ಬಿಜಿಂಗ್: ವಿಶ್ವದ ಅತ್ಯಂತ ಎತ್ತರದ ಶಿಖರ ಮೌಂಟ್ ಎವರೆಸ್ಟ್‌ನ ಎತ್ತರವನ್ನು ಮರು ಅಳತೆ ಮಾಡಿರುವ ಚೀನಾದ ಪರ್ವತಾರೋಹಿಗಳ ತಂಡ, ಸೂಚಿಸಿದ್ದ ಎತ್ತರದ ಮಾನದಂಡವನ್ನು ಬದಲಾಯಿಸಿದೆ. ಟಿಬೆಟ್ ಮೂಲಕ ಮೌಂಟ್ ಎವರೆಸ್ಟ್ ಏರಿದ ಪರ್ವತಾರೋಹಿಗಳ ತಂಡ ಶಿಖರದ ನಿಖರ ಎತ್ತರ 8,844.43 ಮೀಟರ್ ಎಂದು ಸ್ಪಷ್ಟಪಡಿಸಿದೆ. ನೇಪಾಳ ಸೂಚಿಸಿದ್ದ ಮಾನದಂಡಕ್ಕಿಂತಲೂ ಮೌಂಟ್ ಎವರೆಸ್ಟ್ ನಾಲ್ಕು ಮೀಟರ್ ಕಡಿಮೆ ಎತ್ತರವನ್ನು ಹೊಂದಿದೆ ಎಂದು ಈ ತಂಡ ಪ್ರತಿಪಾದಿಸಿದೆ. ನೇಪಾಳದ ಲೆಕ್ಕಾಚಾರವನ್ನು ತಿರಸ್ಕರಿಸಿದ್ದ ಚೀನಾ, ಮೌಂಟ್ ಎವರೆಸ್ಟ್‌ನ ನೈಜ ಎತ್ತರವನ್ನು ಅಳೆಯಲೆಂದೇ ಕಳೆದ ಮೇ 1ರಂದು ಪರ್ವತಾರೋಹಿಗಳ ತಂಡವನ್ನು ಕಳುಹಿಸಿತ್ತು ಎಂದು ಹೇಳಲಾಗಿದೆ. ಟಿಬೆಟ್ ಮೂಲಕ ಮೌಂಟ್ ಎವರೆಸ್ಟ್ ಏರಿದ್ದ ಚೀನಾ ಪರ್ವತಾರೋಹಿಗಳ ತಂಡ, ಅತ್ಯಂತ ವೈಜ್ಞಾನಿಕವಾಗಿ ಶಿಖರದ ಎತ್ತರವನ್ನು ಅಳೆಯಲಾಗಿದೆ ಎಂದು ಹೇಳಿದೆ. ವಿಶ್ವದ ಅತ್ಯಂತ ಎತ್ತರದ ಶಿಖರವಾಗಿರುವ ಮೌಂಟ್ ಎವರಸ್ಟ್ ಎತ್ರ 8,848 ಮೀಟರ್ ಎಂದು ಹೇಳಲಾಗಿದೆ. ಆದರೆ ಚೀನಾದ ಪರ್ವತಾರೋಹಿಗಳ ತಂಡ ಶಿಖರದ ಎತ್ತರ 8,844.43 ಮೀಟರ್ ಎಂದು ವಾದಿಸಿದೆ. ಅಂದರೆ ನಾಲ್ಕು ಮೀಟರ್ ಎತ್ತರವನ್ನು ಕಡಿಮೆ ಮಾಡಲಾಗಿದೆ. ಆದರೆ ಚೀನಾದ ಈ ವಾದವನ್ನು ನೇಪಾಳವೂ ಸೇರಿದಂತೆ ವಿಶ್ವದ ಇತರ ರಾಷ್ಟ್ರಗಳು ಒಪ್ಪಿಕೊಳ್ಳಲಿದೆಯೇ ಎಂಬುದನ್ನು ಇದೀಗ ಕಾದು ನೋಡಬೇಕಿದೆ.
from India & World News in Kannada | VK Polls https://ift.tt/2X98UA4
