ಕಾಬೂಲ್: ಹಾವಳಿಯಿಂದ ತತ್ತರಿಸುತ್ತಿರುವ ಜನರ ಮೇಲೆ ಪ್ರಕೃತಿ ಕೂಡ ಮುನಿಸು ತೋರಿಸುತ್ತಿದೆ. ಎರಡು ದಿನಗಳ ಅಂತರದಲ್ಲಿ ಎರಡನೆಯ ಬಾರಿ ಸಂಭವಿಸಿದೆ. ಕಾಬೂಲ್ನ ಈಶಾನ್ಯ ಭಾಗದಿಂದ 122 ಕಿಮೀ ದೂರದಲ್ಲಿ ಗುರುವಾರ ಬೆಳಿಗ್ಗೆ ರಿಕ್ಟರ್ ಮಾಪನದಲ್ಲಿ 4.5 ತೀವ್ರತೆಯಲ್ಲಿ ಭೂಮಿ ಕಂಪಿಸಿದೆ. ರಾಷ್ಟ್ರೀಯ ಭೂಕಂಪ ಶಾಸ್ತ್ರ ಕೇಂದ್ರ ಟ್ವಿಟ್ಟರ್ನಲ್ಲಿ ಈ ಮಾಹಿತಿ ನೀಡಿದೆ. ಬೆಳಿಗ್ಗೆ 11.22ರ ವೇಳೆಗೆ ನೆಲ ನಡುಗಿದ ಅನುಭವವಾಗಿದೆ. ಸುಮಾರು 92 ಕಿಮೀ ಆಳದಲ್ಲಿ ಭೂಕಂಪದ ಕೇಂದ್ರ ಬಿಂದು ದಾಖಲಾಗಿದೆ. ಸಂಘರ್ಷ ಪೀಡಿತ ಅಫ್ಘಾನಿಸ್ತಾನದಲ್ಲಿ ಎರಡು ದಿನಗಳ ಅಂತರದಲ್ಲಿ ಸಂಭವಿಸಿದ ಎರಡನೆಯ ಭೂಕಂಪನ ಇದಾಗಿದೆ. ಮಂಗಳವಾರ ಬೆಳಿಗ್ಗೆ 6.08ರ ವೇಳೆಗೆ ಫಯಾಜ್ಬಾದ್ನ ಆಗ್ನೇಯದ 83 ಕಿಮೀ ದೂರದಲ್ಲಿ ರಿಕ್ಟರ್ ಮಾಪನದಲ್ಲಿ 4.5 ತೀವ್ರತೆಯ ಭೂಕಂಪನ ದಾಖಲಾಗಿತ್ತು. ಭೂಕಂಪನದಿಂದ ಯಾವುದೇ ಸಾವು ನೋವು ಸಂಭವಿಸಿದ ಕುರಿತು ವರದಿಯಾಗಿಲ್ಲ. ಅಫ್ಘಾನಿಸ್ತಾನದಲ್ಲಿ ಭೂಕಂಪನದಂತಹ ಪ್ರಾಕೃತಿಕ ವಿಪತ್ತು ಸಾಮಾನ್ಯವಾಗಿದೆ. ಈಗ ಏಕಾಏಕಿ ತಾಲಿಬಾನ್ ಹಿಡಿತಕ್ಕೆ ಸಿಲುಕಿರುವ ಜನತೆ, ಭವಿಷ್ಯದ ಬಗ್ಗೆ ಆತಂಕಕ್ಕೆ ಒಳಗಾಗಿದ್ದಾರೆ. ಅದರ ಜತೆಗೆ ನೈಸರ್ಗಿಕ ಅವಘಡಗಳು ಅವರ ಗಾಯದ ಮೇಲೆ ಬರೆ ಎಳೆದಂತೆ ಅಪ್ಪಳಿಸುತ್ತಿವೆ.
from India & World News in Kannada | VK Polls https://ift.tt/3ghG2il
