ಮಂಜುನಾಥ ನಾಗಲೀಕರ್‌
ಬೆಂಗಳೂರು: ಕಾರಣದಿಂದಾಗಿ ಉಸಿರಾಟಕ್ಕೆ ಸಂಬಂಧಿಸಿದ ಶೀತ ಜ್ವರ ಸೇರಿ ಯಾವುದೇ ಸಮಸ್ಯೆ ಬಂದರೆ ಜನರ ಹೆದರುವುದು ಸಾಮಾನ್ಯವಾಗಿದೆ. ಆದರೆ, 'ಆಕ್ಯುಟ್‌ ರೆಸ್ಪರೆಟರಿ ಇನ್ಫೆಕ್ಷನ್‌' (ಎಆರ್‌ಐ) ಎಂಬ ಕಾಯಿಲೆ ಅತ್ಯಂತ ಸಾಮಾನ್ಯವಾಗಿದ್ದು, ಕಳೆದ ವರ್ಷ ರಾಜ್ಯದಲ್ಲಿ 24 ಲಕ್ಷ ಪ್ರಕರಣಗಳು ವರದಿಯಾಗಿದ್ದವು. ಸುಮಾರು 100ರಿಂದ 110 ಜನ ಮೃತಪಟ್ಟಿದ್ದರು. ಕಳೆದ ಬಾರಿಗೆ ಹೋಲಿಸಿದರೆ ಕಳೆದ ಈ ಬಾರಿ ಉಸಿರಾಟದ ಸಮಸ್ಯೆಗಳು ನಿಯಂತ್ರಣದಲ್ಲೇ ಇವೆ. ಇದಕ್ಕೆ ಆರೋಗ್ಯದ ರಕ್ಷಣೆ ಬಗ್ಗೆ ಇರುವ ತೀವ್ರ ಕಾಳಜಿಯೂ ಕಾರಣವಾಗಿರಬಹುದು. ಆದರೆ, ಕೊರೊನಾ ಕಾರಣದಿಂದಾಗಿ ಜನರು ಭೀತಿಗೊಳಗಾಗಿ, ಸಕಾಲದಲ್ಲಿ ಚಿಕಿತ್ಸೆ ಸಿಗದೆ ಸಾವಿನ ಪ್ರಮಾಣ ಹೆಚ್ಚಾಗಿರುವುದು ಕಂಡುಬಂದಿದೆ. ರಾಜ್ಯದಲ್ಲಿ ಪ್ರತಿ ವರ್ಷ 36 ಲಕ್ಷ ಹಾಗೂ 25 ಲಕ್ಷಕ್ಕೂ ಅಧಿಕ ಸಾಂಕ್ರಾಮಿಕವಲ್ಲದ ಕಾಯಿಲೆಗಳು ವರದಿಯಾಗುತ್ತಿವೆ. ಈ ಕಾಯಿಲೆಗಳಿಂದ ವರ್ಷಕ್ಕೆ 2,200 ಜನ ಮೃತಪಡುತ್ತಿದ್ದಾರೆ. ಇದು ಜಿಲ್ಲಾಸರ್ವೈಲೆನ್ಸ್‌ ಅಧಿಕಾರಿಗಳು (ಡಿಎಸ್‌ಒ) ಅಧಿಕೃತವಾಗಿ ಕೇಂದ್ರೀಯ ಆರೋಗ್ಯ ಗುಪ್ತಚರ ವಿಭಾಗದಲ್ಲಿ ದಾಖಲಿಸಿರುವ ಮಾಹಿತಿ ಮಾತ್ರ. ದಾಖಲಾಗದ ಪ್ರಕರಣಗಳು ದೊಡ್ಡ ಸಂಖ್ಯೆಯಲ್ಲಿವೆ. ರಾಜ್ಯದಲ್ಲಿ ದಾಖಲಾಗಿರುವ ಕೊರೊನಾ ಪ್ರಕರಣಗಳಿಗೆ ಹೋಲಿಸಿದರೆ ಸಾಂಕ್ರಾಮಿಕ ಮತ್ತು ಸಾಂಕ್ರಾಮಿಕವಲ್ಲದ ಕಾಯಿಲೆಗಳು ದೊಡ್ಡ ಸಂಖ್ಯೆಯಲ್ಲಿವೆ. ರಾಜ್ಯದಲ್ಲಿ ವರ್ಷಕ್ಕೆ 10 ಲಕ್ಷ ಬೇಧಿ ಪ್ರಕರಣಗಳೇ ವದಿಯಾಗುತ್ತಿವೆ. ಟೈಫಾಯ್ಡ ಜ್ವರ ಪ್ರಕರಣಗಳ ಸಂಖ್ಯೆ 1.35 ಲಕ್ಷದಷ್ಟಿದೆ.ಚಿಕನ್‌ ಪಾಕ್ಸ್‌, ಕಾಲರಾ, ನ್ಯೂಮೋನಿಯಾ, ಹೆಪಟೈಟೀಸ್‌ 'ಬಿ' ಮುಂತಾದ ಕಾಯಿಲೆಗಳು ರಾಜ್ಯದ ಜರನ್ನು ಹೆಚ್ಚು ಬಾಧಿಸುತ್ತವೆ. 'ಇಂತಹ ಪ್ರಕರಣಗಳು ವರದಿಯಾಗಿರುವಂಥವು. ಆದರೆ, ವರದಿಯಾಗದೇ ಇರುವ ಇನ್ನೂ ಸಾಕಷ್ಟು ಪ್ರಕರಣಗಳಿವೆ. ಸಾಕಷ್ಟು ಸಣ್ಣ ಪುಟ್ಟ ಖಾಸಗಿ ಆಸ್ಪತ್ರೆಗಳಲ್ಲಿ ಕಾಯಿಲೆಗಳು ಮತ್ತು ಈ ಸಂಬಂಧ ಸಾವುಗಳು ವರದಿಯಾಗುವುದಿಲ್ಲ. ಅದಕ್ಕೆ ಕಾರಣ ಮೂಲಸೌಕರ್ಯ ಸೇರಿದಂತೆ ಇನ್ನಿತರ ಕಾರಣಗಳು ಇರಬಹುದು'' ಎನ್ನುತ್ತಾರೆ ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ನಿರ್ದೇಶನಾಲಯದ ನಿರ್ದೇಶಕ ಡಾ. ಓಂ ಪ್ರಕಾಶ್‌ ಪಾಟೀಲ್‌. ''ಸೋಂಕಿನ ಪೈಕಿ ಕ್ಲಿನಿಕ್‌, ಮನೆಗೆ ವೈದ್ಯರ ಭೇಟಿ ಮುಂತಾದ ಕಾರಣಗಳಿಂದ ಕಾಯಿಲೆಗಳು ದಾಖಲಾಗುವುದಿಲ್ಲ. ಇನ್ನು ಮನೆಯಲ್ಲೇ ಸಾವು, ಆಸ್ಪತ್ರೆ ಮಾರ್ಗ ಮಧ್ಯೆ ಸಾವು, ಕ್ಲಿನಿಕ್‌ಗಳು, ವೈದ್ಯರ ಭೇಟಿ ಮುಂತಾದ ಕಾರಣಗಳಿಂದ ಸಾವಿನ ನೈಜ ಕಾರಣವೂ ಇಲಾಖೆಯಲ್ಲಿದಾಖಲಾಗುವುದಿಲ್ಲ. ಹೀಗಾಗಿ, ಕಾಯಿಲೆ, ಸಾವಿನ ದಾಖಲಾತಿ ಮತ್ತು ನೈಜ ಅಂಕಿ- ಸಂಖ್ಯೆಗಳ ನಡುವೆ ಸಾಕಷ್ಟು ವ್ಯತ್ಯಾಸ ಇರುತ್ತದೆ'' ಎನ್ನುತ್ತಾರೆ ಅಧಿಕಾರಿಗಳು.
ಸಾಂಕ್ರಾಮಿಕ ರೋಗಗಳ ವಿವರ(ಮೂಲ: ಕೇಂದ್ರೀಯ ಆರೋಗ್ಯ ಗುಪ್ತಚರ)
| ವರ್ಷ |
ಪ್ರಕರಣಗಳು |
ಸಾವು |
| 2017 |
33,34,053 |
401 |
| 2018 |
35,08,610 |
303 |
| 2019 |
35,98,043 |
441 |
| 2020 |
4,40,889 |
70 (ಫೆಬ್ರವರಿವರೆಗೆ) |
ಇತರ ಕಾಯಿಲೆಗಳು ರಾಜ್ಯದಲ್ಲಿ ಕಳೆದ ವರ್ಷ ಆಕಸ್ಮಿಕವಾಗಿ ಗಾಯಗೊಂಡಂತಹ 1.41 ಲಕ್ಷ ಕೇಸ್‌ಗಳು ವರದಿಯಾಗಿವೆ. ಉಳಿದಂತೆ, ಕ್ಯಾನ್ಸರ್‌ 6,739, ಹೃದ್ರೋಗ 47,675, ರಕ್ತದೊತ್ತಡ 8,00,154, ಮಧುಮೇಹ 6.67 ಲಕ್ಷ, ಅಸ್ತಮಾ 4,07197, ಶ್ವಾಸಕೋಶ ಸಂಬಂಧಿ ಕಾಯಿಲೆಗಳು 2.78 ಲಕ್ಷ, ನರ ರೋಗಗಳು 21,000, ಮಾನಸಿಕ ರೋಗಗಳು 66,283, ಬೊಜ್ಜು 10,848, ಮೂತ್ರಪಿಂಡ ವೈಫಲ್ಯದ 10,100 ಪ್ರಕರಣಗಳಿವೆ. ಸಾವಿನ ಸಂಖ್ಯೆ 1754.
ಸಾಂಕ್ರಾಮಿಕವಲ್ಲದ ಕಾಯಿಲೆಗಳ ವಿವರ (ಮೂಲ: ಕೇಂದ್ರೀಯ ಆರೋಗ್ಯ ಗುಪ್ತಚರ)
| ವರ್ಷ |
ಪ್ರಕರಣಗಳು |
ಸಾವು |
| 2017 |
23,59,926 |
2,221 |
| 2018 |
24,20,566 |
1,901 |
| 2019 |
25,96,347 |
1,754 |
| 2020 |
3,46,527 |
263 (ಫೆಬ್ರವರಿವರೆಗೆ) |
from India & World News in Kannada | VK Polls https://ift.tt/30TUTXv
