ವಾಷಿಂಗ್ಟನ್: ಅಫ್ಘಾನಿಸ್ತಾನದ ಪ್ರಸ್ತುತದ ಸನ್ನಿವೇಶಗಳನ್ನು ನಿರ್ವಹಿಸುತ್ತಿರುವ ರೀತಿ ಇತಿಹಾಸದಲ್ಲಿಯೇ ಅತಿ ದೊಡ್ಡ ಮುಜುಗರ ಉಂಟುಮಾಡಿದೆ ಎಂದು ಅಧ್ಯಕ್ಷ ಬೈಡನ್ ವಿರುದ್ಧ ಮಾಜಿ ಅಧ್ಯಕ್ಷ ಕಿಡಿಕಾರಿದ್ದಾರೆ. ಅಮೆರಿಕನ್ ಸೈನಿಕರು ಹಾಗೂ ನಾಗರಿಕರನ್ನು ಸರಿಯಾದ ಸಮಯದಲ್ಲಿ ಅಫ್ಘಾನಿಸ್ತಾನದಿಂದ ಹೊರಕ್ಕೆ ಕರೆತರುವಲ್ಲಿ ಬೈಡನ್ ವಿಫಲರಾಗಿದ್ದಾರೆ ಎಂದು ಟ್ರಂಪ್ ಆರೋಪಿಸಿದ್ದಾರೆ. 'ಬೈಡನ್ ನಮ್ಮನ್ನು ಈ ಸ್ಥಿತಿಗೆ ನೂಕಿದ್ದಾರೆ. ಅವರು ನಾಗರಿಕರನ್ನು ಮೊದಲು ದೇಶದಿಂದ ಹೊರಗೆ ಕರೆತರಬೇಕಿತ್ತು. ಬಳಿಕ ಅವರು ಸೇನಾ ಸಲಕರಣೆಗಳನ್ನು ವಶಕ್ಕೆ ತೆಗೆದುಕೊಳ್ಳಬೇಕಿತ್ತು. ಏಕೆಂದರೆ ನಾವು ಬಿಲಿಯನ್ ಡಾಲರ್ಗಟ್ಟಲೆ ವೆಚ್ಚದ ಅತ್ಯಾಧುನಿಕ ಸುಂದರ ಸಾಮಗ್ರಿಗಳನ್ನು ಹೊಂದಿದ್ದೇವೆ. ಅವುಗಳನ್ನು ಹೊರಗೆ ಸಾಗಿಸಿದ ಬಳಿಕ ಸೈನಿಕರನ್ನು ಕರೆದೊಯ್ಯಬೇಕಿತ್ತು' ಎಂದು ಸಂದರ್ಶನವೊಂದರಲ್ಲಿ ಟ್ರಂಪ್ ಹೇಳಿದ್ದಾರೆ. ಅಮೆರಿಕ ಅಧ್ಯಕ್ಷ ಜೋ ಬೈಡನ್, ನೆಲೆಯಲ್ಲಿರುವ ತಮ್ಮ ಎಲ್ಲ ಪಡೆಗಳನ್ನೂ ವಾಪಸ್ ಕರೆಸಿಕೊಳ್ಳುವುದಾಗಿ ಘೋಷಿಸಿದ ಬೆನ್ನಲ್ಲೇ ತನ್ನ ಚಟುವಟಿಕೆ ಆರಂಭಿಸಿತ್ತು. ಅದು ಇಷ್ಟು ಬೇಗ ಇಡೀ ದೇಶವನ್ನು ಅತಿಕ್ರಮಿಸಲಿದೆ ಎಂದು ಸ್ವತಃ ಅಮೆರಿಕ ಕೂಡ ಊಹಿಸಿರಲಿಲ್ಲ. ಇದರಿಂದಾಗಿ ಅಮೆರಿಕ ತನ್ನ ನಾಗರಿಕರು ಹಾಗೂ ಸೇನೆಯನ್ನು ಅಲ್ಲಿಂದ ತೆರವುಗೊಳಿಸಲು ಪರದಾಡುವಂತಾಗಿದೆ. ಅಫ್ಘಾನಿಸ್ತಾನದ ವಿಚಾರದಲ್ಲಿ ಇಂತಹ ಅವಮಾನ ಉಂಟಾಗಲು ಕಾರಣವಾಗಿರುವ ಜೋ ಬೈಡನ್ ರಾಜೀನಾಮೆ ನೀಡುವ ಸಮಯ ಬಂದಿದೆ ಎಂದು ಟ್ರಂಪ್ ಹೇಳಿದ್ದಾರೆ. 'ಅಫ್ಘಾನಿಸ್ತಾನದಲ್ಲಿ ಜೋ ಬೈಡನ್ ಮಾಡಿರುವ ಕೆಲಸ ಅಸಾಧಾರಣವಾದದ್ದು. ಅಮೆರಿಕದ ಇತಿಹಾಸದಲ್ಲಿಯೇ ಅತಿ ದೊಡ್ಡ ಸೋಲುಗಳಲ್ಲಿ ಇದು ಒಂದು' ಎಂದು ಟೀಕಿಸಿದ್ದಾರೆ.
from India & World News in Kannada | VK Polls https://ift.tt/3spfK2u
