ಹೊಸದಿಲ್ಲಿ: ಕೊರೊನಾ ವೈರಸ್ ಲಾಕ್‌ಡೌನ್‌ನಿಂದ ನಿಶ್ಚಲಗೊಂಡಿರುವ ಆರ್ಥಿಕತೆಗೆ ಹೊಸ ಚೈತನ್ಯ ತುಂಬುವ ನಿಟ್ಟಿನಲ್ಲಿ ಕೇಂದ್ರ ಸರಕಾರ ಹೊಸತಾದ ಅಲ್‌ಲಾಕ್ ಮಾರ್ಗಸೂಚಿಯನ್ನು ಸೂಚಿಸಿದೆ. ಲಾಕ್‌ಡೌನ್ ನಿಯಮಗಳನ್ನು ಈಗಾಗಲೇ ಸಡಿಲಗೊಳಿಸಲಾಗಿದೆ. ಈ ಮಧ್ಯೆ ಸೋಮವಾರದಿಂದಲೇ 200ರಷ್ಟು ವಿಶೇಷ ರೈಲು ಸೇವೆಯನ್ನು ಆರಂಭಿಸಲಾಗುತ್ತದೆ ಎಂದು ರೈಲ್ವೆ ಇಲಾಖೆ ಸ್ಪಷ್ಟಪಡಿಸಿದೆ. ಜೂನ್ 1ರಂದೇ 200 ವಿಶೇಷ ಎಕ್ಸ್‌ಪ್ರೆಸ್ ಹಾಗೂ ಮೇಲ್ ರೈಲುಗಳು ಓಡಾಟ ನಡೆಸಲಿದ್ದು, 1.45 ಲಕ್ಷ ಜನರು ತಮ್ಮ ಊರಿಗೆ ಪ್ರಯಾಣಿಸಲಿದ್ದಾರೆ. ಭಾನುವಾರ ಮಾಹಿತಿ ನೀಡಿರುವ ರೈಲ್ವೆ, ಜೂನ್ 30ರ ವರೆಗೆ ವಿಶೇಷ ರೈಲಿನಲ್ಲಿ ತೆರಳಲು 26 ಲಕ್ಷ ಪ್ರಯಾಣಿಕರು ಮುಂಗಡ ಬುಕ್ಕಿಂಗ್ ಮಾಡಿದ್ದಾರೆ. ಈಗಾಗಲೇ ಓಡಾಡುತ್ತಿರುವ ಹಾಗೂ ರಾಜಧಾನಿ ರೈಲುಗಳ ಹೊರತಾದ ರೈಲು ಸೇವೆ ಇದಾಗಿದೆ. ಇನ್ನೊಂದೆಡೆ ವಲಸೆ ಕಾರ್ಮಿಕರಿಗೆ ಏರ್ಪಡಿಸಲಾಗಿದ್ದ ಶ್ರಮಿಕ ರೈಲುಗಳಿಗೆ ಬೇಡಿಕೆ ಕುಸಿಯುತ್ತಿದೆ. ಎರಡನೇ ಹಂತದಲ್ಲಿ ಬೇಡಿಕೆಗೆ ಅನುಗುಣವಾಗಿ ಮತ್ತಷ್ಟು ರೈಲುಗಳ ಓಡಾಟವನ್ನು ನಡೆಸಲಾಗುವುದು ಎಂದು ರೈಲ್ವೆ ಇಲಾಖೆ ತಿಳಿಸಿದೆ. ಬೇಡಿಕೆಗೆ ಅನುಸಾರವಾಗಿ ದುರಂತೊ, ಶತಾಬ್ದಿ ಹಾೂಗ ಗರಿಬ್ ರಥ್ ರೈಲುಗಳ ಓಡಾಟ ನಡೆಸಲಿದೆ. ಅಂದ ಹಾಗೆ ಜೂನ್ 30ರ ವರೆಗೆ ಕಂಟೈನ್‌ಮೆಂಟ್ ಝೋನ್‌ಗಳಲ್ಲಿ ಲಾಕ್‌ಡೌನ್ ಜಾರಿಯಲ್ಲಿರಲ್ಲಿರಲಿದೆ. ಉಳಿದಂತೆ ಜೂನ್ 8ರಿಂದ ಉಳಿದೆಲ್ಲ ಪ್ರದೇಶಗಳು ಸಹಜ ಸ್ಥಿತಿಗೆ ಮರಳಲಿದೆ. ಈ ಮಧ್ಯೆ ಮೂರು ಹಂತಗಳಲ್ಲಾಗಿ ಲಾಕ್‌ಡೌನ್ ತೆರವುಗೊಳಿಸಲು ಕಾರ್ಯತಂತ್ರ ರೂಪಿಸಲಾಗಿದೆ. ಅನ್‌ಲಾಕ್ 1 ಜೂನ್ 30ರ ವರೆಗೆ ಮುಂದುವರಿಯಲಿದ್ದು, ಅನೇಕ ಚಟುವಟಿಕೆಗಳಿಗೆ ಅನುಮತಿ ನೀಡಲಾಗುತ್ತದೆ.
from India & World News in Kannada | VK Polls https://ift.tt/2XRvOLm
