ವಾಷಿಂಗ್ಟನ್: ಮಹತ್ವದ ಬೆಳವಣಿಗೆಯೊಂದರಲ್ಲಿ ಇದೇ ಜೂನ್‌ನಲ್ಲಿ ನಡೆಯಬೇಕಿದ್ದ G7 ಶೃಂಗಸಭೆಯನ್ನು ಅಧ್ಯಕ್ಷ ಮುಂದೂಡಿದ್ದಾರೆ. ಅಮೆರಿಕವೂ ಸೇರಿದಂತೆ ವಿಶ್ವದಲ್ಲೆಡೆ ಕೊರೊನಾ ವೈರಸ್ ಹಾವಳಿ ಇನ್ನೂ ನಿಯಂತ್ರಣಕ್ಕೆ ಬಾರದಿರುವ ಹಿನ್ನೆಲೆಯಲ್ಲಿ, G7 ರಾಷ್ಟ್ರಗಳ ಶೇಂಗಸಭೆಯನ್ನು ಮುಂದೂಡುವುದೇ ಒಳಿತು ಎಂದು ಟ್ರಂಪ್ ಅಭಿಪ್ರಾಯಪಟ್ಟಿದ್ದಾರೆ. ಮುಂಬರುವ ಸೆಪ್ಟೆಂಬರ್‌ನಲ್ಲಿ ಆಥವಾ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯ ಬಳಿಕವೇ G7 ಶೃಂಗಸಭೆಯನ್ನು ನಡೆಸಲು ತೀರ್ಮಾನಿಸಲಾಗಿದೆ ಎಂದು ಟ್ರಂಪ್ ಮಾಹಿತಿ ನೀಡಿದ್ದಾರೆ. ಆದರೆ ಈ ಬಾರಿಯ G7 ಶೃಂಗಸಭೆಗೆ ಸದಸ್ಯರಲ್ಲದ ರಾಷ್ಟ್ರಗಳಾದ , ರಷ್ಯಾ, ಆಸ್ಟ್ರೆಲೀಯಾ ಹಾಗೂ ದಕ್ಷಿಣ ಕೊರಿಯಾ ರಾಷ್ಟ್ರಗಳನ್ನೂ ಆಹ್ವಾನಿಸಲಿರುವುದಾಗಿ ಹೇಳಿ ಟ್ರಂಪ್ ಅಚ್ಚರಿ ಮೂಡಿಸಿದ್ದಾರೆ. ಈ ಕುರಿತು ಮಾತನಾಡಿರುವ ಟ್ರಂಪ್, G7 ಸದ್ಯದ ಜಗತ್ತನ್ನು ಪ್ರತಿನಿಧಿಸುವುದಿಲ್ಲ ಎಂದು ಮಾರ್ಮಿಕವಾಗಿ ಹೇಳಿದ್ದಾರೆ. G7 ಸದಸ್ಯ ರಾಷ್ಟ್ರಗಳನ್ನೂ ಹೊರತುಪಡಿಸಿ ಉಳಿದ ರಾಷ್ಟ್ರಗಳನ್ನು ಈ ಪಟ್ಟಿಯಲ್ಲಿ ಸೇರಿಸಬೇಕು ಎಂದು ಟ್ರಂಪ್ ಇಂಗಿತ ವ್ಯಕ್ತಪಡಿಸಿರುವುದು ವಿಶೇಷ. G7 ರಾಷ್ಟ್ರಗಳ ಪಟ್ಟಿ:
- ಬ್ರಿಟನ್
- ಕೆನಡಾ
- ಫ್ರಾನ್ಸ್
- ಜರ್ಮನಿ
- ಇಟಲಿ
- ಜಪಾನ್
- ಅಮೆರಿಕ
from India & World News in Kannada | VK Polls https://ift.tt/2XJ9FyN
