ಹಕ್ಕು ಕಾಂಗ್ರೆಸ್ ಹಿರಿಯ ಮುಖಂಡ ಶಶಿ ತರೂರ್ ಅವರು ವಿಡಿಯೋವೊಂದನ್ನು ರಿಟ್ವೀಟ್ ಮಾಡಿದ್ದು, ಇದರಲ್ಲಿ ಒಬ್ಬ ಬಡ ಮಹಿಳೆ ರಸ್ತೆಬದಿಯಲ್ಲಿ ಮಲಗಿದ್ದಾರೆ ಮತ್ತು ಇಬ್ಬರು ಮಕ್ಕಳು ಆಕೆಯನ್ನು ಎಚ್ಚರಗೊಳಿಸಲು ಪ್ರಯತ್ನಿಸುತ್ತಿದ್ದಾರೆ. ಮೂರ್ಛೆ ಹೋದಂತೆ ಕಾಣುವ ಮಹಿಳೆಗೆ ಮಕ್ಕಳು ನೀರು ಚುಮುಕಿಸುತ್ತಾರೆ. ಕಾಂಗ್ರೆಸ್ ನಾಯಕಿ ಅರ್ಚನಾ ದಾಲ್ಮಿಯಾ ಅವರು ಮಾಡಿದ್ದ ಈ ಟ್ವೀಟ್‌ ಅನ್ನು ತರೂರ್ ರಿಟ್ವೀಟ್ ಮಾಡಿದ್ದಾರೆ. ಬಿಜೆಪಿಯ ಅಧಿಕೃತ ಟ್ವಿಟ್ಟರ್ ಹ್ಯಾಂಡಲ್ ಅನ್ನು ಟ್ಯಾಗ್ ಮಾಡಿ, ದಾಲ್ಮಿಯಾ ಹಿಂದಿ ಭಾಷೆಯಲ್ಲಿ ಪಠ್ಯದೊಂದಿಗೆ ವಿಡಿಯೋವನ್ನು ಪೋಸ್ಟ್ ಮಾಡಿದ್ದರು. ಅವರು ಹಿಂದಿಯಲ್ಲಿ ಬರೆದದ್ದರ ಸಡಿಲವಾದ ಅನುವಾದವು "ಜೀವನವನ್ನು ಏನು ಇಷ್ಟು ಅಗ್ಗವಾಗಿಸುತ್ತದೆ. ಇದನ್ನು ನೋಡಲು ನಾನು ವಿಶ್ವದ ಪ್ರತಿಯೊಬ್ಬ ತಾಯಿಗೆ ಮನವಿ ಮಾಡುತ್ತೇನೆ. ಯಾವುದೇ ಚಿತ್ರಕ್ಕೆ ಸೇರಿಲ್ಲ. ವಲಸಿಗರು ಬೀದಿಗಳಲ್ಲಿ ಅಲೆದಾಡುತ್ತಿದ್ದಾರೆ. ಬಿಜೆಪಿಯವರು ಎಚ್ಚರಗೊಳ್ಳಲು ಸಾಧ್ಯವಿಲ್ಲವೇ ಎಂದು ಟ್ವೀಟ್‌ನಲ್ಲಿ ಪ್ರಶ್ನೆ ಮಾಡಿದ್ದಾರೆ. ದಾಲ್ಮಿಯಾ #MigrantCrisis, #SpeakUpIndia, #SPEAKFORTHEDEAD ನಂತಹ ಹಲವಾರು ಹ್ಯಾಶ್‌ಟ್ಯಾಗ್‌ಗಳನ್ನು ಬಳಸಿದ್ದು, ವಿಡಿಯೊದಲ್ಲಿರುವ ಮಹಿಳೆ ವಲಸೆ ಕಾರ್ಮಿಕರಾಗಿದ್ದು, ದೇಶದಲ್ಲಿ ಕೊರೊನಾವೈರಸ್ ಲಾಕ್‌ಡೌನ್ ಸಮಯದಲ್ಲಿ ಮೃತಪಟ್ಟಿದ್ದಾರೆ ಎಂಬ ಅರ್ಥ ಬರುವ ರೀತಿಯಲ್ಲಿ ಟ್ವೀಟ್‌ ಮಾಡಿದ್ದಾರೆ. ಸದ್ಯ ಡಿಲೀಟ್‌ ಮಾಡಲಾಗಿರುವ ಟ್ವೀಟ್‌ನ ಸ್ಕ್ರೀನ್‌ಶಾಟ್‌ ಇಲ್ಲಿದೆ.. ಸತ್ಯ ಈ ವಿಡಿಯೋ ಕನಿಷ್ಠ ಎರಡು ವರ್ಷ ಹಳೆಯದು. ಲಾಕ್‌ಡೌನ್ ಸಮಯದಲ್ಲಿ ಯಾವುದೇ ವಲಸೆ ಕಾರ್ಮಿಕರ ಸಾವಿಗೆ ಇದು ಸಂಬಂಧಪಟ್ಟಿಲ್ಲ. ಪರಿಶೀಲನೆ ಮತ್ತು ವಿಧಾನ ವಿಡಿಯೋವನ್ನು ಸೂಕ್ಷ್ಮವಾಗಿ ಗಮನಿಸಿದಾಗ, ಮಹಿಳೆಯ ತುಟಿಗಳು ಮತ್ತು ತಲೆ ಚಲನವಲನ ಕಾಣಿಸುತ್ತದೆ ಎಂದು ನಾವು ಕಂಡುಕೊಂಡಿದ್ದೇವೆ. ಹಸಿವು ಅಥವಾ ದೌರ್ಬಲ್ಯದಿಂದಾಗಿ ಆಕೆ ಮೂರ್ಛೆ ಹೋಗಿದ್ದಾರೆ ಅಥವಾ ತಲೆ ಸುತ್ತಿ ಬಿದ್ದಿದ್ದಾರೆ. ನಂತರ ಇನ್ವಿಡ್ ಗೂಗಲ್ ಕ್ರೋಮ್ ವಿಸ್ತರಣೆಯನ್ನು ಬಳಸಿಕೊಂಡು, ನಾವು ವಿಡಿಯೋವನ್ನು ಕೀಫ್ರೇಮ್‌ಗಳಾಗಿ ವಿಭಜಿಸಿ ಗೂಗಲ್ ಮತ್ತು ಯಾಂಡೆಕ್ಸ್ ಸರ್ಚ್ ಇಂಜಿನ್‌ಗಳ ಮೂಲಕ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದ್ದೇವೆ. ಈ ವೇಳೆ ಜುಲೈ 13, 2018 ರಂದು ಫೇಸ್‌ಬುಕ್ ಪುಟ ಮೇಜರ್ ಸಿಂಗ್ ಸಂಧು ಅವರು ಪೋಸ್ಟ್ ಮಾಡಿದ ವಿಡಿಯೋಗೆ ನಮ್ಮನ್ನು ಕರೆದೊಯ್ಯಿತು. ವಿಡಿಯೋದ ಸ್ಥಳ ಅಥವಾ ಮೊದಲು ಅಂತರ್ಜಾಲದಲ್ಲಿ ಈ ವಿಡಿಯೋ ಅಪ್ಲೋಡ್‌ ಆದ ಸಮಯವನ್ನು ಸ್ವತಂತ್ರವಾಗಿ ಕಂಡುಹಿಡಿಯಲು ನಮಗೆ ಸಾಧ್ಯವಾಗಲಿಲ್ಲ. ಆದರೆ ವಿಡಿಯೋವು ಕನಿಷ್ಟ ಎರಡು ವರ್ಷ ಹಳೆಯದು. ಆದ್ದರಿಂದ ಕೊರೊನಾ ವೈರಸ್‌ ಲಾಕ್‌ಡೌನ್‌ಗೂ ಈ ವಿಡಿಯೋಗೂ ಯಾವುದೇ ಸಂಬಂಧವಿಲ್ಲ ಎಂದು ನಾವು ಹೇಳಬಹುದು. ತೀರ್ಮಾನ ಬೀದಿಯಲ್ಲಿ ವಲಸಿಗರು ಸಾಯುತ್ತಿದ್ದಾರೆ ಎಂಬ ಸುಳ್ಳು ಹೇಳಿಕೆಯೊಂದಿಗೆ ಬಿಜೆಪಿಯನ್ನು ಗುರಿಯಾಗಿಸಲು ಕಾಂಗ್ರೆಸ್ ಮುಖಂಡರು 2018 ರ ವಿಡಿಯೋವನ್ನು ಹಂಚಿಕೊಳ್ಳುತ್ತಿದ್ದಾರೆ ಎಂದು ಟೈಮ್ಸ್ ಫ್ಯಾಕ್ಟ್ ಚೆಕ್ ಕಂಡುಕೊಂಡಿದೆ.
from India & World News in Kannada | VK Polls https://ift.tt/2TRaJQ3
