ನವದೆಹಲಿ: ಇದೇ ಮೇ. 31ಕ್ಕೆ ನಾಲ್ಕನೇ ಹಂತದ ಅವಧಿ ಮುಕ್ತಾಯವಾಗಲಿದೆ. ಕೊರೊನಾ ವೈರಸ್ ವಿರುದ್ಧದ ಹೋರಾಟದ ಭಾಗವಾಗಿ ಹೇರಲಾಗಿರುವ ಸರಣಿ ಲಾಕ್‌ಡೌನ್ ಭವಿಷ್ಯ ಏನಾಗಲಿದೆ ಎಂಬುದು ಮೇ 31ಕ್ಕೆ ಗೊತ್ತಾಗಲಿದೆ. ಈ ಮಧ್ಯೆ ನಾಲ್ಕು ಹಂತಗಳಲ್ಲಿ ಹೇರಲಾಗಿದ್ದ ಒಟ್ಟು 60 ದಿನಗಳ ಲಾಕ್‌ಡೌನ್ ಅವಧಿಯ ಧನಾತ್ಮಕ ಹಾಗೂ ಋಣಾತ್ಮಕ ಅಂಶಗಳನ್ನು ಪರಿಶೀಲನೆ ನಡೆಸುತ್ತಿದೆ. 60 ದಿನಗಳ ಸುದೀರ್ಘ ಲಾಕ್‌ಡೌನ್ ಅವಧಿ ಮತ್ತು ಈ ವೇಳೆ ದೇಶದಲ್ಲಿ ನಡೆದ ಘಟನಾವಳಿಗಳ ಕುರಿತಾದ ಹಿನ್ನೋಟವನ್ನು ಪ್ರಧಾನಿ ಕಚೇರಿ ಪರಿಶೀಲಿಸುತ್ತಿದೆ ಎನ್ನಲಾಗಿದೆ. ಇದೇ ವೇಳೆ 60 ದಿನಗಳ ಲಾಕ್‌ಡೌನ್ ಅವಧಿಯ ದತ್ತಾಂಶ ಸಂಗ್ರಹಣೆಗೆ ಕೇಂದ್ರ ಗೃಹ ಇಲಾಖೆ ಕೂಡ ಮುಂದಾಗಿದ್ದು, ಜೂನ್ 1 ರ ಬಳಿಕ ಯಾವ ನಿರ್ಧಾರ ಕೈಗೊಳ್ಳಬಹುದು ಎಂಬುದಕ್ಕೆ ಇದು ಅನುಕೂಲ ಕಲ್ಪಿಸಲಿದೆ ಎಂದು ಹೇಳಲಾಗಿದೆ. 60 ದಿನಗಳ ಲಾಕ್‌ಡೌನ್ ಅವಧಿಯಲ್ಲಿ ಮಾರಕ ಕೊರೊನಾ ವೈರಸ್ ಹಾವಳಿಯನ್ನು ನಿಯಂತ್ರಿಸುವಲ್ಲಿ ಭಾರೀ ಯಶಸ್ಸು ಕಂಡಿದ್ದು, ಜೂನ್ 1 ರ ಬಳಿಕ ಯಾವ ಕ್ರಮ ಅನುಸರಿಸಬೇಕು ಎಂಬುದರ ಕುರಿತು ಕೇಂದ್ರ ಸರ್ಕಾರ ಗಂಭೀರ ಚಿಂತನೆಯಲ್ಲಿ ತೊಡಗಿದೆ. 60 ದಿನಗಳ ಲಾಕ್‌ಡನ್‌ನ್ನು ಇಡೀ ಭಾರತ ಸಂಪೂರ್ಣವಗಿ ಬೆಂಬಲಿಸಿದ್ದು, ಆದರೂ ಕೆಲವು ನಕಾರಾತ್ಮಕ ಘಟನೆಗಳಿಂದಾಗಿ ಪ್ರತಿಪಕ್ಷಗಳು ಕೇಂದ್ರ ಸರ್ಕಾರವನ್ನು ಟೀಕಿಸುತ್ತಿವೆ. ಇವೆಲ್ಲಾ ಸಂಗತಿಗಳನ್ನು ಗಮನದಲ್ಲಿಟ್ಟುಕೊಂಡು ಲಾಕ್‌ಡೌನ್ ಹಿನ್ನೋಟವನ್ನು ಪರಿಶೀಲಿಸಿ ಜೂನ್ 1ರ ಬಳಿಕ ಏನು ಎಂಬುದರ ಕುರಿತು ಕೇಂದ್ರ ಸರ್ಕಾರ ಸೂಕ್ತ ನಿರ್ಧಾರ ಪ್ರಕಟಿಸಲಿದೆ ಎಂದು ನಿರೀಕ್ಷಿಸಲಾಗಿದೆ.
from India & World News in Kannada | VK Polls https://ift.tt/3c38YWk
