ಉದಿಯಂಡ ಜಯಂತಿ ಮಂದಣ್ಣ ಮಡಿಕೇರಿಮಡಿಕೇರಿ: ಏರಿದ ರಾಷ್ಟ್ರದ ಮೊದಲ ಐಎಫ್‌ಎಸ್‌ ಅಧಿಕಾರಿ ಎನ್ನುವ ಹೆಗ್ಗಳಿಕೆಗೆ ಪಾತ್ರವಾದ ಕೊಡಗು ಅರಣ್ಯ ಉಪ ಸಂರಕ್ಷಣಾಧಿಕಾರಿ (ಡಿಎಫ್‌ಒ) ಎಸ್‌.ಪ್ರಭಾಕರನ್‌ ಪರ್ವತವನ್ನೂ ಯಶಸ್ವಿಯಾಗಿ ಏರುವ ಮೂಲಕ ಮತ್ತೊಂದು ಸಾಧನೆ ಮಾಡಿದ್ದಾರೆ. ಕೊಡಗು ಜಿಲ್ಲೆಯಲ್ಲಿ ಉಪ ಅರಣ್ಯ ಸಂರಕ್ಷಣಾಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸುತ್ತಿರುವ ಹಿಮಾಲಯ ಪರ್ವತಗಳ ಸಾಲಿನಲ್ಲಿರುವ ಮೌಂಟ್‌ನನ್‌ ಪರ್ವತವನ್ನು 2021 ಆ. 20ರಂದು ಏರಿ ಸಾಧನೆ ಮಾಡಿದ್ದಾರೆ. 2016ರಲ್ಲಿ ಇವರು ಮೌಂಟ್‌ ಎವರೆಸ್ಟ್‌ ಅನ್ನು ಚೀನಾ ಭಾಗದ ಉತ್ತರ ದಿಕ್ಕಿನ ಮೂಲಕ ಏರಿ ದಾಖಲೆ ಮಾಡಿದ್ದರು. ಈಗ ಎತ್ತರದ ಮೌಂಟ್‌ನನ್‌ ಪರ್ವತ ಏರುವ ಮೂಲಕ ತಮ್ಮ ಸಾಧನೆಯ ಬತ್ತಳಿಕೆಗೆ ಮತ್ತೊಂದನ್ನು ಸೇರ್ಪಡೆ ಮಾಡಿಕೊಂಡಿದ್ದಾರೆ. 21 ದಿನದ ಅನುಭವ ಪರ್ವತಾರೋಹಣದ 21 ದಿನಗಳ ತಮ್ಮ ಅನುಭವವನ್ನು ವಿಜಯ ಕರ್ನಾಟಕ ಜತೆ ಹಂಚಿಕೊಂಡಿದ್ದಾರೆ. ''ದಿಲ್ಲಿ, ಲೇಹ್‌, ಕಾರ್ಗಿಲ್‌ ಮಾರ್ಗವಾಗಿ ಪರ್ವತ ಏರಿದೆವು. ತಂಡದಲ್ಲಿ ಒಟ್ಟು 6 ಸದಸ್ಯರಿದ್ದೆವು. ಎರಡು ಮಂದಿಗೆ ಕೊನೆ ದಿನದಲ್ಲಿ ಆರೋಗ್ಯ ಸಮಸ್ಯೆ ಉಂಟಾಯಿತು. ಆದ್ದರಿಂದ ಉಳಿದ ನಾಲ್ಕು ಮಂದಿ ಪರ್ವತದ 6500 ಮೀಟರ್‌ ಏರಿದೆವು. ಎತ್ತರಕ್ಕೆ ಏರಬೇಕಾದ ಸಂದರ್ಭ ಮತ್ತೊಬ್ಬ ಸದಸ್ಯರಿಗೂ ಆರೋಗ್ಯ ಸಮಸ್ಯೆ ಕಾಡಿದ ಪರಿಣಾಮ ತಂಡದ ಸದಸ್ಯರೆಲ್ಲ ನಿರ್ಣಯ ತೆಗೆದುಕೊಂಡು ಹಿಂತಿರುಗಬೇಕಾಯಿತು. ಕೊನೆ ದಿನ ಆರೋಗ್ಯ ಕೈಕೊಟ್ಟ ಪರಿಣಾಮ ಸಂಪೂರ್ಣ 7135 ಮೀಟರ್‌ ಏರಲು ಸಾಧ್ಯವಾಗಲಿಲ್ಲ,'' ಎಂದು ಪ್ರಭಾಕರನ್‌ ತಮಗೆ ಎದುರಾದ ಸಂಕಷ್ಟಗಳನ್ನು ವಿವರಿಸಿದರು. ಹವಾಗುಣ ವ್ಯತ್ಯಾಸ ''ನಮ್ಮೊಂದಿಗೆ ಆಂಧ್ರ, ಅರುಣಾಚಲ ಪ್ರದೇಶ ಹಾಗೂ ರಾಜಸ್ಥಾನ ರಾಜ್ಯದ ಹಲವರು ಇದ್ದರು. ಯಾವುದೇ ಪರ್ವತವಾಗಲಿ 4-5 ಸಾವಿರ ಮೀಟರ್‌ ಏರಿದ ಮೇಲೆ ಹವಾಗುಣದ ಬಗ್ಗೆ ನಿರ್ದಿಷ್ಟವಾಗಿ ಏನೂ ಹೇಳಲು ಸಾಧ್ಯವಿಲ್ಲ. ಪ್ರತಿ ಸಂದರ್ಭವೂ ಅಪಾಯಕಾರಿಯೇ ಆಗಿರುತ್ತದೆ. ಹಿಮ, ಗಾಳಿ ನಮಗೆ ಕ್ಷಣ ಕ್ಷಣಕ್ಕೂ ಸವಾಲೊಡ್ಡುತ್ತಲೇ ಇರುತ್ತದೆ. ಇದೇ ಸಮಸ್ಯೆ ನಮ್ಮನ್ನು ಕಾಡಿದ ಪರಿಣಾಮ ಪರ್ವತ ಏರಲು ಎರಡು ದಿನ ತಡವಾಯಿತು,'' ಎಂದು ತಮ್ಮ ಅನುಭವ ಹಂಚಿಕೊಂಡರು. ''ಬಾಲ್ಯದಿಂದಲೇ ಕ್ರೀಡೆ, ಟ್ರಕ್ಕಿಂಗ್‌ ಬಗ್ಗೆ ಆಸಕ್ತಿ ಹೊಂದಿದ್ದೇನೆ. ಇಲಾಖೆಗೆ ಸೇರಿದ ನಂತರವೂ ಇದನ್ನು ಬಿಟ್ಟಿಲ್ಲ. ವೃತ್ತಿಯೂ ನನಗೆ ಪೂರಕವಾಗಿಯೇ ಇದೆ. ಪರ್ವತ ಏರಲು ನಿರಂತರವಾಗಿ ಆರೋಗ್ಯ ಕಾಪಾಡಿಕೊಳ್ಳಬೇಕು. ಸಮಯವಿದ್ದಾಗ ರನ್ನಿಂಗ್‌ ಹಾಗೂ ಸೈಕ್ಲಿಂಗ್‌ನಲ್ಲಿ ತೊಡಗಿಸಿಕೊಳ್ಳುತ್ತೇನೆ,'' ಎನ್ನುತ್ತಾರೆ ಎಸ್‌.ಪ್ರಭಾಕರನ್‌. 'ನನ್‌' ಪರ್ವತದ ಬಗ್ಗೆ ಲಡಾಕ್‌ನ ನಿಯಂತ್ರಣ ರೇಖೆಯ ಭಾರತೀಯ ಭಾಗದಲ್ಲಿ ಹಿಮಾಲಯನ್‌ ಶ್ರೇಣಿಯ ಭಾಗದಲ್ಲಿರುವ ನನ್‌ ಅತ್ಯಂತ ಎತ್ತರದ ಶಿಖರಗಳಲ್ಲಿ ಒಂದಾಗಿದೆ. ಪರ್ವತಾರೋಹಣದಂತಹ ಸಾಹಸಮಯ ಕ್ರೀಡೆಗಳಿಗೆ ಈ ಪರ್ವತ ಹೆಸರುವಾಸಿ. ಜುಲೈ, ಅಗಸ್ಟ್‌ ಮತ್ತು ಸೆಪ್ಟೆಂಬರ್‌ ತಿಂಗಳು ಪರ್ವತ ಏರಲು ಉತ್ತಮ ಸಮಯ. ಮೌಂಟ್‌ ನನ್‌ ಪರ್ವತ 7,137 ಮೀಟರ್‌ ಎತ್ತರವಿದೆ. ಇದರೊಂದಿಗೆ ಕುನ್‌ ಪರ್ವತ ಸಮೂಹವೂ ಇದ್ದು, ಜೋಡಿ ಹಿಮಾಲಯ ಶಿಖರಗಳನ್ನು ಒಳಗೊಂಡ ಖ್ಯಾತಿ ಇದರದ್ದು. ನನ್‌, 7,135 ಮೀ ಮತ್ತು ಅದರ ನೆರೆಯ ಶಿಖರ ಕುನ್‌ ಪೀಕ್‌ 7,077 ಮೀ ಇದೆ. ಪರ್ವತ ಏರಲು ಕನಸು ಕಾಣುವವರು ತಮ್ಮ ಆರೋಗ್ಯವನ್ನು ಸದೃಢವಾಗಿಟ್ಟುಕೊಳ್ಳಬೇಕು. ಮುಂದಿನ ದಿನದಲ್ಲಿ 8000 ಮೀಟರ್‌ಗೂ ಎತ್ತರವಿರುವ ಪರ್ವತವನ್ನು ಏರುವ ಉದ್ದೇಶ ಹೊಂದಿದ್ದೇನೆ. ಇಲಾಖೆಯಲ್ಲಿಯೂ ತಮ್ಮ ಪ್ರಯತ್ನಕ್ಕೆ ಮೇಲಿನ ಅಧಿಕಾರಿಗಳ ಪ್ರೋತ್ಸಾಹವಿದ್ದು, ಸದಾ ಸ್ಮರಿಸುತ್ತೇನೆ. ಎಸ್‌. ಪ್ರಭಾಕರನ್‌, ಉಪ ಅರಣ್ಯ ಸಂರಕ್ಷಣಾಧಿಕಾರಿ ಕೊಡಗು
from India & World News in Kannada | VK Polls https://ift.tt/3jphRjW
