ಫಾಲಲೋಚನ ಆರಾಧ್ಯ ಚಾಮರಾಜನಗರಚಂದನ್‌ ಡಿ.ಎನ್‌. ಗುಬ್ಬಿ(ತುಮಕೂರು) ಬೆಂಗಳೂರು: ಆಳುವ ಸರಕಾರಗಳ ನಿಷ್ಕಾಳಜಿ ಹಾಗೂ ವಿಳಂಬ ಧೋರಣೆ ಫಲವಾಗಿ ಮಹಾತ್ಮಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆಯಡಿ ದುಡಿದ ಫಲಾನುಭವಿಗಳಿಗೆ ಕಳೆದ ಒಂದು ತಿಂಗಳಿಂದ ಕೈ ಸೇರಿಲ್ಲ. ಕೋವಿಡ್‌ ಲಾಕ್‌ಡೌನ್‌ ಸಂದರ್ಭದಲ್ಲಿ ಕೆಲಸ ಇಲ್ಲದೇ ಪರಿತಪಿಸುತ್ತಿದ್ದ ಮಂದಿಗೆ ಯೋಜನೆ ವರವಾಗಿತ್ತು. ಎಲ್ಲೂ ಕೆಲಸವೇ ಇಲ್ಲ ಎಂಬ ಪರಿಸ್ಥಿತಿಯಲ್ಲಿ ಸರಕಾರದ ಈ ಯೋಜನೆ ಕಾರ್ಮಿಕ ವರ್ಗದ ಕೈ ಹಿಡಿದಿತ್ತು. ಆದರೆ, ಹೀಗೆ ದುಡಿದ ಮಂದಿಗೆ ಕಳೆದ ಒಂದು ತಿಂಗಳಿಂದಲೂ ವೇತನವೇ ಬಿಡುಗಡೆ ಆಗಿಲ್ಲ. ಹೀಗಾಗಿ ಫಲಾನುಭವಿ ಕಾರ್ಮಿಕರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಯೋಜನೆಯಂತೆ ಆಯಾ ಗ್ರಾಮ ಪಂಚಾಯಿತಿ ಮಟ್ಟದಲ್ಲಿ ದುಡಿದ ಕಾರ್ಮಿಕರ ಮಾನವ ದಿನಗಳಿಗೆ ತಕ್ಕಂತೆ ಗ್ರಾ.ಪಂ. ಅಭಿವೃದ್ಧಿ ಅಧಿಕಾರಿ, ಯೋಜನೆ ಎಂಜಿನಿಯರ್‌ ಹಾಗೂ ತಾ.ಪಂ. ಇಒ ಅವರ ಬಯೋಮೆಟ್ರಿಕ್‌ ನೀಡಿದ ಆಧಾರದಲ್ಲಿ ವೇತನ ಬಿಡುಗಡೆಯಾಗುತ್ತಾ ಹೋಗುತ್ತದೆ. ಕೆಲವೊಮ್ಮೆ ಗ್ರಾ.ಪಂ. ಮಟ್ಟದಲ್ಲೇ ಈ ಪ್ರಕ್ರಿಯೆ ವಿಳಂಬ ಆಗುವುದುಂಟು. ಹೀಗೆ ಸಹಿ ಸಹಿತ ಬಯೋಮೆಟ್ರಿಕ್‌ ನೀಡುವುದು ತಡವಾದರೂ ವೇತನ ಬಿಡುಗಡೆ ಕುಂಠಿತವಾಗುತ್ತದೆ. ಆದರೆ ಈ ಬಾರಿ ಗ್ರಾ.ಪಂ. ಮಟ್ಟದಲ್ಲೇನು ಸಮಸ್ಯೆ ಆಗಿಲ್ಲ. ಬದಲಿಗೆ ಸರಕಾರದ ಮಟ್ಟದಲ್ಲೇ ಸಮಸ್ಯೆ ತಲೆದೋರಿದೆ. ಜಿಲ್ಲೆಯಷ್ಟೇ ಅಲ್ಲ. ರಾಜ್ಯದ ಎಲ್ಲಡೆಯಲ್ಲೂ ವೇತನ ಸಮಸ್ಯೆಯಾಗಿದೆ. ಸಂಕಷ್ಟದಲ್ಲಿದ್ದ ಸಾವಿರಾರು ಕಾರ್ಮಿಕರಿಗೆ ನರೇಗಾ ಯೋಜನೆಯಡಿ ಕೆಲಸ ಸಿಕ್ಕಿತು. ಆದರೆ, ದುಡಿದ ಕೈಗಳಿಗೆ ಹಣ ನೀಡುವಲ್ಲಿ ಸರಕಾರ ಕಾಳಜಿ ವಹಿಸಿಲ್ಲ. ಪುರುಷೋತ್ತಮ್‌, ನರೇಗಾ ಫಲಾನುಭವಿ ಸರಕಾರದ ಮಟ್ಟದಲ್ಲಿ ಆಗಿರುವ ತಾಂತ್ರಿಕ ಸಮಸ್ಯೆಯಿಂದಾಗಿ ವೇತನ ಬಿಡುಗಡೆ ವಿಳಂಬ ಆಗಿರಬಹುದು. ಈ ಸಮಸ್ಯೆ ಕೇವಲ ನಮ್ಮ ಜಿಲ್ಲೆಗೆ ಸಂಬಂಧಿಸಿದ್ದಲ್ಲ. ರಾಜ್ಯದೆಲ್ಲೆಡೆ ಇದು ತಲೆದೋರಿದೆ. ಹರ್ಷಲ್‌ ಭೋಯರ್‌, ಸಿಇಒ, ಜಿಲ್ಲಾಪಂಚಾಯಿತಿ, ಚಾ.ನಗರ ಕೇಂದ್ರ ಸರಕಾರದಿಂದ ಬರಬೇಕಿದ್ದ ಬಹುಪಾಲಿನ ಅನುದಾನ ತಡವಾಗಿರುವುದರಿಂದ ನರೇಗಾ ಕೂಲಿ ಪಾವತಿ ವಿಳಂಬವಾಗುತ್ತಿದೆ. ನಾಗೇಂದ್ರ, ರಾಜ್ಯ ಐಇಸಿ ಸಂಯೋಜಕರು ಅನುದಾನಕ್ಕೆ ಕೇಂದ್ರ ಕೊಕ್ಕೆ ನರೇಗಾ ಅನುದಾನದಲ್ಲಿ ಶೇ.90ರಷ್ಟು ಕೇಂದ್ರ ಹಾಗೂ ಶೇ.10ರಷ್ಟು ರಾಜ್ಯದ ಪಾಲಿದೆ. ಕೇಂದ್ರದ ಪಾಲು ಇನ್ನೂ ಬಾರದಿರುವುದೇ ಕೂಲಿ ಹಣ ಜಮೆಗೆ ಅಡ್ಡಿಯಾಗಿದೆ. ರಾಜ್ಯದಲ್ಲಿ ನೋಂದಾಯಿತ 1,73,56,162 ಕಾರ್ಮಿಕರಲ್ಲಿ ಪ್ರಸಕ್ತ ವರ್ಷ 8,14,384 ಸಕ್ರಿಯ ಕೆಲಸಗಾರರಿದ್ದಾರೆ. ಕೊರೊನಾ ನಂತರವಂತೂ ಅನೇಕರು ನರೇಗಾವನ್ನೇ ನೆಚ್ಚಿಕೊಂಡಿದ್ದಾರೆ. ಸರಕಾರ ಕೂಡ ನರೇಗಾಗೆ ಉತ್ತೇಜನ ನೀಡಿ, ದುಡಿಮೆಗೆ ಅವಕಾಶ ತೆರೆದಿಟ್ಟು ಭರವಸೆ ಮೂಡಿಸಿತ್ತು. ಆದರೆ, ಇದೀಗ ಕೇಂದ್ರದ ಅನುದಾನದ ಸಮಸ್ಯೆ 'ಉದ್ಯೋಗ ಖಾತ್ರಿ'ಯನ್ನು ಹುಸಿಯಾಗಿಸಿದೆ ಪಾವತಿಗೆ ಜಾತಿ ತಾರತಮ್ಯ! ನರೇಗಾ ಕೂಲಿ ಕಾರ್ಮಿಕರಿಗೆ ಏಪ್ರಿಲ್‌ನಿಂದ ಜಾತಿ ಆಧರಿತ ಪೇಮೆಂಟ್‌ ನೀಡಲಾಗುತ್ತಿದೆ. ಏಪ್ರಿಲ್‌ಗಿಂತ ಮೊದಲು ಒಂದೇ ಖಾತೆಯಲ್ಲಿ ಎಲ್ಲ ಕಾರ್ಮಿಕರಿಗೂ ಕೂಲಿ ಹಣ ಹಾಕಲಾಗುತ್ತಿತ್ತು. ಆದರೆ ಈಗ ಪರಿಶಿಷ್ಟ ಜಾತಿ, ಪರಿಶಿಷ್ಟ ವರ್ಗ ಹಾಗೂ ಸಾಮಾನ್ಯವೆಂದು ವರ್ಗೀಕರಿಸಿ ಮೂರು ಖಾತೆಯಡಿ ಕೇಂದ್ರ ಹಣ ವರ್ಗಾವಣೆ ಮಾಡುತ್ತಿದೆ. ಹಾಗಾಗಿ ಬಹುತೇಕ ಕಡೆಗಳಲ್ಲಿ ಆದ್ಯತೆ ಮೇರೆಗೆ ಮೊದಲು ಪರಿಶಿಷ್ಟ ಜಾತಿ, ಪಂಗಡದವರಿಗೆ ಮೊದಲು ಹಣ ದೊರೆಯುತ್ತಿದೆ. ಆ ಬಳಿಕ ಸಾಮಾನ್ಯ ವರ್ಗಕ್ಕೆ ಸಿಗುತ್ತಿದೆ.
from India & World News in Kannada | VK Polls https://ift.tt/3BqHV4p
