ಹೊಸದಿಲ್ಲಿ: ವಿರುದ್ಧ ಹೆಡಿಂಗ್ಲೇ ಟೆಸ್ಟ್ ಮೂರನೇ ದಿನ ಅವರ ಬ್ಯಾಟಿಂಗ್‌ ಪ್ರದರ್ಶನವನ್ನು ಮುಕ್ತಕಂಠದಿಂದ ಗುಣಗಾನ ಮಾಡಿದ ಟೀಮ್ ಇಂಡಿಯಾ ಮಾಜಿ ವೇಗಿ , ಬಲಗೈ ಆಟಗಾರನ ಇಂತಹ ಪ್ರದರ್ಶನವನ್ನು ಹಿಂದೆಂದೂ ನಾನು ನೋಡಿಯೇ ಇಲ್ಲ ಎಂದು ಹೇಳಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಕಳಪೆ ಬ್ಯಾಟಿಂಗ್‌ ಪ್ರದರ್ಶನದಿಂದ ಭಾರಿ ಟೀಕೆಗಳಿಗೆ ಗುರಿಯಾಗಿದ್ದ ಚೇತೇಶ್ವರ್‌ ಪೂಜಾರ, ತಮ್ಮ ಸಾಮರ್ಥ್ಯ ಏನೆಂಬುದನ್ನು ಶುಕ್ರವಾರ ಅಪಾರ ಅಭಿಮಾನಿಗಳ ಎದುರು ಸಾಬೀತುಪಡಿಸಿದರು. ಕೆ.ಎಲ್‌ ರಾಹುಲ್‌ ವಿಕೆಟ್‌ ಒಪ್ಪಿಸಿದ ಬಳಿಕ ಕ್ರೀಸ್‌ಗೆ ಬಂದ ಪೂಜಾರ, ತಮ್ಮ ಮೊದಲನೇ ಎಸೆತದಿಂದಲೂ ಆಕ್ರಮಣಕಾರಿ ಬ್ಯಾಟಿಂಗ್‌ ಪ್ರದರ್ಶನಕ್ಕೆ ಕೈ ಹಾಕಿದರು. ಆರಂಭಿಕ ರೋಹಿತ್‌ ಶರ್ಮಾ ಜೊತೆ 89 ರನ್‌ ಜೊತೆಯಾಟವಾಡಿದ ಪೂಜಾರ, 180 ಎಸೆತಗಳಲ್ಲಿ ಅಜೇಯ 91 ರನ್‌ ಗಳಿಸಿದ್ದು ಶತಕದಂಚಿನಲ್ಲಿದ್ದಾರೆ. ಎಲ್ಲ ಅಂದುಕೊಂಡಂತೆ ನಡೆದರೆ, ನಾಲ್ಕನೇ ದಿನ ಆರಂಭದಲ್ಲಿ ಚೇತೇಶ್ವರ್‌ ಪೂಜಾರ ಶತಕ ಪೂರೈಸಲಿದ್ದಾರೆ. 45 ರನ್‌ ಗಳಿಸಿರುವ ವಿರಾಟ್‌ ಕೊಹ್ಲಿ ಮತ್ತೊಂದು ತುದಿಯಲ್ಲಿ ಅಜೇಯರಾಗಿ ಉಳಿದಿದ್ದಾರೆ. ಚೇತೇಶ್ವರ್‌ ಪೂಜಾರ ಅವರ ಆಟವನ್ನು ಗಮಿಸಿದರೆ, ಅವರು ತಮ್ಮ ವೈಯಕ್ತಿಕ ಶೈಲಿಯಲ್ಲಿ ಬ್ಯಾಟಿಂಗ್‌ ಪ್ರದರ್ಶನ ತೋರುತ್ತಿದ್ದಾರೆಂದು ಕಾಣುತ್ತಿದೆ. ಇದರಲ್ಲಿ ತುಂಬಾ ವಿಶೇಷವಾದ ಅಂಶವೇನೆಂದರೆ, ಅವರು ಒತ್ತಡವಿಲ್ಲದೆ ಬ್ಯಾಟ್‌ ಮಾಡುತ್ತಿದ್ದಾರೆ ಎಂದು ಎಡಗೈ ಮಾಜಿ ವೇಗಿ ಆಶಿಶ್‌ ನೆಹ್ರಾ ಅಭಿಪ್ರಾಯ ಪಟ್ಟಿದ್ದಾರೆ. "ಪೂಜಾರ ಇಂದು(ಶುಕ್ರವಾರ) ತೋರಿದ ಪ್ರದರ್ಶನವನ್ನು ನಾನು ಈ ಹಿಂದೆ ನೋಡಿಯೇ ಇಲ್ಲ. ಸಕಾರಾತ್ಮಕವಾಗಿ ಬ್ಯಾಟ್‌ ಮಾಡುತ್ತಿದ್ದ ಅವರ ಆಟ ಸಂಪೂರ್ಣ ವಿಭಿನ್ನವಾಗಿ ಕಂಡಿದೆ. ತಮ್ಮ ಪ್ರದರ್ಶನದ ಬಗ್ಗೆ ಅವರು ಯಾವುದೇ ಒತ್ತಡಕ್ಕೆ ಒಳಗಾಗಿದ್ದಾರೆಂದು ನನಗೆ ಅನಿಸುತ್ತಿಲ್ಲ. ಇದು ಅವರ ವೈಯಕ್ತಿಕ ಪ್ರಕ್ರಿಯೆ ಎಂದು ನಾನು ಭಾವಿಸುತ್ತೇನೆ," ಎಂದು ನೆಹ್ರಾ ಹೇಳಿದ್ದಾರೆ. ಚೆತೇಶ್ವರ್‌ ಪೂಜಾರ ಅವರು 80ಕ್ಕೂ ಹೆಚ್ಚಿನ ಟೆಸ್ಟ್ ಪಂದ್ಯಗಳಲ್ಲಿ ತಮ್ಮದೇ ಶೈಲಿಯ ಬ್ಯಾಟಿಂಗ್‌ನಿಂದ 6000ಕ್ಕೂ ಹೆಚ್ಚಿನ ರನ್‌ ಗಳಿಸಿದ್ದಾರೆ. ಅದೇ ಹಾದಿಯಲ್ಲಿಯೇ ಬಲಗೈ ಬ್ಯಾಟ್ಸ್‌ಮನ್‌ ಮೂರನೇ ದಿನ ಬ್ಯಾಟ್‌ ಮಾಡಿದ್ದಾರೆ. ಇದೇ ರೀತಿ ಪೂಜಾರ ಬ್ಯಾಟಿಂಗ್‌ ಮುಂದುವರಿಸಿದರೆ, ತಂಡದ ಮೂರನೇ ಕ್ರಮಾಂಕದ ವಿಭಿನ್ನ ದೃಷ್ಟಿಕೋನಕ್ಕೆ ಇಡೀ ವಿಶ್ವವೇ ಸಾಕ್ಷಿಯಾಗಲಿದೆ," ಎಂದು ತಿಳಿಸಿದ್ದಾರೆ. "ಪೂಜಾರ ತುಂಬಾ ನಿಧಾನವಾಗಿ ಬ್ಯಾಟ್‌ ಮಾಡುತ್ತಾರೆಂದು ಜನರು ಹೇಳುತ್ತಾರೆ. ಇದು 5 ರಿಂದ 10 ಟೆಸ್ಟ್ ಪಂದ್ಯಗಳ ವಿಷಯವಲ್ಲ. ಅವರು ಭಾರತ ತಂಡದ ಪರ ಹೆಚ್ಚು ಕಡಿಮೆ 90 ಪಂದ್ಯಗಳಲ್ಲಿ ಆಡಿದ್ದಾರೆ ಹಾಗೂ 6000ಕ್ಕೂ ಹೆಚ್ಚಿನ ರನ್‌ ಗಳಿಸಿದ್ದಾರೆ. ನಿಮ್ಮ ಬ್ಯಾಟಿಂಗ್‌ ಶೈಲಿಯಲ್ಲಿ ಯಶಸ್ಸು ಕಂಡಿದ್ದೀರಿ. ಆದರೆ, ಜನರು ಏನೇ ಮಾತನಾಡಿದರೂ ನೀವು ತಲೆ ಕೆಡಿಸಿಕೊಳ್ಳಬೇಡಿ. ಇಂದು(ಶುಕ್ರವಾರ) ಆಡಿದ ರೀತಿಯಲ್ಲೇ ಮುಂದುವರಿಸಿ, ನೀವು ವಿಭಿನ್ನ ಪೂಜಾರ ಆಗಿ ಕಾಣಿಸುತ್ತೀರಿ," ಎಂದು ನೆಹ್ರಾ ಸಲಹೆ ನೀಡಿದ್ದಾರೆ. ಅಂದಹಾಗೆ ಭಾರತ ತಂಡ ಮೂರನೇ ದಿನದಾಟದ ಅಂತ್ಯಕ್ಕೆ 80 ಓವರ್‌ಗಳಿಗೆ ಎರಡು ವಿಕೆಟ್‌ ನಷ್ಟಕ್ಕೆ 215 ರನ್‌ ಗಳಿಸಿದ್ದು, ಪೂಜಾರ ಹಾಗೂ ವಿರಾಟ್‌ ಕೊಹ್ಲಿ(45*) ಅಜೇಯರಾಗಿ ಉಳಿದಿದ್ದಾರೆ. ಆ ಮೂಲಕ ಭಾರತ ಇನ್ನು 139 ರನ್‌ ಹಿನ್ನಡೆಯಲ್ಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3BivHuu
