ಲೀಡ್ಸ್‌ : ರೋಹಿತ್ ಶರ್ಮಾ, ಹಾಗೂ ನಾಯಕ ವಿರಾಟ್‌ ಕೊಹ್ಲಿಯ ಅತ್ಯುತ್ತಮ ಬ್ಯಾಟಿಂಗ್ ನೆರವಿನಿಂದ ಇಂಗ್ಲೆಂಡ್‌ ವಿರುದ್ಧ ಹೆಡಿಂಗ್ಲೇ ಟೆಸ್ಟ್‌ ಪಂದ್ಯದ ಮೂರನೇ ದಿನ ಪ್ರಾಬಲ್ಯ ಸಾಧಿಸಿದ್ದ ಭಾರತ ತಂಡ, ಇಂದು ನಾಲ್ಕನೇ ದಿನ ಅದೇ ಪ್ರದರ್ಶನವನ್ನು ಮುಂದುವರಿಸಲು ಎದುರು ನೋಡುತ್ತಿದೆ. ಶುಕ್ರವಾರ ಕೆ.ಎಲ್‌ ರಾಹುಲ್‌ ಬಹುಬೇಗ ವಿಕೆಟ್‌ ಒಪ್ಪಿಸಿದ್ದರೆ, ರೋಹಿತ್ ಶರ್ಮಾ ತಮ್ಮ ಅರ್ಧಶತಕದೊಂದಿಗೆ ತಂಡಕ್ಕೆ ಭದ್ರ ಅಡಿಪಾಯ ಹಾಕಿಕೊಟ್ಟು ಔಟ್‌ ಆಗಿದ್ದರು. ಮೂರನೇ ವಿಕೆಟ್‌ಗೆ ಅಜೇಯ 99 ರನ್ ಕಲೆ ಹಾಕಿರುವ ಚೇತೇಶ್ವರ್ ಪೂಜಾರ ಹಾಗೂ ವಿರಾಟ್‌ ಕೊಹ್ಲಿ ಇದೀಗ ಬ್ಯಾಟಿಂಗ್ ಮುಂದುವರಿಸಿದ್ದಾರೆ. ಶುಕ್ರವಾರ ಅತ್ಯುತ್ತಮ ಬ್ಯಾಟ್‌ ಮಾಡಿದ್ದ ಚೇತೇಶ್ವರ್ ಪೂಜಾರ 180 ಎಸೆತಗಳಲ್ಲಿ 15 ಮನಮೋಹಕ ಬೌಂಡರಿಗಳೊಂದಿಗೆ ಅಜೇಯ 91 ರನ್ ಗಳಿಸಿದ್ದಾರೆ. ಇಂದು ಅವರು ಶತಕ ಪೂರೈಸುವ ನಿರೀಕ್ಷೆಯೊಂದಿಗೆ ಕಣಕ್ಕೆ ಇಳಿದಿದ್ದಾರೆ. ಮತ್ತೊಂದು ತುದಿಯಲ್ಲಿ ಅಜೇಯ 45 ರನ್‌ಗಳೊಂದಿಗೆ ಕೊಹ್ಲಿ ಬ್ಯಾಟಿಂಗ್ ಮುಂದುವರಿಸಿದ್ದಾರೆ. ಲೀಡ್ಸ್‌ ಟೆಸ್ಟ್‌ ಪಂದ್ಯದ ಸಂಕ್ಷಿಪ್ತ ಭಾರತ: ಮೊದಲ ಇನಿಂಗ್ಸ್‌ 40.4 ಓವರ್‌ಗಳಲ್ಲಿ 78 ರನ್‌ಗಳಿಗೆ ಆಲ್‌ಔಟ್‌ (ರೋಹಿತ್ ಶರ್ಮಾ 19, ಅಜಿಂಕ್ಯ ರಹಾನೆ 18; ಜೇಮ್ಸ್ ಆಂಡರ್ಸನ್ 6ಕ್ಕೆ 3, ಕ್ರೇಗ್ ಓವರ್ಟರ್ನ್ 14ಕ್ಕೆ 3, ಓಲ್ಲೀ ರಾಬಿನ್ಸನ್ 16ಕ್ಕೆ 2, ಟಾಮ್‌ ಕರ್ರನ್ 27ಕ್ಕೆ 2). ಇಂಗ್ಲೆಂಡ್‌: ಮೊದಲ ಇನಿಂಗ್ಸ್‌ 132.2 ಓವರ್‌ಗಳಲ್ಲಿ 432 ರನ್‌ಗಳಿಗೆ ಆಲ್‌ಔಟ್‌ (ರೋರಿ ಬರ್ನ್ಸ್ 61, ಹಸೀಬ್ ಹಮೀದ್ 68, ಜೋ ರೂಟ್ 121, ಡಾವಿಡ್‌ ಮಲಾನ್ 70; ಮೊಹಮ್ಮದ್ ಶಮಿ 95ಕ್ಕೆ 4, ಮೊಹಮ್ಮದ್ ಸಿರಾಜ್ 82ಕ್ಕೆ 2, ರವೀಂದ್ರ ಜಡೇಜಾ 88ಕ್ಕೆ 2, ಜಸ್‌ಪ್ರೀತ್‌ ಬುಮ್ರಾ 59ಕ್ಕೆ 2). ಭಾರತ: 80 ಓವರ್‌ಗಳಲ್ಲಿ 2 ವಿಕೆಟ್‌ಗಳ ನಷ್ಟಕ್ಕೆ 215 ರನ್ (ರೋಹಿತ್ ಶರ್ಮಾ 59, ಚೇತೇಶ್ವರ್ ಪೂಜಾರ 91*, 45*; ಓಲ್ಲೀ ರಾಬಿನ್ಸನ್ 40ಕ್ಕೆ 1, ಕ್ರೇಗ್ ಓವರ್ಟರ್ನ್ 35ಕ್ಕೆ 1). (* ಮೂರನೇ ದಿನದಾಟದ ಅಂತ್ಯಕ್ಕೆ) ರೋಹಿತ್‌ಗೆ ನಿರಾಶೆ ಮನಮೋಹಕ ಬ್ಯಾಟಿಂಗ್ ಪ್ರದರ್ಶನ ನೀಡಿದ ರೋಹಿತ್ ಶರ್ಮಾ, ಚಹಾ ವಿರಾಮದ ಬಳಿಕ ಎಲ್‌ಬಿಡಬ್ಲ್ಯು ಬಲೆಗೆ ಬಿದ್ದರು. ಇದಕ್ಕೂ ಮೊದಲೇ ಜೋ ರೂಟ್ ಡಿಆರ್‌ಎಸ್‌ ತೆಗೆದುಕೊಳ್ಳುವಲ್ಲಿ ತಡ ಮಾಡಿದ್ದ ಕಾರಣ ಜೀವದಾನ ಪಡೆದಿದ್ದ ರೋಹಿತ್, ಬಳಿಕ ಡಿಆರ್‌ಎಸ್‌ ತೀರ್ಮಾನದಲ್ಲೇ ಅಂಪೈರ್‌ ಕಾಲ್‌ ಕಾರಣ ಪೆವಿಲಿಯನ್‌ ಸೇರುವಂತ್ತಾಯಿತು. ವಿದೇಶದಲ್ಲಿ ಚೊಚ್ಚಲ ಟೆಸ್ಟ್‌ ಶತಕವನ್ನು ಎದುರು ನೋಡುತ್ತಿದ್ದ ರೋಹಿತ್ 59 ರನ್‌ಗಳಿಗೆ ಪೆವಿಲಿಯನ್‌ ಸೇರಿದ್ದರು. ರೋಹಿತ್-ಪೂಜಾರ ಜುಗಲ್ಬಂದಿ ಎರಡನೇ ಇನಿಂಗ್ಸ್‌ ಆರಂಭದಲ್ಲೇ ಓಪನರ್ ಕೆಎಲ್‌ ರಾಹುಲ್‌ (8) ವೇಗಿ ಕ್ರೇಗ್ ಓವರ್ಟರ್ನ್‌ಗೆ ವಿಕೆಟ್‌ ಒಪ್ಪಿಸಿಬಿಟ್ಟರು. ಇದಾದ ಬಳಿಕ ಲೀಡ್ಸ್‌ನಲ್ಲಿ ನಡೆದದ್ದು ರೋಹಿತ್ ಶರ್ಮಾ ಮತ್ತು ಚೇತೇಶ್ವರ್ ಪೂಜಾರ ನಡುವಣ ಜುಗಲ್ಬಂದಿ. ರಕ್ಷಣಾತ್ಮಕವಾಗಿ ಬ್ಯಾಟ್‌ ಮಾಡಿದ ಈ ಜೋಡಿ ಭೋಜನದಿಂದ ಚಹಾ ವಿರಾಮದ ವರೆಗೂ ಬ್ಯಾಟ್‌ ಮಾಡಿ ನಿಧಾನವಾಗಿ ರನ್ ಹೆಕ್ಕಿಕೊಟ್ಟಿತು. ಇಂಗ್ಲೆಂಡ್‌ ಬೌಲರ್‌ಗಳ ಸದ್ದಡಗಿಸುವ ರೀತಿ ಬ್ಯಾಟ್‌ ಮಾಡಿದ ಅನುಭವಿ ಓಪನರ್ ರೋಹಿತ್ ಶರ್ಮಾ, 3ನೇ ದಿನ ಚಹಾ ವಿರಾಮಕ್ಕು ಮುನ್ನ 152 ಎಸೆತಗಳಲ್ಲಿ 7 ಫೋರ್‌ ಮತ್ತು 1 ಸಿಕ್ಸರ್‌ ನೆರವಿನಿಂದ 59 ರನ್‌ಗಳನ್ನು ಗಳಿಸಿದರು. ಆದರೆ, ಚಹಾ ವಿರಾಮದ ಬಳಿಕ ಎಲ್‌ಬಿಡಬ್ಲ್ಯು ಬಲೆಗೆ ಬಿದ್ದು ನಿರಾಶೆ ಅನುಭವಿಸಿದ್ದರು. ಬೃಹತ್ ಮೊತ್ತ ಗಳಿಸಿದ ಮೂರನೇ ದಿನ ಬ್ಯಾಟಿಂಗ್ ಮುಂದುವರಿದ ಇಂಗ್ಲೆಂಡ್‌ ತನ್ನ ಖಾತೆಗೆ ಹೆಚ್ಚೇನು ರನ್‌ಗಳನ್ನು ಸೇರಿಸಲಾಗದೆ 432 ರನ್‌ಗಳಿಗೆ ಆಲ್‌ಔಟ್‌ ಆಯಿತು. ಈ ಮೂಲಕ ಒಟ್ಟು 354 ರನ್‌ಗಳ ಅಮೋಘ ಮುನ್ನಡೆ ಪಡೆದುಕೊಂಡಿದೆ. ಪಂದ್ಯದ ಎರಡನೇ ದಿನ ನಾಯಕ ಜೋ ರೂಟ್ (121) ಬಾರಿಸಿದ ಮನಮೋಹಕ ಶತಕದ ಬಲದಿಂದ ಇಂಗ್ಲೆಂಡ್‌ ಬೃಹತ್ ಮೊತ್ತ ಪೇರಿಸಿತು. ರೂಟ್ ಹೊರತಾಗಿ ಇಂಗ್ಲೆಂಡ್‌ ತಂಡದ ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳಾದ ರೋರಿ ಬರ್ನ್ಸ್ (60), ಹಸೀಬ್ ಹಮೀದ್ (68) ಮತ್ತು ಡಾವಿಡ್‌ ಮಲಾನ್ (70) ಅರ್ಧಶತಕ ಬಾರಿಸಿ ತಂಡದ ಬೃಹತ್ ಮೊತ್ತಕ್ಕೆ ಕಾರಣರಾದರು. ಮೊದಲ ಇನಿಂಗ್ಸ್‌ನಲ್ಲಿ 78 ರನ್‌ಗಳ ಅಲ್ಪ ಮೊತ್ತಕ್ಕೆ ಆಲ್‌ಔಟ್‌ ಆದ ಭಾರತ ತಂಡ, ಈಗ ಎರಡನೇ ಇನಿಂಗ್ಸ್‌ನಲ್ಲಿ ರನ್ ಶಿಖರ ನಿರ್ಮಿಸಿ ಕನಿಷ್ಠ 150 ರನ್‌ಗಳ ಮುನ್ನಡೆ ಗಳಿಸಿದರಷ್ಟೇ ಸೋಲಿನಿಂದ ಪಾರಾಗುವ ಅವಕಾಶ ಹೊಂದಿದೆ. ಪ್ಲೇಯಿಂಗ್ ಇಲೆವೆನ್ ರೋಹಿತ್ ಶರ್ಮಾ, , ಚೇತೇಶ್ವರ್ ಪೂಜಾರ, (ನಾಯಕ), ಅಜಿಂಕ್ಯ ರಹಾನೆ, ರಿಷಭ್ ಪಂತ್ (ವಿಕೆಟ್ಕೀಪರ್), ರವೀಂದ್ರ ಜಡೇಜಾ, ಇಶಾಂತ್‌ ಶರ್ಮಾ, ಜಸ್‌ಪ್ರೀತ್‌ ಬುಮ್ರಾ, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್. ಇಂಗ್ಲೆಂಡ್‌ ಪ್ಲೇಯಿಂಗ್ ಇಲೆವೆನ್ರೋರಿ ಬರ್ನ್ಸ್, ಹಸೀಬ್ ಹಮೀದ್, ಡಾವಿಡ್‌ ಮಲಾನ್, ಜೋ ರೂಟ್ (ನಾಯಕ), ಜಾನಿ ಬೈರ್‌ಸ್ಟೊವ್, ಮೊಯೀನ್‌ ಅಲಿ, ಜೋಸ್ ಬಟ್ಲರ್ (ವಿಕೆಟ್ಕೀಪರ್), ಸ್ಯಾಮ್ ಕರ್ರನ್, ಓಲ್ಲೀ ರಾಬಿನ್ಸನ್, ಕ್ರೇಗ್ ಓವರ್ಟರ್ನ್, ಜೇಮ್ಸ್ ಆಂಡರ್ಸನ್.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3BeXZpy
