ಅಲ್ ದಫ್ರಾ: ಫ್ರಾನ್ಸ್‌ನಿಂದ ಭಾರತದತ್ತ ಪ್ರಯಾಣ ಬೆಳೆಸಿರುವ ಐದು ಅತ್ಯಾಧುನಿಕ ರಫೇಲ್ ಯುದ್ಧ ವಿಮಾನಗಳು, ಸಂಯುಕ್ತ ಅರಬ್ ಸಂಸ್ಥಾನ() ತಲುಪಿವೆ. ಸುಮಾರು 7 ಗಂಟೆಗಳ ಪ್ರಯಾಣದ ಬಳಿಕ ರಫೇಲ್ ಯುದ್ಧ ವಿಮಾನಗಳು ಯುಎಇಯ ಅಲ್ ದಫ್ರಾ ವಾಯುಸೇನಾ ನೆಲೆಗೆ ಬಂದಿಳಿದವು. ಇಲ್ಲಿಂದ ಈ ಐದೂ ರಫೇಲ್ ಜೆಟ್‌ಗಳು ಭಾರತದತ್ತ ಪ್ರಯಾಣ ಬೆಳೆಸಲಿವೆ. ಮೂರು ಸಿಂಗಲ್ ಸೀಟರ್ ಹಾಗೂಎರಡು ಅವಳಿ ಆಸನಗಳನ್ನು ಹೊಂದಿರುವ ಒಟ್ಟು ಐದು ರಫೇಲ್ ಯುದ್ಧ ವಿಮಾನಗಳು, ನಾಳೆ(ಜುಲೈ 29) ಅಂಬಾಲಾದ ವಾಯುಸೇನಾ ನೆಲೆಗೆ ಬಂದಿಳಿಯಲಿವೆ. ಅಂಬಾಲಾ ವಾಯು ನೆಲೆಗೆ ಬಂದಿಳಿಯುತ್ತಿದ್ದಂತೇ ಸೇವೆಗೆ ನಿಯೋಜನೆಗೊಳ್ಳಲಿರುವ ಈ ರಫೇಲ್ ಯುದ್ಧ ವಿಮಾನಗಳಿಗೆ, ಮುಂಬರುವ ಆಗಸ್ಟ್‌ನಲ್ಲಿ ಅಧಿಕೃತ ಸಮಾರಂಭ ಏರ್ಪಡಿಸುವ ಮೂಲಕ ಸ್ವಾಗತ ನೀಡಲು ನಿರ್ಣಯಿಸಲಾಗಿದೆ. ಫ್ರಾನ್ಸ್‌ನ ಡಸ್ಸಾಲ್ಟ್ ಏವಿಯೇಶನ್ ಸಂಸ್ಥೆ ನಿರ್ಮಿಸಿರುವ ಈ ಐದು ರಫೇಲ್ ಯುದ್ಧ ವಿಮಾನಗಳು, ಫ್ರಾನ್ಸ್‌ನ ಮೆರಿಗ್ನಾಕ್ ವಾಯುಸೇನಾ ನೆಲೆಯಿಂದ ನಿನ್ನೆ(ಜುಲೈ 27) ಭಾರತದತ್ತ ಪ್ರಯಾಣ ಬೆಳೆಸಿದ್ದನ್ನು ಇಲ್ಲಿ ಸ್ಮರಿಸಬಹುದು.
from India & World News in Kannada | VK Polls https://ift.tt/2OYD0kU
