ಚಂಡಿಗಢ್: ಇಂದು(ಬುಧವಾರ) ಫ್ರಾನ್ಸ್‌ನಿಂದ ಭಾರತಕ್ಕೆ ಐದು ಯುದ್ಧ ವಿಮಾನಗಳು ಆಗಮಿಸಲಿದ್ದು, ಮಧ್ಯಾಹ್ನದ ವೇಳೆಗೆ ವಾಯು ನೆಲೆಗೆ ಬಂದಿಳಿಯಲಿವೆ. ಈ ಮಧ್ಯೆ ಅಂಬಾಲಾ ವಾಯುನೆಲೆಗೆ ರಫೇಲ್ ಆಗಮಿಸುತ್ತಿರುವುದಕ್ಕೆ ಸಂತಸ ವ್ಯಕ್ತಪಡಿಸಿರುವ ಹರಿಯಾಣ ಸಚಿವ , ಅಂಬಾಲಾ ಪಾಲಿಗೆ ಇದು ಐತಿಹಾಸಿಕ ಕ್ಷಣ ಎಂದು ಬಣ್ಣಿಸಿದ್ದಾರೆ. ರಫೇಲ್ ಆಗಮನಕ್ಕೆ ಇಡೀ ಅಂಬಾಲಾ ನಗರ ಕಾತರದಿಂದ ಕಾಯುತ್ತಿದ್ದು, ಒಂದು ವೇಳೆ ಕೊರೊನಾ ವೈರಸ್ ಹಾವಳಿಯ ಕಾಟ ಇರದಿದ್ದರೆ ಇಡೀ ನಗರದ ಜನತೆ ರಫೇಲ್‌ನ್ನು ಸಂಭ್ರಮಾಚರಣೆ ಮೂಲಕ ಸ್ವಾಗತಿಸುತ್ತಿದ್ದರು ಎಂದು ಅನಿಲ್ ವಿಜ್ ಹೇಳಿದ್ದಾರೆ. ರಫೇಲ್ ಆಗಮನದಿಂದಾಗಿ ಭಾರತೀಯ ವಾಯುಸೇನೆಯ ಬಲ ವೃದ್ಧಿಸಿದ್ದು, ಭಾರತದತ್ತ ವಕ್ರದೃಷ್ಠಿ ಬೀರುವ ಶತ್ರು ರಾಷ್ಟ್ರಗಳು ಇನ್ನು ಮುಂದೆ ಎಚ್ಚರಿಕೆಯಿಂದ ಇರಬೇಕು ಎಂದು ಅನಿಲ್ ವಿಜ್ ಹೇಳಿದರು. ರಫೇಲ್ ಯುದ್ಧ ವಿಮಾನ ಆಗಮನ ಸಮಸ್ತ ಭಾರತೀಯರ ಹೆಮ್ಮೆಯ ಪ್ರತೀಕವಾಗಿದ್ದು, ಈ ಅತ್ಯಾಧುನಿಕ ಯುದ್ಧ ವಿಮಾನಗಳು ಭಾರತೀಯ ವಾಯುಸೇನೆಗೆ ಸೇರ್ಪಡೆಗೊಳ್ಳಲು ಪ್ರಮುಖ ಕಾರಣೀಭೂತರಾದ ಪ್ರಧಾನಿ ಮೋದಿ ಅವರಿಗೆ ಧನ್ಯವಾದ ಅರ್ಪಿಸುವುದಾಗಿ ಅನಿಲ್ ವಿಜ್ ಹೇಳಿದ್ದಾರೆ.
from India & World News in Kannada | VK Polls https://ift.tt/3jR2BKU
