ಕೋಲ್ಕೊತಾ: ಕಲ್ಲಿದ್ದಲು ಹಗರಣಕ್ಕೆ ಸಂಬಂಧಿಸಿದಂತೆ ಹಣ ಅಕ್ರಮ ವರ್ಗಾವಣೆ ಮಾಡಿರುವ ಆರೋಪದ ಮೇರೆಗೆ ವಿಚಾರಣೆಗೆ ಖುದ್ದು ಹಾಜರಾಗುವಂತೆ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಅವರ ಸೋದರಳಿಯ ಹಾಗೂ ಅವರ ಪತ್ನಿ ರುಜಿರಾಗೆ ಜಾರಿ ನಿರ್ದೇಶನಾಲಯ (.) ಅಧಿಕಾರಿಗಳು ಸಮನ್ಸ್‌ ನೀಡಿದ್ದಾರೆ. ಸೆಪ್ಟೆಂಬರ್‌ 1ರಂದು ರುಜಿರಾ ಮತ್ತು ಸೆಪ್ಟೆಂಬರ್‌ 6ರಂದು ಅಭಿಷೇಕ್‌ ಅವರಿಗೆ ವಿಚಾರಣೆಗೆ ಹಾಜರಾಗುವಂತೆ ಸೂಚಿಸಿಲಾಗಿದೆ. ಜತೆಗೆ, ಅಭಿಷೇಕ್‌ಗೆ ಆಪ್ತರಾದ ಕೆಲವು ಐಪಿಎಸ್‌ ಅಧಿಕಾರಿಗಳು, ಒಬ್ಬ ವಕೀಲರಿಗೂ ಕೂಡ ಸಮನ್ಸ್‌ ನೀಡಲಾಗಿದೆ ಎಂದು ತಿಳಿದುಬಂದಿದೆ. ಅಸಾನ್‌ಸೋಲ್‌ ಪ್ರದೇಶದ ಸುತ್ತಲೂ ನಡೆದಿರುವ 1300 ಕೋಟಿ ರೂ. ಮೌಲ್ಯದ ಕಲ್ಲಿದ್ದಲು ಹಗರಣ ಸಂಬಂಧ ತನಿಖೆ ನಡೆಸಿದ್ದ ಸಿಬಿಐ, 2020ರ ನವೆಂಬರ್‌ನಲ್ಲಿ ಎಫ್‌ಐಆರ್‌ ದಾಖಲಿಸಿತ್ತು. ಅದರ ಆಧಾರದ ಮೇಲೆ ಹಣ ಅಕ್ರಮ ವರ್ಗಾವಣೆ ತಡೆ ಕಾಯಿದೆ (ಪಿಎಂಎಲ್‌ಎ) ಅಡಿಯಲ್ಲಿ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಪ್ರಕರಣ ದಾಖಲಿಸಿಕೊಂಡು ವಿಚಾರಣೆಗೆ ಮುಂದಾಗಿದ್ದಾರೆ. ಕಲ್ಲಿದ್ದಲು ಹಗರಣದಲ್ಲಿ ಸ್ಥಳೀಯ ಉದ್ಯಮಿ ಅನೂಪ್‌ ಮಾಝಿ ಪ್ರಮುಖ ಆರೋಪಿಯಾಗಿದ್ದಾನೆ. ಮಮತಾ ಕಿಡಿ ಚುನಾವಣೆಯಲ್ಲಿ ತೃಣಮೂಲ ಕಾಂಗ್ರೆಸ್‌ನ್ನು ಎದುರಿಸಲಾಗದೆಯೇ ಹಿನ್ನಡೆ ಅನುಭವಿಸಿದ ಕೇಂದ್ರ ಸರಕಾರವು, ತನ್ನ ಅಧೀನದಲ್ಲಿರುವ ತನಿಖಾ ಸಂಸ್ಥೆಗಳನ್ನು ಟಿಎಂಸಿ ವಿರುದ್ಧ ಎತ್ತಿಕಟ್ಟುತ್ತಿದೆ ಎಂದು ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ಕಿಡಿಕಾರಿದ್ದಾರೆ. "ನಮ್ಮ ಆದ್ಯತೆ ಜನರಿಗಾಗಿ ಕೆಲಸ ಮಾಡುವುದು ಮಾತ್ರ. ಬಿಜೆಪಿಯ ಹಿಂದೆ ಹೋದ ಹಲವರು ಹಿಂದಿರುಗಿದ್ದಾರೆ. ಟಿಎಂಸಿಯೇ ಅವರ ಮನೆ ಎನ್ನುವುದನ್ನು ಅರಿತಿದ್ದಾರೆ. ಬಿಜೆಪಿಯ ಕೆಲವು ಮುಖಂಡರು ಕಲ್ಲಿದ್ದಲು ಮಾಫಿಯಾ ಜತೆ ಕೈಜೋಡಿಸಿದ್ದು ಅದನ್ನು ಶೀಘ್ರವೇ ಬಹಿರಂಗಗೊಳಿಸುತ್ತೇನೆ,'' ಎಂದು ಮಮತಾ ಬ್ಯಾನರ್ಜಿ ತಮ್ಮ ಎಂದಿನ ಶೈಲಿಯಲ್ಲಿ ಗುಡುಗಿದ್ದಾರೆ.
from India & World News in Kannada | VK Polls https://ift.tt/3gH9Kxo
