ವಾಷಿಂಗ್ಟನ್: ಹಾಕಾಂಗ್ ಸ್ವಾಯತ್ತ ಪ್ರದೇಶದಲ್ಲಿ ಜಾರಿಗೆ ತರಲು ಉದ್ದೇಶಿಸಿರುವ ಕಾನೂನನ್ನು ವಿರೋಧಿಸುತ್ತಿರುವ , ಇದೀಗ ಮೇಲಿನ ಚೀನಾ ಹಿಡಿತವನ್ನು ತಪ್ಪಿಸಲು ಒಂದು ಹೆಜ್ಜೆ ಮುಂದಿಟ್ಟಿದೆ. ಟಿಬೆಟ್‌ನ್ನು ಪ್ರತ್ಯೇಕ ರಾಷ್ಟ್ರ ಎಂದು ಪರಿಗಣಿಸುವಂತೆ ಕೋರಿ ಅಮೆರಿಕ ಕಾಂಗ್ರೆಸ್‌ನಲ್ಲಿ ಮಂಡಿಸಲಾಗಿದ್ದು, ಟಿಬೆಟ್ ಮೇಲಿನ ಚೀನಾದ ದಬ್ಬಾಳಿಕೆ ಕೊನೆಗಾಣಿಸಬೇಕು ಎಂದು ಆಗ್ರಹಿಸಲಾಗಿದೆ. ಪೆನ್ಸಿಲ್ವೇನಿಯಾದ ರಿಪಬ್ಲಿಕನ್ ಸಂಸದ ಸ್ಕಾಟ್ ಪೆರ್ರಿ ಟಿಬೆಟ್‌ಗೆ ಪ್ರತ್ಯೇಕ್ ರಾಷ್ಟ್ರದ ಸ್ಥಾನಮಾನ ನೀಡಲು ಅಧ್ಯಕ್ಷರಿಗೆ ಅಧಿಕಾರ ನೀಡಬೇಕು ಎಂದು ಕೋರಿ ಮಸೂದೆ ಮಂಡಿಸಿದ್ದಾರೆ. ಇಷ್ಟೇ ಅಲ್ಲದೇ ಹಾಂಕಾಂಗ್‌ನ್ನೂ ಪ್ರತ್ಯೇಕ ರಾಷ್ಟ್ರ ಎಂದು ಪರಿಗಣಿಸುವಂತೆ ಕೋರಿಯೂ ಸ್ಕಾಟ್ ಪೆರ್ರಿ ಮಸೂದೆ ಮಂಡಿಸದ್ದು, ಎರಡೂ ಮಸೂದೆಗಳನ್ನು ವಿದೇಶಾಂಗ ವ್ಯವಹಾರಗಳ ಸದನ ಸಮಿತಿಗೆ ಒಪ್ಪಿಸಲಾಗಿದ್ದು, ಪರಿಶೀಲನೆ ಹಂತದಲ್ಲಿ ಇದೆ ಎಂದು ಹೇಳಲಾಗಿದೆ. ಕೊರೊನಾ ವೈರಸ್ ಹಾವಳಿಯ ಬಳಿಕ ಅಮೆರಿಕ ಹಾಗೂ ಚೀನಾದ ನಡುವಿನ ದ್ವಿಪಕ್ಷೀಯ ಸಂಬಂಧ ಹದಗಟ್ಟಿದ್ದು, ಈ ಹಿನ್ನೆಲೆಯಲ್ಲಿ ಚೀನಾವನ್ನು ಕಟ್ಟಿಹಾಕುವ ಎಲ್ಲಾ ಪ್ರಯತ್ನಗಳನ್ನು ಅಮೆರಿಕ ಮಾಡುತ್ತಿದೆ. ಇನ್ನು ಟಿಬೆಟ್‌ಗೆ ಪ್ರತ್ಯೇಕ ರಾಷ್ಟ್ರದ ಸ್ಥಾನಮಾನ ನೀಡುವತ್ತ ಅಮೆರಿಕ ಯೋಚಿಸುತ್ತಿರುವುದು, ಚೀನಾದ ಉಯ್ಘರ್ ಪ್ರತ್ಯಾಕತಾವಾದಿಗಳಿಗೂ ಹೊಸ ಆಶಾಕಿರಣ ಗೋಚರವಾಗುತ್ತಿದೆ ಎಂದು ವಿಶ್ಲೇಷಿಸಲಾಗಿದೆ.
from India & World News in Kannada | VK Polls https://ift.tt/3c6lVP8
