ಜಿನೇವಾ: ಕ್ಷೀಣಿಸುತ್ತಿರುವ ಪ್ರದೇಶಗಳಲ್ಲಿ ಮತ್ತೆ ಸೋಂಕು ಭುಗಿಲೇಳುವ ಸಾಧ್ಯತೆಯಿದೆ ಎಂದು (ಡಬ್ಲ್ಯುಎಚ್ಒ) ಎಚ್ಚರಿಸಿದೆ. ಚೀನಾದಿಂದ ಉದ್ಭವಗೊಂಡಿರುವ ಕೊರೊನಾ ವೈರಸ್ ಸೋಂಕಿಗೆ ಇಡೀ ಜಗತ್ತೇ ತತ್ತರಿಸಿದೆ. ಭಾರತ ಸೇರಿದಂತೆ ಹಲವು ರಾಷ್ಟ್ರಗಳು ಈಗಲೂ ಸೋಂಕು ವ್ಯಾಪಕವಾಗಿ ಹರಡುತ್ತಿದೆ. ಇದರಂತೆ ಸೋಮವಾರದಂದು ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಕೆಯನ್ನು ರವಾನಿಸಿದೆ. ಹಲವು ದೇಶಗಳಲ್ಲಿ ಸೋಂಕು ನಿಯಂತ್ರಣದಲ್ಲಿದ್ದರೂ ಕೇಂದ್ರ, ದಕ್ಷಿಣ ಅಮೆರಿಕ, ದಕ್ಷಿಣ ಏಷ್ಯಾ ಹಾಗೂ ಆಫ್ರಿಕಾ ಖಂಡಗಳಲ್ಲಿ ಸೋಂಕು ಪ್ರಕರಗಳು ಹೆಚ್ಚುತ್ತಿದೆ ಎಂದು ವಿಶ್ವ ಆರೋಗ್ಯ ಸಂಸ್ಧೆ ತುರ್ತು ನಿರ್ದೇಶಕ ಡಾ ಮೈಕ್ ರೈಯಾನ್ ವಿವರಿಸಿದ್ದಾರೆ. ಸಾಂಕ್ರಾಮಿಕ ರೋಗವು ಅಲೆ ಅಲೆಯಾಗಿ ಬರಲಿದೆ. ಹಾಗಾಗಿ ಈಗ ನಿಯಂತ್ರದಲ್ಲಿರುವ ಪ್ರದೇಶಗಳಲ್ಲಿ ಮಗದೊಮ್ಮೆ ವೈರಸ್ ಭುಗಿಲೇಳುವ ಸಾಧ್ಯತೆಯಿದೆ ಎಂದವರು ಎಚ್ಚರಿಸಿದರು. ಹಾಗಾಗಿ ಮೊದಲ ಅಲೆಯನ್ನು ತಡೆಯಲು ಕೈಗೊಂಡ ಕ್ರಮಗಳನ್ನು ಸಡಿಲಗೊಳಿಸಿದರೆ ಸೋಂಕು ಮತ್ತಷ್ಟು ಹರಡುವ ಸಾಧ್ಯತೆಯಿದೆ ಎಂದು ಹೇಳಿದರು. ನಾವು ಶಾಸ್ತ್ರೀಯವಾಗಿ ಎರಡನೇ ತರಂಗದ ಬಗ್ಗೆ ಮಾತನಾಡುವಾಗ ಅದು ಮತ್ತೆ ಮರುಕಳಿಸಬಹುದು. ಇದು ಅನೇಕ ದೇಶಗಳಲ್ಲಿ ನಿಜವೆನಿಸಿದೆ. ಯಾವುದೇ ಸಮಯ ಬೇಕಾದರೂ ಸೋಂಕು ವ್ಯಾಪಕವಾಗಿ ಹರಡಬಹದು ಎಂದು ಹೇಳಿದರು. ರೋಗ ಯಾವುದೇ ಸಮಯದಲ್ಲಿ ಹೆಚ್ಚಾಗಬಹುದು ಎಂಬ ಅಂಶವನ್ನು ನಾವು ಅರಿತುಕೊಳ್ಳಬೇಕು. ರೋಗ ಹರಡುವುದು ನಿಯಂತ್ರಣದಲ್ಲಿದೆ ಎಂಬ ಮಾತ್ರಕ್ಕೆ ಎರಡನೇ ತರಂಗವಾಗಿ ಹರಡಲ್ಲ ಎಂದು ನಾವು ಭಾವಿಸಬಾರದು. ಕೆಲವು ತಿಂಗಳುಗಳ ಬಳಿಕವೂ ಎರಡನೇ ತರಂಗ ಹರಡಬಹುದು ಎಂದು ಹೇಳಿದರು.
from India & World News in Kannada | VK Polls https://ift.tt/2TDv8rP
