ನವದೆಹಲಿ: "ಆಗದು ಎಂದು ಕೈ ಕಟ್ಟಿ ಕುಳಿತರೆ ಸಾಗದು ಕೆಲಸವು ಮುಂದೆ" ಎನ್ನುವ ಹಾಡು ಪ್ರಧಾನಿ ನರೇಂದ್ರ ಮೋದಿಯವರಿಗೆ ಸರಿಯಾಗಿ ಹೋಲುತ್ತದೆ ಅನಿಸುತ್ತೆ. ಯಾಕೆಂದರೆ ರುದ್ರತಾಂಡವ ಆಡುತ್ತಿರುವ ಮಧ್ಯೆ ಸುಮ್ಮನೆ ಕುಳಿತುಕೊಳ್ಳದ ದೇಶದ ಅಭಿವೃದ್ದಿ, ಜನರ ಕಲ್ಯಾಣಕ್ಕಾಗಿ ಒಂದು ತಿಂಗಳಲ್ಲಿ ಬರೋಬ್ಬರಿ 50ಕ್ಕೂ ಹೆಚ್ಚು ಸಭೆಗಳಲ್ಲಿ ಭಾಗಿಯಾಗಿದ್ದಾರೆ. ಮೂಲಭೂತ ಸೌಕರ್ಯ, ಜನರ ಕಲ್ಯಾಣ, ಕಾಮಗಾರಿ, ವಿದೇಶದ ನಾಯಕರ ಜೊತೆ ಸಭೆ, ಮಂತ್ರಿಗಳೊಂದಿಗೆ ಮೀಟಿಂಗ್, ಕೊರೊನಾ ಸಂಬಂಧ ಸೇರಿ ಸುಮಾರು ಐವತ್ತಕ್ಕೂ ಹೆಚ್ಚು ಮೀಟಿಂಗ್ಗಳಲ್ಲಿ ಪ್ರಧಾನಿ ಮೋದಿ ಭಾಗಿಯಾಗಿ ಚರ್ಚೆ ನಡೆಸಿದ್ದಾರೆ. ಅಧಿಕಾರಿ ವರ್ಗಗಳೊಂದಿಗೆ ಸಭೆ ನಡೆಸಿ ಮಕ್ತವಾಗಿ ಮಾತುಕತೆ ನಡೆಸಿದ್ದಾರೆ ಮೋದಿ. ಮೂಲಗಳ ಪ್ರಕಾರ ಒಂದೊಂದು ಸಭೆ ಎರಡು ಮೂರು ಗಂಟೆಯಲ್ಲಿ ಮುಗಿದರೆ. ಕೆಲವೊಂದು ಸಭೆ ದಿನ ಪೂರ್ತಿ ನಡೆದಂತಹ ನಿದರ್ಶನಗಳಿವೆ ಎಂದು ತಿಳಿದುಬಂದಿದೆ. ಪ್ರಧಾನಿ ನಡೆಸಿದ ಸಭೆಗಳ ಪೈಕಿ ಈ ಬಾರಿ ವರ್ಚುವಲ್ ಮೀಟಿಂಗ್ ಜಾಸ್ತಿಯಾಗಿತ್ತು. ಕೊರೊನಾ ಹಿನ್ನೆಲೆ ಕೊರೊನಾ ನಿಯಮಗಳನ್ನ ಪಾಲಿಸಿದ ಪ್ರಧಾನಿ, ವಿಡಿಯೋ ಕಾನ್ಫರೆನ್ಸ್ ಮೂಲಕ ಸಭೆಗಳನ್ನ ಅಟೆಂಡ್ ಮಾಡಿದ್ದಾರೆ. ಕೊರೊನಾ ಕುರಿತು, ದೇಶದ ಆರ್ಥಿಕತೆ , ಜನರ ಆರೋಗ್ಯದ ಕುರಿತು ಅತೀ ಹೆಚ್ಚು ಸಭೆಗಳನ್ನ ಪ್ರಧಾನಿ ಮೋದಿ ಸಂಪುಟದ ಮಂತ್ರಿಗಳೊಂದಿಗೆ ಹಾಗೂ ಅಧಿಕಾರಿಗಳೊಂದಿಗೆ ನಡೆಸಿದ್ದಾರೆ. ಇನ್ನು ಆರ್ಥಿಕತೆ ಕುರಿತಂತೆ ಪ್ರಧಾನಿ ಮೋದಿಗೆ ಸಲಹೆ ನೀಡುವ ನೀತಿ ಆಯೋಗದೊಂದಿಗೆ ಹಲವು ಸುತ್ತಿನ ಸಭೆ ನಡೆಸಿದ್ದಾರೆ ಪ್ರಧಾನಿ. ಅಧಿಕಾರಿಗಳ ಪ್ರಕಾರ ಪ್ರತೀ ಮೀಟಿಂಗ್ನಲ್ಲು ಜನರ ಸಮಸ್ಯೆ ಆಲಿಸುವಂತೆ ಅಧಿಕಾರಿಗಳಿಗೆ ಕರೆ ನೀಡಿರುವುದಾಗಿ ತಿಳಿದುಬಂದಿದೆ. ಕೊರೊನಾದ ಮಧ್ಯೆಯೇ ಪ್ರಧಾನಿ ಬ್ಯಾಕ್ ಟು ಬ್ಯಾಕ್ ಸಭೆ ನಡೆಸಿ ದೇಶದ ಜೊತೆ ನಿಂತಿರುವುದಕ್ಕೆ ಎಲ್ಲರಿಂದಲು ಪ್ರಶಂಸೆಯ ಮಹಾಪೂರವೇ ಹರಿದುಬರುತ್ತಿದೆ.
from India & World News in Kannada | VK Polls https://ift.tt/3fRstUA
