ಭೋಪಾಲ್ (ಉತ್ತರ ಪ್ರದೇಶ): ಕೊರೊನಾ ವೈರಸ್ ತಾಂಡವಾಡುವ ವೇಳೆ, ಕಟ್ಟುನಿಟ್ಟಿನ ಲಾಕ್ಡೌನ್ ನಡುವೆ, ಶಿಶುಗಳು ಜನಿಸಿದವು. ಆ ಶಿಶುಗಳಿಗೆ ಏನೆಂದು ಹೆಸರಿಡೋದು..? ಆಗ ತಂದೆ ತಾಯಿಗೆ ಒಂದು ಡಿಫ್ರೆಂಟ್ ಐಡಿಯಾ ಹೊಳೆಯಿತು. ಆ ಐಡಿಯಾ ಇದೀಗ ಭಾರೀ ದೊಡ್ಡ ಸುದ್ದಿಯಾಗಿದೆ..! ಹೌದು, ಕೊರೊನಾ ವೈರಸ್ ಅಬ್ಬರಿಸುತ್ತಿದ್ದ ಕಾಲದಲ್ಲಿ ಜನಿಸಿದ ತಮ್ಮ ಅವಳಿ ಮಕ್ಕಳಿಗೆ ಹಾಗೂ ಎಂದು ಹೆಸರಿಟ್ಟಿದ್ದಾರೆ..! ಇದಕ್ಕೆ ಸೂಕ್ತ ಕಾರಣವನ್ನೂ ಪೋಷಕರು ನೀಡಿದ್ದಾರೆ. ಕೊರೊನಾ ವೈರಸ್‌ನಿಂದ ದೂರ ಇರಲು ಆಗಾಗ ಸ್ಯಾನಿಟೈಸರ್ ಮೂಲಕ ಕೈ ತೊಳೆದುಕೊಳ್ಳಬೇಕಾದ್ದು ಅನಿವಾರ್ಯ. ಹಾಗೆಯೇ ದೂರದ ಊರುಗಳಿಂದ ಬಂದವರು 14 ದಿನಗಳ ಕಾಲ ತಮ್ಮನ್ನ ತಾವು ಕ್ವಾರಂಟೈನ್‌ಗೆ ಒಳಪಡಿಸಿಕೊಳ್ಳೋದೂ ಅನಿವಾರ್ಯ. ಇದೇ ಕಾರಣಕ್ಕಾಗಿ ತಮ್ಮ ಮಕ್ಕಳಿಗೆ ಸ್ಯಾನಿಟೈಸರ್ ಹಾಗೂ ಕ್ವಾರಂಟೈನ್ ಎಂದು ಹೆಸರಿಡಲಾಗಿದೆ ಎಂದು ಸಮರ್ಥಿಸಿಕೊಳ್ಳುತ್ತಾರೆ ಅವಳಿ ಮಕ್ಕಳ ತಂದೆ-ತಾಯಿ..! ಕ್ರೀಡೆಯಲ್ಲಿ ಸಚಿನ್, ವಿರಾಟ್, ವೀರೇಂದ್ರ ಸೆಹ್ವಾಗ್‌ ಅಬ್ಬರಿಸುವಾಗ ತಮ್ಮ ಮಕ್ಕಳಿಗೆ ಅದೇ ಹೆಸರನ್ನು ಇಟ್ಟು ಸಂಭ್ರಮಿಸುವ ಪೋಷಕರನ್ನು ನೋಡಿದ್ದೇವೆ. ಅದೇ ರೀತಿ ಈಗ ಕೊರೊನಾ ವೈರಸ್ ಅಬ್ಬರಿಸುತ್ತಿರುವಾಗ ವೈರಸ್ ಮಟ್ಟ ಹಾಕುವ ಮಾರ್ಗವನ್ನೇ ತಮ್ಮ ಮಕ್ಕಳ ಹೆಸರನ್ನಾಗಿ ಇಟ್ಟಿದ್ದಾರೆ ಪೋಷಕರು. ಹಾಗೆ ನೋಡಿದ್ರೆ, ಇತ್ತೀಚೆಗೆ ಕ್ವಾರಂಟೈನ್ ಹಾಗೂ ಸ್ಯಾನಿಟೈಸರ್ ಪದಗಳು ಅತ್ಯಂತ ಹೆಚ್ಚು ಬಳಕೆಯಲ್ಲಿವೆ. ಉತ್ತರ ಪ್ರದೇಶದಲ್ಲೇ ಈ ಹಿಂದೆ ಅವಳಿ ಮಕ್ಕಳಿಗೆ ಕೋವಿಡ್ ಹಾಗೂ ಕೊರೊನಾ ಎಂದು ಹೆಸರಿಡಲಾಗಿತ್ತು. ಸ್ಯಾನಿಟೈಸರ್ ಎಂಬ ಹೆಸರನ್ನೂ ಇಡಲಾಗಿತ್ತು. ಈ ಮೂಲಕ, ವೈರಸ್‌ನ ರೀತಿಯಲ್ಲೇ ಈ ಪದಗಳೂ ಕೂಡಾ ನಮ್ಮ ಸಮಾಜದ ಜನಮಾನಸದಲ್ಲಿ ಶಾಶ್ವತವಾಗಿ ಬೆರೆತುಹೋಗಲಿವೆ.
from India & World News in Kannada | VK Polls https://ift.tt/2ZDwDtS
