ಇಂಧನ ತೈಲಗಳ ಮೂಲಕ 'ಲೀಗಲೈಜ್ಡ್ ರಾಬರಿ' ಮಾಡುತ್ತಿದೆ ಬಿಜೆಪಿ ಸರ್ಕಾರ; ಕಾಂಗ್ರೆಸ್ ಟೀಕೆ

ಬೆಂಗಳೂರು: ಇಂಧನ ತೈಲಗಳ ಮೂಲಕ 'ಲೀಗಲೈಜ್ಡ್ ರಾಬರಿ' ಯನ್ನು ಸರ್ಕಾರ ಮಾಡುತ್ತಿದೆ ಎಂದು ಕಾಂಗ್ರೆಸ್ ಟೀಕೆ ಮಾಡಿದೆ. ಈ ಕುರಿತಾಗಿ ಟ್ವೀಟ್ ಮಾಡಿರುವ ಕಾಂಗ್ರೆಸ್ ಕೇಂದ್ರ ಹಾಗೂ ರಾಜ್ಯ ಬಿಜೆಪಿ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡಿದೆ. ಕಚ್ಚಾ ತೈಲದ ಬೆಲೆ ಗಮನಾರ್ಹ ಇಳಿಕೆ ಕಂಡರೂ ದೇಶದ ಜನತೆಗೆ ಪೆಟ್ರೋಲ್ ಬೆಲೆ ಇಳಿಕೆಯ ಭಾಗ್ಯವಿಲ್ಲ. ಇಂಧನತೈಲಗಳ ಮೂಲಕ 'ಲೀಗಲೈಜ್ಡ್ ರಾಬರಿ' ಮಾಡುತ್ತಿದೆ ಬಿಜೆಪಿ ಸರ್ಕಾರ. ಪೆಟ್ರೋಲ್ ಬೆಲೆ ಇಳಿಸಿ ಎಂದರೆ 'ಸಾಧ್ಯವಿಲ್ಲ ಅಫ್ಗಾನಿಸ್ತಾನಕ್ಕೆ ಹೋಗಿ' ಎನ್ನುವ ಬಿಜೆಪಿ ಪಕ್ಷದ ಜನದ್ರೋಹಿ ನೀತಿಯನ್ನು ಜನ ಅರ್ಥ ಮಾಡಿಕೊಳ್ಳುತ್ತಿದ್ದಾರೆ ಎಂದು ಹೇಳಿದೆ. ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರದಲ್ಲಿ ಇತ್ತೀಚೆಗೆ ಪ್ರತಿ ಬ್ಯಾರೆಲ್‌ ದರ 70 ರಿಂದ 65 ಡಾಲರ್‌ಗೆ ಇಳಿಕೆಯಾಗಿದೆ. ಈ ಹಿನ್ನೆಲೆಯಲ್ಲಿ ಪೆಟ್ರೋಲ್ ದರ 2 ರೂ ಇಳಿಕೆ ಮಾಡಲು ಅವಕಾಶ ಇದೆ ಎನ್ನಲಾಗಿದೆ. ಕಳೆದ ಎರಡು ವಾರಗಳಲ್ಲಿ ಕಚ್ಚಾ ತೈಲ ದರದಲ್ಲಿ ಇಳಿಕೆಯಾಗುತ್ತಿದ್ದರೂ ಭಾರತದ ಗ್ರಾಹಕರಿಗೆ ಪೆಟ್ರೋಲ್ ದರ ತಗ್ಗಿಲ್ಲ. ಪೆಟ್ರೋಲ್ ದರ ಕಳೆದ 35 ದಿನಗಳಿಂದ ಯಥಾಸ್ಥಿತಿಯಲ್ಲಿದೆ. ಶನಿವಾರ ಪೆಟ್ರೋಲ್ ದರ ಬೆಂಗಳೂರಿನಲ್ಲಿ 105.25 ರೂ ಹಾಗೂ ಡೀಸೆಲ್ ದರ 94.65 ರೂ ನಷ್ಟಿತ್ತು.

from India & World News in Kannada | VK Polls https://ift.tt/3AWp68I