ಹೊಸದಿಲ್ಲಿ: ಭಾರತ ತಂಡ ನವೆಂಬರ್‌ನಲ್ಲಿ ಪ್ರವಾಸ ಕೈಗೊಳ್ಳಲಿದ್ದು, ಮೊದಲಿಗೆ 3 ಪಂದ್ಯಗಳ ಟಿ20 ಕ್ರಿಕೆಟ್ ಸರಣಿಯನ್ನು ಆಡಲಿದೆ. ಬಳಿಕ ಇತ್ತಂಡಗಳ ನಡುವೆ ಬಾರ್ಡರ್‌-ಗವಾಸ್ಕರ್ ಟ್ರೋಫಿ ಸಲುವಾಗಿ 4 ಪಂದ್ಯಗಳ ಟೆಸ್ಟ್‌ ಸರಣಿ ಆರಂಭವಾಗಲಿದ್ದು, ಮೊದಲ ಪಂದ್ಯ ಬ್ರಿಸ್ಬೇನ್‌ನ ಗಬ್ಬಾ ಕ್ರೀಡಾಂಗಣದಲ್ಲಿ ಡಿ.3ಕ್ಕೆ ಶುರುವಾಗಲಿದೆ. ಭಾರತ ತಂಡ 2018-19ರಲ್ಲಿ ಆಸ್ಟ್ರೇಲಿಯಾ ಪ್ರವಾಸ ಕೈಗೊಂಡಿದ್ದಾಗ ಟೆಸ್ಟ್‌ ಸರಣಿಯನ್ನು 2-1 ಅಂತರದ ಗೆಲುವಿನೊಂದಿಗೆ ಕಾಂಗರೂ ನಾಡಲ್ಲಿ ಟೆಸ್ಟ್‌ ಸರಣಿ ಗೆದ್ದ ಏಷ್ಯಾದ ಮೊತ್ತ ಮೊದಲ ತಂಡವೆಂಬ ಐತಿಹಾಸಿಕ ಸಾಧನೆ ಮೆರೆದಿತ್ತು. ಈ ಬಾರಿಯೂ ಅಂಥದ್ದೇ ಪ್ರದರ್ಶನ ನೀಡಲು ಎದುರು ನೋಡುತ್ತಿದೆ. ಆದರೆ, ಸ್ಟೀವ್‌ ಸ್ಮಿತ್‌ ಮತ್ತು ಡೇವಿಡ್‌ ವಾರ್ನರ್‌ ಕಮ್‌ಬ್ಯಾಕ್‌ನೊಂದಿಗೆ ಆಸೀಸ್‌ ಬಲಿಷ್ಠ ತಂಡ ರಚಿಸಿದ್ದು ಸೇಡಿಗಾಗಿ ಕಾಯುತ್ತಿದೆ. ಈ ಆಟಗಾರರು ಕಳೆದ ಬಾರಿ ನಿಷಧ ಕಾರಣ ಹೊರಗುಳಿದಿದ್ದರು. ಕೊರೊನಾ ವೈರಸ್‌ ಸಮಯದಲ್ಲೂ ಅಂತಾರಾಷ್ಟ್ರೀಯ ಕ್ರಿಕೆಟ್ ಮರಳಿ ಆರಂಭವಾಗಿದ್ದು, ಬಯೋ ಸೆಕ್ಯೂರ್‌ ಕ್ರೀಡಾಂಗಣಗಳಲ್ಲಿ ಇಂಗ್ಲೆಂಡ್‌ ಮತ್ತು ವೆಸ್ಟ್‌ ಇಂಡೀಸ್‌ ತಂಡಗಳು ಟೆಸ್ಟ್‌ ಸರಣಿಯಲ್ಲಿ ಮುಖಾಮುಖಿಯಾಗಿವೆ. ಇದೇ ಮಾದರಿಯಲ್ಲಿ ಇತರ ರಾಷ್ಟ್ರಗಳು ಕೂಡ ಕ್ರಿಕೆಟ್ ಪುನರಾರಂಭದ ಕಡೆಗೆ ಮುಂದಾಗುತ್ತಿವೆ. ಇನ್ನು ಇಂಗ್ಲೆಂಡ್‌ ಪ್ರವಾಸ ಸಲುವಾಗಿ 14 ದಿನಗಳ ಕ್ವಾರಂಟೈನ್‌ ಎಲ್ಲವನ್ನೂ ಎದುರಿಸಿ ಕೋವಿಡ್‌-19 ಪರೀಕ್ಷೆಗಳನ್ನು ತೆಗೆದುಕೊಂಡಿದ್ದ ವೆಸ್ಟ್‌ ಇಂಡೀಸ್‌ ತಂಡ ಹೆಚ್ಚುವರಿ ಬದಲಿ ಆಟಗಾರರನ್ನು ಜೊತೆಗಿರಿಸಿ ಒಟ್ಟು 24 ಸದಸ್ಯರ ದೊಡ್ಡ ತಂಡದೊಂದಿಗೆ ಇಂಗ್ಲೆಂಡ್‌ಗೆ ಪ್ರಯಾಣ ಬೆಳೆಸಿತ್ತು. ಇದೇ ತಂತ್ರ ಅನುಸರಿಸಿರುವ ಪಾಕಿಸ್ತಾನ ಕೂಡ ಆಗಸ್ಟ್‌ 5ರಂದು ಮ್ಯಾಂಚೆಸ್ಟರ್‌ನಲ್ಲಿ ಆರಂಭವಾಗಲಿರುವ 3 ಪಂದ್ಯಗಳ ಟೆಸ್ಟ್‌ ಸರಣಿ ಸಲುವಾಗಿ 29 ಸದಸ್ಯರ ಬೃಹತ್‌ ತಂಡವನ್ನು ಆಯ್ಕೆ ಮಾಡಿಕೊಂಡಿದೆ. ಈ ನಿಟ್ಟಿನಲ್ಲಿ ಆಸೀಸ್‌ ಪ್ರವಾಸಕ್ಕೆ ಭಾರತ ಕೂಡ ದೊಡ್ಡ ತಂಡವನ್ನೇ ಪ್ರಕಟಿಸುವ ನಿರೀಕ್ಷೆ ಹೊಂದಲಾಗಿದ್ದು, ಮಾಜಿ ಆರಂಭಿಕ ಬ್ಯಾಟ್ಸ್ಮನ್ ತಮ್ಮ ಆಯ್ಕೆಯ 30 ಸದಸ್ಯರ ಬಲಿಷ್ಠ ಭಾರತ ತಂಡವನ್ನು ಕಟ್ಟಿದ್ದಾರೆ. ಇದನ್ನು ತಮ್ಮ ಯೂಟ್ಯೂಬ್‌ ಕಾರ್ಯಕ್ರಮ ಆಕಾಶ್‌ವಾಣಿ ಮೂಲಕ ಬಹಿರಂಗ ಪಡಿಸಿದ್ದಾರೆ. ಅಂದಹಾಗೆ ಟೆಸ್ಟ್‌, ಟಿ20 ಮತ್ತು ಏಕದಿನ ಕ್ರಿಕೆಟ್ ಸರಣಿ ಮೂರಕ್ಕೂ ನೆರವಾಗುವ ರೀತಿಯಲ್ಲಿ ಒಂದೇ ತಂಡವನ್ನು ಆಯ್ಕೆ ಮಾಡಲಾಗಿದೆ. "ಮಯಾಂಕ್‌ ಅಗರ್ವಾಲ್ ಅವರನ್ನೂ ಮೂರೂ ಮಾದರಿಗೆ ಪರಿಗಣಿಸಿ ಆಯ್ಕೆ ಮಾಡಿದ್ದೇನೆ. ಟೆಸ್ಟ್‌ನಲ್ಲಿ ಅವರನ್ನೇ ಮುಂದುವರಿಸುವುದು ಸೂಕ್ತ. ಅಗತ್ಯವಿದ್ದರೆ ಪೃಥ್ವಿ ಶಾ ಅವರನ್ನು ಬಳಸಬಹುದು. ಇನ್ನು ಟೆಸ್ಟ್‌ ಸರಣಿ ಮುಗಿದ ಬಳಿಕ ಏಕದಿನ ಸರಣಿ ಮಾತ್ರವೇ ಉಳಿದುಕೊಳ್ಳುವುದರಿಂದ ಕೆಲ ಆಟಗಾರರನ್ನು ತಾಯ್ನಾಡಿಗೆ ಮರಳುವಂತೆ ಹೇಳಬಹುದು," ಎಂದು ಆಕಾಶ್ ಹೇಳಿದ್ದಾರೆ. ಆಕಾಶ್ ಆಯ್ಕೆಯ 30 ಸದಸ್ಯರ ಹೀಗಿದೆ 1. ರೋಹಿತ್ ಶರ್ಮಾ (ಓಪನರ್) 2. ಕೆಎಲ್‌ ರಾಹುಲ್ (ಓಪನರ್) 3. ಮಯಾಂಕ್‌ ಅಗರ್ವಾಲ್ (ಓಪನರ್) 4. ಪೃಥ್ವಿ ಶಾ (ಓಪನರ್) 5. ಚೇತೇಶ್ವರ್‌ ಪೂಜಾರ (ಬ್ಯಾಟ್ಸ್ಮನ್) 6. ಅಜಿಂಕ್ಯ ರಹಾನೆ (ಬ್ಯಾಟ್ಸ್ಮನ್) 7. ವಿರಾಟ್‌ ಕೊಹ್ಲಿ (ನಾಯಕ/ಬ್ಯಾಟ್ಸ್ಮನ್) 8. ಶ್ರೇಯಸ್‌ ಅಯ್ಯರ್ (ಬ್ಯಾಟ್ಸ್ಮನ್) 9. ಹನುಮ ವಿಹಾರಿ (ಬ್ಯಾಟ್ಸ್ಮನ್) 10. ಶುಭಮನ್‌ ಗಿಲ್ (ಬ್ಯಾಟ್ಸ್ಮನ್) 11. ವೃದ್ಧಿಮಾನ್‌ ಸಹಾ (ವಿಕೆಟ್‌ಕೀಪರ್‌/ಬ್ಯಾಟ್ಸ್ಮನ್) 12. ರಿಷಭ್‌ ಪಂತ್ (ವಿಕೆಟ್‌ಕೀಪರ್‌/ಬ್ಯಾಟ್ಸ್ಮನ್) 13. ರವಿಚಂದ್ರನ್ ಅಶ್ವಿನ್ (ಆಫ್‌ ಸ್ಪಿನ್ನರ್‌) 14. ರವೀಂದ್ರ ಜಡೇಜಾ (ಆಲ್ರೌಂಡರ್) 15. ಯುಜ್ವೇಂದ್ರ ಚಹಲ್ (ಲೆಗ್‌ ಸ್ಪಿನ್ನರ್‌) 16. ಕುಲ್ದೀಪ್ ಯಾದವ್ (ಎಡಗೈ ಸ್ಪಿನ್ನರ್‌) 17. ಜಸ್‌ಪ್ರೀತ್‌ ಬುಮ್ರಾ (ಬಲಗೈ ವೇಗಿ) 18. ಇಶಾಂತ್ ಶರ್ಮಾ (ಬಲಗೈ ವೇಗಿ) 19. ಉಮೇಶ್‌ ಯಾದವ್ (ಬಲಗೈ ವೇಗಿ) 20. ಮೊಹಮ್ಮದ್‌ ಶಮಿ (ಬಲಗೈ ವೇಗಿ) 21. ನವದೀಪ್‌ ಸೈನಿ (ಬಲಗೈ ವೇಗಿ) 22. ಭುವನೇಶ್ವರ್ ಕುಮಾರ್ (ಬಲಗೈ ವೇಗಿ) 23. ದೀಪಕ್ ಚಹರ್ (ಬಲಗೈ ವೇಗಿ) 24. ಹಾರ್ದಿಕ್ ಪಾಂಡ್ಯ (ಆಲ್ರೌಂಡರ್) 25. ಶಿಖರ್‌ ಧವನ್ (ಬ್ಯಾಟ್ಸ್ಮನ್) 26. ಮನೀಶ್‌ ಪಾಂಡೆ (ಬ್ಯಾಟ್ಸ್ಮನ್) 27. ಕೇದಾರ್‌ ಜಾಧವ್ (ಆಲ್ರೌಂಡರ್) 28. ಶಾರ್ದುಲ್‌ ಠಾಕೂರ್ (ಬಲಗೈ ವೇಗಿ) 29. ಕೃಣಾಲ್‌ ಪಾಂಡ್ಯ (ಆಲ್ರೌಂಡರ್) 30. ರಾಹುಲ್ ಚಹರ್ (ಲೆಗ್‌ ಸ್ಪಿನ್ನರ್‌)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Bx63sD
