ಹೊಸದಿಲ್ಲಿ: ಸ್ವಜನಪಕ್ಷಪಾತದ ಆರೋಪ ಮತ್ತು ರಾಷ್ಟ್ರೀಯ ತಂಡದಲ್ಲಿ ಸ್ಥಾನ ಪಡೆದ ನಂತರ ಆತನಿಗೆ ಗುರಿಯಾಗಿದ್ದ ಸೋಶಿಯಲ್ ಮೀಡಿಯಾ ಟ್ರೋಲ್ಗಳ ಬಗ್ಗೆ ತಂಡದ ಎಡಗೈ ಆರಂಭಿಕ ಬ್ಯಾಟ್ಸ್ಮನ್ ಇಮಾಮ್-ಉಲ್-ಹಕ್ ಬಹಿರಂಗಪಡಿಸಿದ್ದಾರೆ. ಪಾಕಿಸ್ತಾನದ ಮಾಜಿ ನಾಯಕ ಇಂಜಮಾಮ್-ಉಲ್-ಹಕ್ ಅವರು ಇಮಾಮ್ ಉಲ್ ಹಕ್ಗೆ ಸಂಬಂಧದಲ್ಲಿ ಚಿಕ್ಕಪ್ಪ ಆಗಬೇಕು. ಇಂಜಮಾಮ್ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯಲ್ಲಿ ಮುಖ್ಯ ಆಯ್ಕೆಗಾರರಾಗಿದ್ದಾಗ ಇಮಾಮ್-ಉಲ್-ಹಕ್ ಅವರನ್ನು ತಂಡಕ್ಕೆ ಸೇರಿಸಲಾಗಿತ್ತು. ತಮ್ಮ ಚಿಕ್ಕಪ್ಪ ಇಂಜಮಾಮ್ ಉಲ್ ಹಕ್ ಆಯ್ಕೆದಾರರಾಗಿದ್ದಾಗ ಪಾಕಿಸ್ತಾನ ತಂಡಕ್ಕೆ ಆಯ್ಕೆಯಾಗಿದ್ದೆ. ಈ ವೇಳೆ ಹಾಗೂ ಸೋಶಿಯಲ್ ಮೀಡಿಯಾದಲ್ಲಿಅವರು ಸಾಕಷ್ಟು ಟ್ರೋಲ್ಗೆ ಒಳಗಾಗಿದ್ದರು. ಇದರಿಂದ ಬೇಸತ್ತ 24ರ ಪ್ರಾಯದ ಬ್ಯಾಟ್ಸ್ಮನ್ ಇಮಾಮ್ ಉಲ್ ಹಕ್ ಶವರ್ನಲ್ಲಿ ಹಲವು ಗಂಟೆಗಳ ಕಾಲ ಕಣ್ಣೀರಿಟಿದ್ದರು ಎಂಬ ಅಂಶವನ್ನೇ ಸ್ವತಃ ಅವರೇ ಬಹಿರಂಗಪಡಿಸಿದ್ದಾರೆ. "ನಾನು ಆಡದ ಕಾರಣಕ್ಕಾಗಿ ಶವರ್ಗೆ ತೆರಳಿ ಗಂಟೆಗಟ್ಟಲೇ ಅತ್ತಿದ್ದೆ ಎಂಬುದನ್ನು ನೆನಪಿಸಿಕೊಳ್ಳುತ್ತೇನೆ (ಅಬುದಾಬಿಯಲ್ಲಿ ನಡೆಸಿದ್ದ ಮೂರನೇ ಓಡಿಐನಲ್ಲಿ ಅವರು ಆಡಿದ್ದರು). ರಾಷ್ಟ್ರೀಯ ತಂಡದಲ್ಲಿ ಆಡಲಿಲ್ಲವಲ್ಲ ಎಂಬ ಅಂಶ ಸ್ಥಿರವಾಗಿ ಮನಸ್ಸಿನಲ್ಲಿ ಕಾಡುತ್ತಿತ್ತು. ಒಂದು ವೇಳೆ ಆಡಿ ಉತ್ತಮವಾಗಿ ಪ್ರದರ್ಶನ ತೋರದೇ ಇದಲ್ಲಿ ನನ್ನ ವೃತ್ತಿ ಜೀವನ ಮುಗಿದಂತೆ ಎಂಬ ಭಾವನೆ ಮೂಡುತ್ತಿತ್ತು. ದುಬೈನಲ್ಲಿ ದೊಡ್ಡ ಪಾಕಿಸ್ತಾನ ಸಮುದಾಯವಿರುವುದರಿಂದ ಜನರು ನನ್ನನ್ನು ಹೊರಗೆ ಟೀಕಿಸಬಹುದು ಎಂಬ ಭಯದಿಂದ ನಾನು ನನ್ನ ಕೋಣೆಯಿಂದ ಒಂದು ಹೆಜ್ಜೆ ಹೊರಗೆ ಇಟ್ಟಿರಲಿಲ್ಲ, " ಎಂದು ಇಮಾಮ್ ಉಲ್ ಹಕ್ ಹೇಳಿಕೊಂಡರು. ಸ್ವಜನಪಕ್ಷಪಾತ ಆರೋಪಕ್ಕೆ ಒಳಗಾಗಿ ತಾವು ಏಕಾಂಗಿಯಾಗಿ ಊಟ ಮಾಡುತ್ತಿದ್ದ ಸನ್ನಿವೇಶದ ಬಗ್ಗಯೂ ಇಮಾಮ್ ಉಲ್ ಹಕ್ ದೀಪ್ ದಾಸ್ಗುಪ್ತ್ ಅವರೊಂದಿಗೆ ಹೇಳಿಕೊಂಡರು. "ನಾನು ಏಕಾಂಗಿಯಾಗಿ ಊಟ ಸೇವಿಸಿದಾಗಿನಿಂದಲೂ ಈ ಎಲ್ಲವೂ ಆರಂಭವಾಯಿತು. ಅದು ನನ್ನ ಮೊದಲ ಪ್ರವಾಸವಾಗಿತ್ತು, ಇದು ಹೇಗಿರಲಿದೆ ಎಂದು ನಿಮಗೂ ಗೊತ್ತಿರಲಿದೆ. ಫೋನ್ ಓಪನ್ ಮಾಡಿದಾಗ ಸೋಶಿಯಲ್ ಮೀಡಿಯಾಗಳಲ್ಲಿ ನನ್ನನ್ನು ಟ್ರೋಲ್ ಮಾಡಿರುವ ಪೋಸ್ಟ್ಗಳು ಹಾಗೂ ಕೆಟ್ಟ ಸಂದೇಶಗಳನ್ನು ಕಾಣಿಸುತ್ತಿದ್ದವು. ಆಗ ತುಂಬಾ ನಿರಾಸೆಗೆ ಒಳಗಾಗಿದ್ದ ನಾನು, ಏನನ್ನೂ ಅರ್ಥ ಮಾಡಿಕೊಳ್ಳುವ ಸ್ಥಿತಿಯಲ್ಲಿರಲಿಲ್ಲ," ಎಂದು ಹೇಳಿಕೊಂಡರು. ಯಾವುದೇ ಟೀಕೆಗಳು ತಮ್ಮ ಮೇಲೆ ವ್ಯಕ್ತವಾದರೂ ಇಮಾಮ್ ಉಲ್ ಹಕ್ ಎಲ್ಲದಕ್ಕೂ ಮೌನವಾಗಿಯೇ ಉತ್ತರ ನೀಡಿದ್ದರು. ನಂತರ, ಶ್ರೀಲಂಕಾ ವಿರುದ್ಧ ಓಡಿಐ ಪದಾರ್ಪಣೆ ಪಂದ್ಯದಲ್ಲಿಯೇ ಚೊಚ್ಚಲ ಶತಕ ಸಿಡಿಸಿದರು. ಆ ಮೂಲಕ ಏಕದಿನ ಕ್ರಿಕೆಟ್ನಲ್ಲಿ ಪದಾರ್ಪಣೆ ಪಂದ್ಯದಲ್ಲಿ ಶತಕ ಸಿಡಿಸಿದ ಪಾಕಿಸ್ತಾನ ಎರಡನೇ ಬ್ಯಾಟ್ಸ್ಮನ್ ಎಂಬ ಸಾಧನೆಗೆ ಭಾಜನರಾಗಿದ್ದರು. ಇಮಾಮ್ ಉಲ್ ಹಕ್ ಪಾಕಿಸ್ತಾನದ ಪರ 37 ಓಡಿಐ ಪಂದ್ಯಗಳಲ್ಲಿ 53 ರ ಸರಾಸರಿಯಲ್ಲಿ ರನ್ಗಳಿಸಿದ್ದು, ಇದರಲ್ಲಿ 10 ಶತಕಗಳು ಒಳಗೊಂಡಿವೆ. ಇತಿಹಾಸದಲ್ಲಿಯೇ ಆರಂಭಿಕ 9 ಓಡಿಐ ಪಂದ್ಯಗಳಲ್ಲಿ 4 ಶತಕಗಳನ್ನು ಗಳಿಸಿದ ಪಾಕಿಸ್ತಾನದ ಮೊದಲ ಬ್ಯಾಟ್ಸ್ಮನ್ ಎಂಬ ಖ್ಯಾತಿ ಕೂಡ ಇಮಾಮ್ ಉಲ್ ಹಕ್ ಹೆಸರಿನಲ್ಲಿದೆ. ಅತಿ ವೇಗವಾಗಿ 1000 ಓಡಿಐ ರನ್ಗಳನ್ನು ಗಳಿಸಿದ ಎರಡನೇ ಬ್ಯಾಟ್ಸ್ಮನ್ ಎಂಬ ದಾಖಲೆಯೂ ಇಮಾಮ್ ಹೆಸರಿನಲ್ಲಿದೆ. ಅವರು 19 ಪಂದ್ಯಗಳಿಂದ ಈ ಸಾಧನೆ ಮಾಡಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3g1szJ5
