ವಾಷಿಂಗ್ಟನ್: ಭಾರತ-ಚೀನಾ ಗಡಿ ಉದ್ವಿಗ್ನತೆ ಕುರಿತು ಮತ್ತೆ ಧ್ವನಿ ಎತ್ತಿರುವ , ಚೀನಾದ ವಿವಾದಾತ್ಮಕ ಗಡಿ ನೀತಿಗಳಿಂದ ಭಾರತವೂ ಸೇರಿದಂತೆ ಜಾಗತಿಕ ಸಂಬಂಧಗಳಿಗೆ ಧಕ್ಕೆ ತರುತ್ತಿದೆ ಎಂದು ಕಿಡಿಕಾರಿದೆ. ಈ ಕುರಿತು ಮಾತನಾಡಿರುವ ಅಮೆರಿಕದ ಪೂರ್ವ ಏಷ್ಯಾ ಮತ್ತು ಪೆಸಿಫಿಕ್ ವ್ಯವಹಾರಗಳ ಸಹಾಯಕ ರಾಜ್ಯ ಕಾರ್ಯದರ್ಶಿ ಡೇವಿಡ್ ಸ್ಟಿಲ್ವೆಲ್, ಬಿಜಿಂಗ್‌ನಲ್ಲಿ ಸಮಸ್ಯಾತ್ಮಕ ಸರ್ಕಾರವೊಂದು ಆಡಳಿತ ನಡೆಸುತ್ತಿರುವುದು ಅದರ ಗಡಿ ನೀತಿಗಳಿಂದಲೇ ಸ್ಪಷ್ಟವಾಗುತ್ತದೆ ಎಂದು ಹೇಳಿದ್ದಾರೆ. ಭಾರತದೊಂದಿಗಿನ ಚೀನಾದ ಈ ಗಡಿ ತಂಟೆ ಜಾಗತಿಕ ಸಂಬಂಧಗಳಿಗೆ ಧಕ್ಕೆ ತರಲಿದ್ದು, ಈ ಕುರಿತು ಪರಾಮರ್ಶೆ ನಡೆಸುವುದು ಒಳಿತು ಎಂದು ಡೇವಿಡ್ ಸ್ಟಿಲ್ವೆಲ್ ಅಭಿಪ್ರಾಯಪಟ್ಟಿದ್ದಾರೆ. ಚೀನಾ ಅನವಶ್ಯಕವಾಗಿ ತನ್ನ ತಾಕತ್ತಿನ ಪ್ರದರ್ಶನ ನಡೆಸಿದ್ದು, ಇದು ದಕ್ಷಿಣ ಏಷ್ಯಾದ ಶಾಂತಿ ಪ್ರಕ್ರಿಯೆಗೆ ಭಂಗ ತರುವ ಹುನ್ನಾರವಲ್ಲದೇ ಮತ್ತೇನೂ ಅಲ್ಲ ಎಂದು ಡೇವಿಡ್ ಸ್ಟಿಲ್ವೆಲ್ ಹೇಳಿದ್ದಾರೆ. ಚೀನಾದ ಸತತ ಗಡಿ ತಕರಾರಿನ ಹೊರತಾಗಿಯೂ ಭಾರತ ಅತ್ಯಂತ ಸಂಯಮದಿಂದ ವರ್ತಿಸುತ್ತಿದ್ದು, ಭಾರತದ ಈ ನಡೆಯನ್ನು ಅಮೆರಿಕ ಗೌರವಿಸುತ್ತದೆ ಎಂದು ಡೇವಿಡ್ ಸ್ಟಿಲ್ವೆಲ್ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಭಾರತ-ಚೀನಾ ನಡುವೆ ಉದ್ಭವವಾಗಿರುವ ಗಡಿ ಸಮಸ್ಯೆಯನ್ನು ನಿವಾರಿಸಲು ತಾವು ಮಧ್ಯಸ್ಥಿಕೆವಹಿಸಲು ಸಿದ್ಧವಿರುವುದಾಗಿ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿರುವುದನ್ನು ಇಲ್ಲಿ ಸ್ಮರಿಸಬಹುದಾಗಿದೆ.
from India & World News in Kannada | VK Polls https://ift.tt/2ZIdVBd
