ಹೊಸದಿಲ್ಲಿ: ಐಸಿಸಿ ಮುಂದೂಡಿರುವುದರಿಂದ 13ನೇ ಆವೃತ್ತಿಯ ಐಪಿಎಲ್‌ ಟೂರ್ನಿಯ ಹಾದಿ ಸುಗಮವಾಗಿದೆ. ರಾಷ್ಟ್ರೀಯ ತಂಡಕ್ಕೆ ಕಮ್‌ಬ್ಯಾಕ್‌ ಮಾಡುವ ಉದ್ದೇಶ ಹೊಂದಿರುವ ಕೆಲ ಸ್ಟಾರ್‌ ಆಟಗಾರರಿಗೆ ಸೆ.19 ರಿಂದ ಆರಂಭವಾಗುವ ಐಪಿಎಲ್‌ ಟರ್ನಿಂಗ್‌ ಪಾಯಿಂಟ್‌ ಆಗಿದೆ. ಟಿ20 ವಿಶ್ವಕಪ್‌ ಟೂರ್ನಿಯ ವೇಳಾಪಟ್ಟಿಯನ್ನು ಇನ್ನೂ ಐಸಿಸಿ ಸ್ಪಷ್ಟವಾಗಿ ಪ್ರಕಟ ಮಾಡಿಲ್ಲ. ಆದ್ದರಿಂದ ದಕ್ಷಿಣ ಆಫ್ರಿಕಾದ ಎಬಿ ಡಿವಿಲಿಯರ್ಸ್, ಇಮ್ರಾನ್‌ ತಾಹೀರ್‌, ವೆಸ್ಟ್ ಇಂಡೀಸ್‌ನ ಕ್ರಿಸ್‌ ಗೇಲ್‌ ಹಾಗೂ ಭಾರತ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್‌ ಧೋನಿ ಅವರ ಅಂತಾರಾಷ್ಟ್ರೀಯ ಕ್ರಿಕೆಟ್ ಭವಿಷ್ಯ ಚರ್ಚೆಯ ವಿಷಯವಾಗಿದೆ. ಧೋನಿ ಜತೆಗೆ ಚೆನ್ನೈ ಸೂಪರ್‌ ಕಿಂಗ್ಸ್ ತಂಡದ ಬ್ಯಾಟ್ಸ್ಮನ್ ಕೂಡ ಭಾರತ ತಂಡಕ್ಕೆ ಕಮ್‌ಬ್ಯಾಕ್‌ ಮಾಡುವ ಉದ್ದೇಶವನ್ನು ಹೊಂದಿದ್ದಾರೆ. ಮೂರು ಬಾರಿ ಸಿಎಸ್‌ಕೆ ಚಾಂಪಿಯನ್‌ ಆದಾಗ ಸುರೇಶ್‌ ರೈನಾ ತಮ್ಮ ಬ್ಯಾಟಿಂಗ್‌ನಲ್ಲಿ ಮಹತ್ವದ ಪಾತ್ರ ವಹಿಸಿದ್ದರು. 2011ರ ಐಸಿಸಿ ಏಕದಿನ ವಿಶ್ವಕಪ್‌ ಭಾರತದ ಗೆಲುವಿನಲ್ಲಿ ರೈನಾ ನಿರ್ಣಾಯಕ ಆಟಗಾರರಾಗಿದ್ದರು. ಆದರೆ, ಈ ಬಾರಿ ಟಿ20 ವಿಶ್ವಕಪ್‌ಗೆ ಭಾರತ ತಂಡದಲ್ಲಿ ಸ್ಥಾನ ಸಿಗಲಿದೆಯೇ ಎಂದು ಕಾದು ನೋಡಬೇಕಾಗಿದೆ. 'ಹಾಗ್ಸ್ ವ್ಲಾಗ್‌' ಯೂಟ್ಯೂಬ್‌ ಚಾನೆಲ್‌ನಲ್ಲಿ ಆಸ್ಟ್ರೇಲಿಯಾ ಮಾಜಿ ಸ್ಪಿನ್ನರ್‌ ಅವರು ಮಾತನಾಡುವಾಗ ಅಭಿಮಾನಿಯೊಬ್ಬರು "ಐಸಿಸಿ ಟಿ20 ವಿಶ್ವಕಪ್‌ ಟೂರ್ನಿಗೆ ಸುರೇಶ್‌ ರೈನಾ ಟೀಮ್‌ ಇಂಡಿಯಾಗೆ ಕಮ್‌ಬ್ಯಾಕ್‌ ಮಾಡಲು ಅವಕಾಶವಿದೆಯೇ?" ಎಂದು ಪ್ರಶ್ನೆಸಿದರು. ಇದಕ್ಕೆ ಉತ್ತರಿಸಿದ ಹಾಗ್‌, "ಸುರೇಶ್‌ ರೈನಾ ಭಾರತೀಯ ಕ್ರಿಕೆಟ್‌ನ ಅತ್ಯುತ್ತಮ ಆಟಗಾರ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಭಾರತ ತಂಡದ ಅತ್ಯುದ್ಬುತ ಫೀಲ್ಡರ್‌. ಅವರೊಬ್ಬ ಅದ್ಭುತ ಎಡಗೈ ಬ್ಯಾಟ್ಸ್ಮನ್." ಪ್ರಸ್ತುತ ಸನ್ನಿವೇಶದಲ್ಲಿ ನಾಯಕ ವಿರಾಟ್‌ ಕೊಹ್ಲಿ ಯುವ ಆಟಗಾರರ ಮೇಲೆ ತಮ್ಮ ಚಿತ್ತ ನೆಟ್ಟಿದ್ದಾರೆ. ಹಾಗಾಗಿ, ಸುರೇಶ್‌ ರೈನಾಗೆ ಸ್ಥಾನ ಸಿಗುವುದು ಅನುಮಾನ ಎಂದಿದ್ದಾರೆ. "ಸದ್ಯದ ಟೀಮ್‌ ಇಂಡಿಯಾದ ಆಟಗಾರರ ಲೈನ್‌ ಅಪ್‌ ನೋಡುವುದಾದರೆ, ಕೊಹ್ಲಿ ಯಾರಿಗೆ ಅವಕಾಶ ನೀಡಬೇಕು, ನೀಡಬಾರದು ಎಂಬ ಗೊಂದಲದಲ್ಲಿದ್ದಾರೆ. ಆದರೆ, ಟೀಮ್‌ ನಾಯಕ ಯುವ ಆಟಗಾರರನ್ನು ಸೇರಿಸಿಕೊಳ್ಳುವತ್ತ ಗಮನ ಹರಿಸುತ್ತಿದ್ದಾರೆಂಬುದು ಸ್ಪಷ್ಟ." "ಅಲ್ಲದೆ, ರೈನಾ ಆಡುತ್ತಿದ್ದ 4ನೇ ಬ್ಯಾಟಿಂಗ್‌ ಕ್ರಮಾಂಕದಲ್ಲಿ ಶ್ರೇಯಸ್‌ ಅಯ್ಯರ್‌ ಫಿಕ್ಸ್ ಆಗಿದ್ದಾರೆ. ಹಾಗಾಗಿ, ರೈನಾ ಅವರನ್ನು ಕೆಳ ಕ್ರಮಾಂಕದಲ್ಲಿ ಆಡಲು ನಾನು ಬಯಸುವುದಿಲ್ಲ. ಪಂದ್ಯದ ಮಧ್ಯಮ ಓವರ್‌ಗಳಲ್ಲಿ ಆಡುವ ರೈನಾ 3 ಅಥವಾ 4 ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ಅವರಿಗೆ ಸೂಕ್ತ. ಆದ್ದರಿಂದ ಸದ್ಯದ ಸ್ಥಿತಿಯಲ್ಲಿ ಅವರಿಗೆ ಭಾರತ ತಂಡದಲ್ಲಿ ಸ್ಥಾನ ಸಿಗುವುದು ಅನುಮಾನ," ಎಂದು ಹೇಳಿದರು. "ಕೆ.ಎಲ್ ರಾಹುಲ್‌ ಹಾಗೂ ರೋಹಿತ್‌ ಶರ್ಮಾ ಅವರನ್ನು ಆರಂಭಿಕ ಸ್ಥಾನದಲ್ಲಿ ಮುಂದುವರಿಸಿ ಶಿಖರ್‌ ಧವನ್‌ ಅವರನ್ನು ಕೈ ಬಿಟ್ಟರೆ, ಟಿ20 ಕ್ರಿಕೆಟ್‌ಗೆ ಸುರೇಶ್‌ ರೈನಾಗೆ ರಾಷ್ಟ್ರೀಯ ತಂಡಕ್ಕೆ ಕಮ್‌ಬ್ಯಾಕ್‌ ಮಾಡುವ ಸಾಧ್ಯತೆ ಇದೆ," ಎಂಬುದನ್ನು ಹಾಗ್‌ ಉಲ್ಲೇಖಿಸಿದರು. "ಆದರೆ ರೈನಾ ಭಾರತ ತಂಡಕ್ಕೆ ಮತ್ತೆ ಆಡುವ ಬಗ್ಗೆ ನೋಡುವುದಿಲ್ಲ ಹಾಗೂ ಈ ವಿಷಯವನ್ನು ಹೇಳಲು ಬೇಸರವಾಗುತ್ತದೆ," ಎಂದು ಆಸ್ಟ್ರೇಲಿಯಾ ಮಾಜಿ ಸ್ಪಿನ್ನರ್‌ ಹೇಳಿದರು. ಸುರೇಶ್‌ ರೈನಾ 226 ಓಡಿಐ ಪಂದ್ಯಗಳಿಂದ 35.31 ಸರಾಸರಿಯಲ್ಲಿ 5615 ರನ್‌ಗಳನ್ನು ಗಳಿಸಿದ್ದಾರೆ ಹಾಗೂ 78 ಟಿ20 ಪಂದ್ಯಗಳಿಂದ 1,605 ರನ್‌ಗಳನ್ನು ಸೇರಿಸಿದ್ದಾರೆ. 2010ರ ಟಿ20 ವಿಶ್ವಕಪ್‌ ಟೂರ್ನಿಯಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ರೈನಾ ಭರ್ಜರಿ ಶತಕ ಬಾರಿಸಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/300HNZm
