ಪಾಟ್ನಾ (): ಲಾಕ್‌ಡೌನ್‌ ಕಾರಣದಿಂದ ತನ್ನ ತಂದೆಯನ್ನು ಹಿಂದೆ ಕುರಿಸಿಕೊಂಡು 1,200 ಕಿಮೀ ಸೈಕಲ್‌ ಸವಾರಿ ಮಾಡಿ ಮನೆಗೆ ತೆರಳಿದ್ದ 15 ವರ್ಷದ ಬಾಲಕಿ ಜ್ಯೋತಿ ಕುಮಾರಿಗೆ ಈಗ ಆಫರ್‌ ಹುಡುಕಿಕೊಂಡು ಬಂದಿದೆ. ಹೌದು, ದೇಶದ ಪ್ರಸಿದ್ಧ ಐಐಟಿ-ಜೆಇಇ ತರಬೇತಿ ಕೇಂದ್ರ ಸೂಪರ್‌ 30ಯಲ್ಲಿ ಬಾಲಕಿಗೆ ಉಚಿತ ತರಬೇತಿ ನೀಡಲು ಸ್ಥಾಪಕ ಆನಂದ್‌ ಕುಮಾರ್‌ ಮುಂದೆ ಬಂದಿದ್ದಾರೆ. ಈ ಬಗ್ಗೆ ಟ್ವೀಟ್‌ ಮಾಡಿರುವ ಸೂಪರ್‌ 30 ಸ್ಥಾಪಕ ಆನಂದ್‌ ಕುಮಾರ್‌, ಬಿಹಾರದ ಮಗಳು ಮಾದರಿಯಾಗಿದ್ದಾರೆ. ಸುಮಾರು 1,200 ಕಿಮೀ ಅಂತರವನ್ನು ತನ್ನ ತಂದೆಯೊಂದಿಗೆ ಸೈಕಲ್‌ನಲ್ಲಿಯೇ ಕ್ರಮಿಸಿರುವುದು ಊಹಿಸಲು ಅಸಾಧ್ಯ. ಭವಿಷ್ಯದಲ್ಲಿ ಬಾಲಕಿ ಐಐಟಿ ಪರೀಕ್ಷೆ ಬರೆಯಲು ಮುಂದೆ ಬಂದರೆ ಸೂಪರ್‌ 30 ಅವರನ್ನು ಸ್ವಾಗತಿಸುತ್ತದೆ ಎಂದಿದ್ದಾರೆ. ಕೇವಲ ಬಾಲಕಿಯಷ್ಟೇ ಅಲ್ಲದೇ ಅವರ ಅಣ್ಣ ಪ್ರಣವ್‌ಗೂ ಕೂಡ ಆನಂದ್‌ ಕುಮಾರ್‌ ಸೂಪರ್‌ 30 ಆಫರ್‌ನ್ನು ನೀಡಿದ್ದಾರೆ. ಗುರಗಾಂವ್‌ನಲ್ಲಿ ಇ-ರಿಕ್ಷಾ ಓಡಿಸುತ್ತಿದ್ದ ತನ್ನ ತಂದೆಗೆ ಅಪಘಾತವಾದ ನಂತರ ಅವರನ್ನು ಭೇಟಿ ಮಾಡಲು ಜ್ಯೋತಿ ಮಾರ್ಚ್‌ನಲ್ಲಿ ಬಿಹಾರ್‌ನಿಂದ ಗುರಗಾಂವ್‌ಗೆ ತೆರಳಿದ್ದರು. ಆದರೆ, ಮಾರ್ಚ್‌ನಲ್ಲಿ ಹಠಾತ್‌ ಲಾಕ್‌ಡೌನ್‌ ಘೋಷಣೆಯಿಂದ ಸಾರ್ವಜನಿಕ ಸಂಚಾರ ಸ್ಥಗಿತಗೊಂಡಿತ್ತು. ಇದಾದ ನಂತರ ತನ್ನ ತಂದೆಯನ್ನು ಕೂರಿಸಿಕೊಂಡು ಸತತ 7 ದಿನ ಸೈಕಲ್‌ನಲ್ಲಿ ಸುಮಾರು 1,200 ಕಿಮೀ ಕ್ರಮಿಸಿ ಮನೆ ತಲುಪಿದ್ದಾರೆ. ಈ ಪ್ರಯಾಣದಲ್ಲಿ ಅವರಿಗೆ ಹಸಿವು ಕೂಡ ಕಾಡಿದ್ದು, ಇದ್ದ ಅಲ್ಪ ಸ್ವಲ್ಪ ಹಣದಲ್ಲಿಯೇ ಸೈಕಲ್‌ ಬಾಡಿಗೆ ಪಡೆದು ದೂರದ ಊರಿಗೆ ಬಂದಿದ್ದಾರೆ. ಕಳೆದ ವಾರ ಬಿಹಾರದ ಲೋಕ ಜನಶಕ್ತಿ ಪಕ್ಷ ಬಾಲಕಿಯ ಶಿಕ್ಷಣದ ಖರ್ಚು ಬರಿಸುವುದಾಗಿ ಹೇಳಿತ್ತು. ಇದರ ಬೆನ್ನಲ್ಲಿಯೇ ಜ್ಯೋತಿ ಮತ್ತು ಆಕೆಯ ಕುಟುಂಬಕ್ಕೆ ಉತ್ತರ ಪ್ರದೇಶ ಸಮಾಜವಾದಿ ಪಕ್ಷ 1 ಲಕ್ಷ ರೂ. ನೀಡುವುದಾಗಿ ಘೋಷಿಸಿತ್ತು. ಬಾಲಕಿಯ 1,200 ಕಿಮೀ ಸೈಕಲ್‌ ಸಾಹಸ ಗಮನಿಸಿದ ಸೈಕಲ್‌ ಫೆಡರೇಷನ್‌ ಆಫ್‌ ಇಂಡಿಯಾ ಆಕೆಯನ್ನು ಟ್ರಯಲ್‌ ನೀಡಲು ದೆಹಲಿಗೆ ಆಹ್ವಾನಿಸಿದೆ. ಅವರ ತಂದೆಯೂ ಕೂಡ ಅವಳ ಇಷ್ಟದಂಗೆ ಅವಳು ಭವಿಷ್ಯ ಕಟ್ಟಿಕೊಳ್ಳಲಿ. ಅವಳ ಬಗ್ಗೆ ನನಗೆ ಹೆಮ್ಮೆಯಿದೆ. ಆದರೆ, ಶಿಕ್ಷಣಕ್ಕೆ ಹೆಚ್ಚಿನ ಆದ್ಯತೆ ನೀಡಲಿ ಎಂದು ಹೇಳಿದ್ದರು.
from India & World News in Kannada | VK Polls https://ift.tt/3erM8ZW
