ಗುವಾಹಟಿ: ಮಕ್ಕಳು ಹುಟ್ಟೋದೆ ಒಂದು ಪುಣ್ಯ ಎನ್ನುತ್ತಾರೆ. ಕೆಲವರಿಗೆ ಇಲ್ಲದೆ ಕೊರೊಗು ಸಮಯದಲ್ಲಿ ವ್ಯಕ್ತಿಯೊಬ್ಬ ದೇವರು ಕೊಟ್ಟ ವರವನ್ನೇ ಮಾರಿದ್ದಾನೆ. ಹೌದು, ಕೊರೊನಾ ಲಾಕ್ಡೌನ್ ಹಿನ್ನೆಲೆಯಲ್ಲಿ ಕೂಲಿ ಕೆಲಸ ಬಿಟ್ಟು ತವರಿಗೆ ಮರಳಿದ್ದ ವಲಸೆ ಕಾರ್ಮಿಕರೊಬ್ಬರು, ಜೀವನ ನಿರ್ವಹಣೆಗೆ ಹಣವಿಲ್ಲದೆ 15 ದಿನಗಳ ಹೆಣ್ಣು ಮಗುವನ್ನು ಮಾರಿದ ಘಟನೆ ಅಸ್ಸಾಂನ ಕೋಕ್ರಝಾರ್ ಜಿಲ್ಲೆಯ ಹಳ್ಳಿಯೊಂದರಲ್ಲಿ ನಡೆದಿದೆ. ವಿಷಯ ತಿಳಿದ ಪೊಲೀಸರು ಮಗುವನ್ನು ರಕ್ಷಿಸಿ ಮತ್ತೆ ಪಾಲಕರ ವಶಕ್ಕೆ ಒಪ್ಪಿಸಿದ್ದು, ಮಹಿಳೆಯರಿಬ್ಬರನ್ನು ಬಂಧಿಸಿದ್ದಾರೆ. ಅರಣ್ಯ ವ್ಯಾಪ್ತಿಯಲ್ಲಿರುವ ಧಾಂತೋಲಾ ಮಂಡರಿಯಾ ಗ್ರಾಮದಲ್ಲಿ ವಾಸಿಸುವ ದೀಪಕ್ ಬ್ರಹ್ಮ, ಮಗುವನ್ನು ಮಾರಿದ . ಗುಜರಾತ್ನಲ್ಲಿ ಕೂಲಿ ಕೆಲಸ ಮಾಡುತ್ತಿದ್ದ ಅವರು ಲಾಕ್ಡೌನ್ ಸಂದರ್ಭದಲ್ಲಿಊರಿಗೆ ಮರಳಿದ್ದರು. ಆ ಬಳಿಕ ಕೆಲಸವೇ ಸಿಗದೆ ಆರ್ಥಿಕ ಸಂಕಷ್ಟಕ್ಕೆ ಒಳಗಾಗಿದ್ದರು. ಈ ಬಡತನದ ಸಂದರ್ಭದ ನಡುವೆ ಅವರ ಪತ್ನಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು. ದಂಪತಿಗೆ ಒಂದು ವರ್ಷದ ಮತ್ತೊಂದು ಹೆಣ್ಣು ಮಗುವೂ ಇದೆ. ಹೀಗಾಗಿ ದೀಪಕ್, ಸಂಬಂಧಿಕರೊಬ್ಬರ ಮೂಲಕ 45 ಸಾವಿರ ರೂಪಾಯಿಗೆ ಮಗುವನ್ನು ಮಾರಿದ್ದರು. ಬಳಿಕ ಗ್ರಾಮಸ್ಥರು ಹಾಗೂ ದೀಪಕ್ ಪತ್ನಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಅದರಂತೆ ಕಾರ್ಯಾಚರಣೆ ನಡೆಸಿದ ಪೊಲೀಸರು ಮಗುವನ್ನು ವಾಪಸ್ ಪೋಷಕರ ಸುಪರ್ದಿಗೆ ಒಪ್ಪಿಸಿ ಇಬ್ಬರ ಮೇಲೆ ಕೇಸು ದಾಖಲಿಸಿದ್ದಾರೆ.
from India & World News in Kannada | VK Polls https://ift.tt/3ht6qUq
