ಹೊಸದಿಲ್ಲಿ: ಬೌಲಿಂಗ್ ವಿಭಾಗಕ್ಕೆ ಮನಸೋತಿರುವ ತಂಡದ ಬ್ಯಾಟ್ಸ್ಮನ್ ಡಾವಿಡ್ ಮಲಾನ್, ಭಾರತ ತಂಡಕ್ಕೆ ವಿಶ್ವದ ಯಾವುದೇ ಮೂಲೆಯಲ್ಲಿ ಟೆಸ್ಟ್ ಪಂದ್ಯ ಗೆದ್ದು ಕೊಡುವ ಬಲಿಷ್ಠ ಬೌಲಿಂಗ್ ವಿಭಾಗದ ಬೆಂಬಲವಿದೆ ಎಂದಿದ್ದಾರೆ. ಪ್ರಸಕ್ತ ಐದು ಟೆಸ್ಟ್ಗಳ ಸರಣಿಯಲ್ಲಿ ಎರಡು ಪಂದ್ಯಗಳ ಮುಕ್ತಾಯಕ್ಕೆ ಭಾರತ ತಂಡ 1-0 ಅಂತರದ ಮುನ್ನಡೆಯಲ್ಲಿದೆ. ಮೂರನೇ ಟೆಸ್ಟ್ ಪಂದ್ಯ ಲೀಡ್ಸ್ ಕ್ರೀಡಾಂಗಣದಲ್ಲಿ ಆಗಸ್ಟ್ 25-29ರವರೆಗೆ ನಡೆಯಲಿದ್ದು, ಇಂಗ್ಲೆಂಡ್ ತಂಡದ ಆಡುವ ಹನ್ನೊಂದರ ಬಳಗದಲ್ಲಿ ಡಾವಿಡ್ ಮಲಾನ್ ಆಡುವುದು ಖಚಿತವಾಗಿದೆ. "ಟೀಮ್ ಇಂಡಿಯಾಗೆ ಉತ್ತಮ ನಾಯಕತ್ವವಿದೆ. ವಿರಾಟ್ ಕೊಹ್ಲಿ ತಂಡವನ್ನು ಮುನ್ನಡೆಸುವ ರೀತಿ ನಿಜಕ್ಕೂ ಅದ್ಭುತ. ಇನ್ನು ತಂಡದ ಬ್ಯಾಟಿಂಗ್ನಲ್ಲಿ ಮಾತ್ರವಲ್ಲ ಬೌಲಿಂಗ್ನಲ್ಲೂ ಸಾಮರ್ಥ್ಯ ಅದ್ಭುತವಾಗಿದೆ. ವಿಶ್ವದ ಯಾವುದೇ ಮೂಲೆಯಲ್ಲಿ ಟೆಸ್ಟ್ ಗೆದ್ದುಕೊಡುವ ಬೌಲಿಂಗ್ ವಿಭಾಗ ಭಾರತ ತಂಡಕ್ಕಿದೆ," ಎಂದು ಮಲಾನ್ ಹೇಳಿದ್ದಾರೆ. ಮಲಾನ್ 2018ರಲ್ಲಿ ಟೀಮ್ ಇಂಡಿಯಾ ಎದುರೇ ತಮ್ಮ ಕೊನೆಯ ಟೆಸ್ಟ್ ಪಂದ್ಯವನ್ನಾಡಿದ್ದಾರೆ. ಈಗ ಲೀಡ್ಸ್ ಟೆಸ್ಟ್ ಮೂಲಕ ಟೆಸ್ಟ್ ಕ್ರಿಕೆಟ್ಗೆ ಕಮ್ಬ್ಯಾಕ್ ಮಾಡುವುದು ಬಹುತೇಕ ಖಾತ್ರಿಯಾಗಿದೆ. ಮಲಾನ್ ಈವರೆಗೆ ಆಡಿದ 15 ಪಂದ್ಯಗಳಿಂದ 724 ರನ್ಗಳನ್ನು ಗಳಿಸಿದ್ದಾರೆ. 2017ರಲ್ಲಿ ದಕ್ಷಿಣ ಆಫ್ರಿಕಾ ಎದುರು ಅವರು ಟೆಸ್ಟ್ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದರು. 3ನೇ ಟೆಸ್ಟ್ಗೆ ಇಂಗ್ಲೆಂಡ್ನ ಸಂಭಾವ್ಯ ಪ್ಲೇಯಿಂಗ್ ಇಲೆವೆನ್ರೋರಿ ಬರ್ನ್ಸ್, ಹಸೀಬ್ ಹಮೀದ್, ಡಾವಿಡ್ ಮಲಾನ್, ಜೋ ರೂಟ್ (ನಾಯಕ), ಜಾನಿ ಬೈರ್ಸ್ಟೊವ್, ಮೊಯೀನ್ ಅಲಿ, ಜೋಸ್ ಬಟ್ಲರ್ (ವಿಕೆಟ್ಕೀಪರ್), ಸ್ಯಾಮ್ ಕರ್ರನ್, ಓಲ್ಲೀ ರಾಬಿನ್ಸನ್, ಜೇಮ್ಸ್ ಆಂಡರ್ಸನ್, ಸಕಿಬ್ ಮಹ್ಮೂದ್.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3gpGb3h
