-19 ಪಾಸಿಟಿವ್‌ ಬಂದ ಕಾರಣ ಹದಿನಾಲ್ಕನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್ ಲೀಗ್‌(ಐಪಿಎಲ್‌) ಟೂರ್ನಿಯನ್ನು ಕಳೆದ ಮೇ ತಿಂಗಳ ಆರಂಭದಲ್ಲಿಯೇ ಅರ್ಧಕ್ಕೆ ನಿಲ್ಲಿಸಲಾಗಿತ್ತು. ಇದೀಗ ಟೂರ್ನಿಯ ಇನ್ನುಳಿದ ಭಾಗವನ್ನು ಯುಎಇಯಲ್ಲಿ ಸೆಪ್ಟೆಂಬರ್‌ 19 ರಿಂದ ಮುಂದುವರಿಸಲಾಗುತ್ತಿದೆ. ಮೊದಲನೇ ಅವಧಿಯಲ್ಲಿ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ಆಡಿರುವ 7 ಪಂದ್ಯಗಳಲ್ಲಿ ಎರಡರಲ್ಲಿ ಸೋತು, ಇನ್ನುಳಿದ ಐದು ಪಂದ್ಯಗಳಲ್ಲಿ ಜಯ ದಾಖಲಿಸಿದೆ. ಆ ಮೂಲಕ 10 ಅಂಕಗಳೊಂದಿಗೆ ಪಾಯಿಂಟ್ಸ್‌ ಟೇಬಲ್‌ನಲ್ಲಿ ಮೂರನೇ ಸ್ಥಾನದಲ್ಲಿದೆ. 12 ಅಂಕಗಳನ್ನು ಕಲೆ ಹಾಕಿರುವ ಡೆಲ್ಲಿ ಕ್ಯಾಪಿಟಲ್ಸ್‌ ಅಗ್ರ ಸ್ಥಾನದಲ್ಲಿದ್ದರೆ, ಚೆನ್ನೈ ಸೂಪರ್‌ ಕಿಂಗ್ಸ್ 10 ಅಂಕಗಳ ಮೂಲಕ ಎರಡನೇ ಸ್ಥಾನದಲ್ಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3mKCjOq
