ಹೊಸದಿಲ್ಲಿ: ಕೋವಿಡ್‌-19 ಬಿಕ್ಕಟ್ಟಿನಿಂದಾಗಿ ಭಾರತದ ವಿತ್ತೀಯ ಕೊರತೆ ಹಿಗ್ಗಲಿದೆ. ಸರಕಾರದ ಸಾಲಗಳು ಮತ್ತು ಖರ್ಚುಗಳು ಹೆಚ್ಚಲಿವೆ. ಮೂಲ ಸೌಕರ್ಯ ಮತ್ತು ಇತರೆ ವಲಯಗಳು ನೆಲಕಚ್ಚಲಿದ್ದು, ಹಣಕಾಸು ವಲಯ ತತ್ತರಿಸಲಿದೆ ಎನ್ನುವುದು ಮೂಡೀಸ್‌ ವರದಿಯ ಪ್ರಮುಖಾಂಶಗಳು. ಪ್ರಸಕ್ತ ಹಣಕಾಸು ವರ್ಷ 2020-21ರಲ್ಲಿ ಭಾರತದ ಶೇ. 2.5ಕ್ಕೆ ಕುಸಿಯಬಹುದು. ಇದು ಕಳೆದ 30 ವರ್ಷಗಳಲ್ಲಿಯೇ ಕನಿಷ್ಠ ಮಟ್ಟ ಎನ್ನುವುದು ಫಿಚ್‌ ರೇಟಿಂಗ್‌ ಏಜೆನ್ಸಿಯ ಅಂದಾಜು. ಕೋವಿಡ್‌-19 ಸ್ಫೋಟದಿಂದಾಗಿ ಭಾರತದ ಆರ್ಥಿಕತೆಗೆ ಪೆಟ್ಟು ಬಿದ್ದಿದೆ ಎಂದಿದ್ದ ಪ್ರಸಕ್ತ ಹಣಕಾಸು ವರ್ಷದಲ್ಲಿಭಾರತದ ಜಿಡಿಪಿ ಶೇ.4ಕ್ಕೆ ಇಳಿಯಲಿದೆ. ಕೋವಿಡ್‌ನ ತೀವ್ರ ನಕಾರಾತ್ಮಕ ಪ್ರಭಾವದಿಂದ ಭಾರತದ ಆರ್ಥಿಕತೆಯು ಮುಂದಿನ ದಿನಗಳಲ್ಲಿ ಹೊರಗುಳಿಯಲಿದೆ ಎಂದು ಎಡಿಬಿ ಹೇಳಿದೆ. ''2021ರ ಹಣಕಾಸು ವರ್ಷದಲ್ಲಿ ಭಾರತವು ತ್ವರಿತವಾಗಿ ಸುಧಾರಣೆ ಕಾಣಲಿದೆ,'' ಎಂದು ಎಡಿಬಿ ಹೇಳಿದೆ. ''ಪ್ರಸಕ್ತ ಸಾಲಿನಲ್ಲಿ ಜಿಡಿಪಿ ಕುಸಿದರೂ, 2021-22ರಲ್ಲಿಶೇ.5ಕ್ಕೆ ಬೆಳವಣಿಗೆ ದಾಖಲಿಸುವ ಸಂಭವ ಇದೆ,'' ಎನ್ನುವುದು ಆರ್‌ಬಿಐ ಮಾಜಿ ಗವರ್ನರ್‌ ಡಿ ಸುಬ್ಬರಾವ್‌ ಅಭಿಪ್ರಾಯ. ಪ್ರಸಕ್ತ ವರ್ಷದ ಜಿಡಿಪಿ ಹೇಗಿರಲಿದೆ?ಫಿಚ್‌ ರೇಟಿಂಗ್‌ ಏಜೆನ್ಸಿ: 2% ಏಷ್ಯನ್‌ ಡೆವಲಪ್‌ಮೆಂಟ್‌ ಬ್ಯಾಂಕ್‌: 4% ಎಸ್‌ಆ್ಯಂಡ್‌ಪಿ: ಶೇ.3.5 ಇಂಡಿಯಾ ರೇಟಿಂಗ್ಸ್‌ ಆ್ಯಂಡ್‌ ರೀಸರ್ಚ್: ಶೇ.3.6 ಮೂಡೀಸ್‌ ಇನ್ವೆಸ್ಟರ್ಸ್‌ ಸರ್ವೀಸ್‌: ಶೇ.2.5 ಜಿಡಿಪಿ ನಂಬರ್‌ ನಾವು ಊಹಿಸಿದ್ದಕ್ಕಿಂತಲೂ ಉತ್ತಮವಾಗಿ ಕಾಣುತ್ತವೆ. ಆದಾಗ್ಯೂ, ಜಿಡಿಪಿ ಡೇಟಾ ಸಂಗ್ರಹ ಸಂಪೂರ್ಣವಾಗಿ ಆಗಿಲ್ಲ. ಒಂದಿಷ್ಟು ಪರಿಷ್ಕರಣೆಯಾಗುವ ಅವಕಾಶಗಳಿವೆ. ಮುಂದಿನ ತ್ರೈಮಾಸಿಕವಂತೂ ಆರ್ಥಿಕ ಬೆಳವಣಿಗೆ ತೀವ್ರ ಕುಸಿಯುತ್ತದೆ. - ಡಿ.ಕೆ.ಜೋಶಿ, ಕ್ರಿಸಿಲ್‌ ವಿತ್ತ ತಜ್ಞ
from India & World News in Kannada | VK Polls https://ift.tt/2Xge3WZ
