ಹೊಸದಿಲ್ಲಿ: ಇನ್ನೂ ಒಂದು ದಿನ ಬಾಕಿ ಇರುವಾಗಲೇ ವಿರುದ್ಧ ಹೆಡಿಂಗ್ಲೇ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ ಇನಿಂಗ್ಸ್ ಹಾಗೂ 76 ರನ್‌ಗಳಿಂದ ಹೀನಾಯ ಸೋಲು ಅನುಭವಿಸಿತು. ಈ ಗೆಲುವಿನೊಂದಿಗೆ ಜೋ ರೂಟ್‌ ಪಡೆ ಐದು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 1-1 ಸಮಬಲ ಸಾಧಿಸಿತು. ಲೀಡ್ಸ್‌ನ ಹೆಡಿಂಗ್ಲೇ ಕ್ರೀಡಾಂಗಣದಲ್ಲಿ ಮುಕ್ತಾಯವಾದ ಮೂರನೇ ಟೆಸ್ಟ್ ಪಂದ್ಯದ ಪ್ರಥಮ ಇನಿಂಗ್ಸ್‌ನಲ್ಲಿ ಕೊಹ್ಲಿ ಪಡೆ ಕೇವಲ 78 ರನ್‌ಗೆ ಆಲ್‌ಔಟ್‌ ಆದ ಕಾರಣ ಇಷ್ಟೊಂದು ಅಂತರದಲ್ಲಿ ಸೋಲು ಅನುಭವಿಸಬೇಕಾಯಿತು. ಹೀನಾಯ ಸೋಲು ಅನುಭವಿಸಿದ ಬೆನ್ನಲ್ಲೆ ಟೀಮ್‌ ಇಂಡಿಯಾವನ್ನು ಕ್ರಿಕೆಟ್ ಪಂಡಿತರು ಸೇರಿದಂತೆ ಅಭಿಮಾನಿಗಳು ಸೋಶಿಯಲ್‌ ಮೀಡಿಯಾದಲ್ಲಿ ಟೀಕಿಸಿದ್ದಾರೆ. ಅಂದಹಾಗೆ ಭಾರತ ಹಾಗೂ ಇಂಗ್ಲೆಂಡ್‌ ಟೆಸ್ಟ್ ಸರಣಿ ವೇಳೆ ಆಗಾಗ ತಮ್ಮದೇ ಹೇಳಿಕೆಗಳನ್ನು ನೀಡುವ ಮೂಲಕ ಎಲ್ಲರ ಗಮನ ಸೆಳೆಯುವ ಮಾಜಿ ನಾಯಕ ಕೂಡ ಪಂದ್ಯದ ಫಲಿತಾಂಶದ ಬಳಿಕ ಟ್ವೀಟ್‌ ಮಾಡಿದ್ದಾರೆ. ಇಂಗ್ಲೆಂಡ್‌ ತಂಡವನ್ನು ಮುಕ್ತಕಂಠದಿಂದ ಗುಣಗಾನ ಮಾಡಿದ ವಾನ್‌, ಸೋತ ಭಾರತ ತಂಡದ ಆಟಗಾರರನ್ನು ಕೆಲಸಕ್ಕೆ ಬಾರದವರು ಎಂದು ಕಟುವಾಗಿ ಟೀಕಿಸಿದ್ದಾರೆ. ಲಾರ್ಡ್ಸ್ ಟೆಸ್ಟ್ ಪಂದ್ಯದಲ್ಲಿ ಹೀನಾಯವಾಗಿ ಸೋಲು ಅನುಭವಿಸಿದ ಬಳಿಕವೂ ಶಕ್ತಿಯುತವಾಗಿ ಕಮ್‌ಬ್ಯಾಕ್‌ ಮಾಡಿದ ಇಂಗ್ಲೆಂಡ್‌ ತಂಡವನ್ನು ಮೈಕಲ್ ವಾನ್‌ ಗುಣಗಾನ ಮಾಡಿದ್ದಾರೆ. ಹೀಯಾನವಾಗಿ ಸೋಲು ಅನುಭವಿಸಿದ ಕೊಹ್ಲಿ ನಾಯಕತ್ವದ ಭಾರತ ತಂಡವನ್ನು 'ಕೆಲಸಕ್ಕೆ ಬಾರದ ತಂಡ' ಎಂದು ಟ್ವೀಟ್‌ ಮಾಡಿದ್ದಾರೆ. "ಇಂಗ್ಲೆಂಡ್‌ ತಂಡದಿಂದ ಅದ್ಭುತ ಪ್ರದರ್ಶನ.. ಲಾರ್ಡ್ಸ್ ಟೆಸ್ಟ್ ಹೀನಾಯ ಸೋಲಿನ ಬಳಿಕ ಇಂಗ್ಲೆಂಡ್‌ ನಾಯಕ ಜೋ ರೂಟ್‌ ಅತ್ಯುತ್ತಮ ಪಾತ್ರವನ್ನು ನಿರ್ವಹಿಸಿದ್ದಾರೆ... ಭಾರತ!!!! ಇದನ್ನು ಮರೆಯಲು ಇನ್ನು ಕೆಲವು ದಿನಗಳಾಗಬಹುದು.. ನೀವು ನಿಜವಾಗಲೂ ಕೆಲಸಕ್ಕೆ ಬಾರದವರು!!!' ಎಂದು ವಾನ್‌ ಟ್ವೀಟ್‌ ಮಾಡಿದ್ದಾರೆ. ಇದರ ಬೆನ್ನಲ್ಲೆ ರೊಚ್ಚಿಗೆದ್ದ ಭಾರತೀಯ ಅಭಿಮಾನಿಗಳು ಭಾರತ ತಂಡವನ್ನು ಸಮರ್ಥಿಸಿಕೊಂಡಿದ್ದಾರೆ ಹಾಗೂ ಭಾರತ ತಂಡದ ಬಗ್ಗೆ ಕೆಟ್ಟದಾಗಿ ಟ್ವೀಟ್‌ ಮಾಡಿದ ಮೈಕಲ್ ವಾನ್‌ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಟ್ವಿಟರ್‌ ಬಳಕೆದಾರ ನವೀನ್‌ ನಾಯರ್‌ ಎಂಬುವವರು ಮೈಕಲ್ ವಾನ್‌ ಟ್ವೀಟ್‌ಗೆ ತಿರುಗೇಟು ನೀಡಿದ್ದಾರೆ. "ಅನುಪಯುಕ್ತ ಪದವನ್ನು ಕ್ರಿಕೆಟಿಗರು ಬಳಸುವುದಿಲ್ಲ, ಅಷ್ಟೇ ಅಲ್ಲದೆ ಎದುರಾಳಿ ತಂಡಗಳು ಕೂಡ ಉಪಯೋಗಿಸುವುದಿಲ್ಲ. ಬೆಳೆಯಿರಿ, ಮೈಕಲ್ ವಾನ್‌ ಬೆಳೆಯಿರಿ, ಇದು ಇನ್ನೂ ಮೂರನೇ ಪಂದ್ಯ! ಇನ್ನೂ ಎರಡು ಪಂದ್ಯ ಬಾಕಿ ಇದೆ!" ಎಂದು ಇಂಗ್ಲೆಂಡ್‌ ಮಾಜಿ ನಾಯಕನಿಗೆ ತಿರುಗೇಟು ನೀಡಿದ್ದಾರೆ. "ಇದೀಗ ಇಂಗ್ಲೆಂಡ್‌ ತಂಡ ಗೆದ್ದಿದೆ, ಅದಕ್ಕೆ ಟ್ವೀಟ್‌ ಮಾಡಿದ್ದೀರಿ. ಒಂದು ವೇಳೆ ಭಾರತ ಜಯಿಸಿದ್ದರೆ ನೀವು ಟ್ವೀಟ್‌ ಮಾಡುತ್ತಿರಲಿಲ್ಲ. ನಿಮ್ಮ ತಂಡ ಗೆದ್ದಿರುವ ಕಾರಣ ಉತ್ಸುಕರಾಗಿ ಟ್ವೀಟ್‌ ಮಾಡಿದ್ದೀರಿ. ಆದರೆ, ಭಾರತ ಸೋಲಲಿ ಅಥವಾ ಗೆಲ್ಲಲಿ ನಮ್ಮ ತಂಡಕ್ಕೆ ಪ್ರೋತ್ಸಾಹ ನೀಡುತ್ತಲೇ ಇರುತ್ತೇವೆ," ಎಂದು ಮತ್ತೊಬ್ಬ ಅಭಿಮಾನಿ ಟ್ವೀಟ್‌ ಮಾಡಿದ್ದಾರೆ. ಟಾಸ್‌ ಬಗೆಗಿನ ನಿರ್ಧಾರದ ಬಗ್ಗೆ ವಿಷಾದವಿಲ್ಲ: ಕೊಹ್ಲಿ ಪಂದ್ಯದಲ್ಲಿ ಟಾಸ್‌ ಗೆದ್ದಿದ್ದ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದರು. ಆದರೆ, ಇಂಗ್ಲೆಂಡ್‌ ವೇಗದ ಬೌಲಿಂಗ್‌ ದಾಳಿಗೆ ನಲುಗಿ ಭಾರತ ತಂಡ 41 ಓವರ್‌ಗಳ ಒಳಗೆ ಕೇವಲ 78 ರನ್‌ಗಳಿಗೆ ಆಲೌಟ್‌ ಆಗಿತ್ತು. ಇದರ ಬೆನ್ನಲ್ಲೆ ಹಲವು ಮಾಜಿ ಕ್ರಿಕೆಟಿಗರು, ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದ ಕೊಹ್ಲಿಯ ನಿರ್ಧಾರವನ್ನು ಟೀಕಿಸಿದ್ದರು. ಶನಿವಾರ ಪಂದ್ಯ ಸೋತ ಬಳಿಕ ವರ್ಚುವಲ್‌ ಸುದ್ದಿಗೋಷ್ಠಿಯಲ್ಲಿ ನಾಯಕ ವಿರಾಟ್‌ ಕೊಹ್ಲಿಗೆ ಇದೇ ಪ್ರಶ್ನೆ ಮುಂದಿಡಲಾಯಿತು. ಇದಕ್ಕೆ ಉತ್ತರಿಸಿದ , ಮೊದಲು ಬ್ಯಾಟ್‌ ಮಾಡುವ ನನ್ನ ನಿರ್ಧಾರದ ಬಗ್ಗೆ ವಿಷಾದಿಸುವುದಿಲ್ಲ. ಏಕೆಂದರೆ ಇಲ್ಲಿನ ಪಿಚ್‌ ಬ್ಯಾಟಿಂಗ್‌ಗೆ ಅತ್ಯುತ್ತಮವಾಗಿತ್ತು ಎಂದು ಹೇಳಿದ್ದಾರೆ. "ಟಾಸ್‌ ವೇಳೆ ನಾನು ತೆಗೆದುಕೊಂಡ ನಿರ್ಧಾರದಿಂದ ವಿಷಾದಿಸುವುದಿಲ್ಲ. ಏಕೆಂದರೆ ಪಿಚ್‌ ಬ್ಯಾಟಿಂಗ್‌ಗೆ ಅತ್ಯುತ್ತಮವಾಗಿತ್ತು, ಇಂಗ್ಲೆಂಡ್‌ ಬ್ಯಾಟ್‌ ಮಾಡುವಾಗ ನೀವು ಇದನ್ನು ನೋಡಿರಬಹುದು. ಆದರೆ, ನಮ್ಮ ಬೌಲರ್‌ಗಳು ಸಾಕಷ್ಟು ಸ್ಥಿರವಾಗಿರಲಿಲ್ಲ ಎಂದು ಭಾವಿಸುತ್ತೇನೆ," ಎಂದು ವಿರಾಟ್‌ ಹೇಳಿಕೊಂಡರು. ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳು ಕೊಡುಗೆ ನೀಡದೇ ಇದ್ದಾಗ, ತಂಡದ ಸಂಯೋಜನೆಯನ್ನು ನಿರ್ಧರಿಸುವುದು ತುಂಬಾ ಕಠಿಣವಾಗುತ್ತದೆ ಎಂದು ವಿರಾಟ್‌ ಕೊಹ್ಲಿ ಬಹಿರಂಗಪಡಿಸಿದರು. ಕಳೆದ ಆಸ್ಟ್ರೇಲಿಯಾ ಟೆಸ್ಟ್ ಸರಣಿಯ ಅಡಿಲೇಡ್‌ ಟೆಸ್ಟ್ ಪಂದ್ಯದ ಹೀನಾಯ ಸೋಲಿನ ಬಳಿಕವೂ ಭಾರತ ಶಕ್ತಿಯುತವಾಗಿ ಕಮ್‌ಬ್ಯಾಕ್‌ ಮಾಡಿತ್ತು ಎಂಬ ಅಂಶವನ್ನು ಇದೇ ಸಂದರ್ಭದಲ್ಲಿ ಸ್ಮರಿಸಿಕೊಂಡರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3sTfhG3
