ಹೊಸದಿಲ್ಲಿ: ವೆಸ್ಟ್‌ ಇಂಡೀಸ್‌ನ ದೈತ್ಯ ಬ್ಯಾಟ್ಸ್‌ಮನ್‌ ಬಗ್ಗೆ ನಿಮ್ಮೆಲ್ಲರಿಗೂ ಗೊತ್ತೇ ಇದೆ. ಅವರು ಒಮ್ಮೆ ಬ್ಯಾಟ್‌ ಬೀಸಲು ಮುಂದಾದರೆ, ಸಿಕ್ಸರ್‌ ಹಾಗೂ ಬೌಂಡರಿಗಳ ಮೂಲಕ ರಂಜಿಸುವ ಮೂಲಕ ಬೌಲರ್‌ಗಳ ಆತ್ಮ ಸ್ಥರ್ಯವನ್ನು ಕುಗ್ಗಿಸಿಬಿಡುತ್ತಾರೆ. ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ನಲ್ಲಿ ಯೂನಿವರ್ಸಲ್‌ ಬಾಸ್‌ ಅತಿ ಹೆಚ್ಚು ವೈಯಕ್ತಿಕ ಗರಿಷ್ಠ ಮೊತ್ತದ ದಾಖಲೆಯನ್ನು ಹೊಂದಿದ್ದಾರೆ. ಅವರು 2013ರಲ್ಲಿ ಪುಣೆ ವಾರಿಯರ್ಸ್‌ ವಿರುದ್ಧ 66 ಎಸೆತಗಳಲ್ಲಿ 175 ರನ್‌ ಚಚ್ಚಿದ್ದರು. ಈ ದಾಖಲೆಯನ್ನು ಇಂದಿಗೂ ಯಾರಿಂದಲೂ ಮುರಿಯಲು ಸಾಧ್ಯವಾಗಿಲ್ಲ. ಟೆಸ್ಟ್‌, ಏಕದಿನ ಹಾಗೂ ಟಿ20 ಯಾವುದೇ ಸ್ವರೂಪವಿರಲಿ ಒಮ್ಮೆ ಗೇಲ್ ಸಿಡಿದರೆ, ಎದುರಾಳಿ ತಂಡಗಳು ಕುಗ್ಗುವುದರಲ್ಲಿ ಸಂಶಯವಿಲ್ಲ. ಆದರೆ, ಯೂನಿವರ್ಸಲ್‌ ಬಾಸ್‌ ಕ್ರಿಸ್‌ ಗೇಲ್ ಅವರಿಗೆ ಬೌಲಿಂಗ್‌ ಮಾಡಲು ಎಂದೂ ಕಷ್ಟವಾಗಲಿಲ್ಲ ಎಂದು ಇತ್ತೀಚಿನ ಸಂದರ್ಶನವೊಂದರಲ್ಲಿ ಭಾರತೀಯ ಹಿರಿಯ ಆಫ್‌ ಸ್ಪಿನ್ನರ್‌ ಅವರು ಬಹಿರಂಗಪಡಿಸಿದ್ದಾರೆ. ವೆಸ್ಟ್‌ ಇಂಡೀಸ್‌ ಬ್ಯಾಟ್ಸ್‌ಮನ್‌ಗೆ ತಾವು ರೂಪಿಸುತ್ತಿದ್ದ ಬೌಲಿಂಗ್‌ ತಂತ್ರವನ್ನು 39ರ ಪ್ರಾಯದ ಸ್ಪಿನ್ನರ್‌ ರಿವೀಲ್‌ ಮಾಡಿದ್ದಾರೆ. ಇಎಸ್‌ಪಿಎನ್‌ ಕ್ರಿಕ್‌ಇನ್ಫೋದ ದಿ ಕ್ರಿಕೆಟ್ ಮಂಥ್ಲಿ ಕಾರ್ಯಕ್ರಮದಲ್ಲಿ ಐಪಿಎಲ್‌ ಸ್ಟಾರ್‌ ಬ್ಯಾಟ್ಸ್‌ಮನ್‌ಗಳಾದ ಡೇವಿಡ್‌ ವಾರ್ನರ್, ಕ್ರಿಸ್‌ ಗೇಲ್ ಹಾಗೂ ಸುರೇಶ್‌ ರೈನಾ ಅವರ ವಿರುದ್ಧ ಬೌಲಿಂಗ್‌ ತಂತ್ರವನ್ನು ಹರಭಜನ್‌ ಸಿಂಗ್‌ಗೆ ಕೇಳಲಾಯಿತು. ಇದಕ್ಕೆ ಪ್ರತಿಕ್ರಿಯಿಸಿದ ಭಜ್ಜಿ,"ಬ್ಯಾಕ್‌ ಫುಟ್‌ನಲ್ಲಿ ಡೇವಿಡ್‌ ವಾರ್ನರ್ ಅತ್ಯುತ್ತಮವಾಗಿದ್ದು, ಕಟ್‌, ಸ್ವೀಪ್‌ ಶಾಟ್‌ ಹಾಗೂ ಕವರ್‌ ಡ್ರೈವ್‌ಗಳಲ್ಲಿ ಬಲಿಷ್ಠವಾಗಿದ್ದಾರೆ. ಕ್ರಿಸ್‌ ಗೇಲ್‌ಗೆ ಹೋಲಿಕೆ ಮಾಡಿದರೆ, ಅವರನ್ನು ಔಟ್‌ ಮಾಡುವುದು ಕಷ್ಟ," ಎಂದು ಹೇಳಿದರು. "ಕ್ರಿಸ್‌ ಗೇಲ್‌ಗೆ ಯಾರಾದರೂ ಜೋರಾಗಿ ಚೆಂಡು ಹಾಕಿದರೆ, ಸುಲಭವಾಗಿ ಸಿಕ್ಸರ್‌ ಬಾರಿಸುತ್ತಾರೆ. ಒಂದು ವೇಳೆ ನಿಧಾನವಾಗಿ ಬೌಲಿಂಗ್‌ ಮಾಡಿದರೆ, ಕ್ರಿಸ್‌ನಿಂದ ಹೊರಬಂದು ಆಡಲು ಯತ್ನಿಸುತ್ತಾರೆ. ಮುಂದಕ್ಕೆ ಬಂದು ಆಡುವುದರಲ್ಲಿ ಗೇಲ್ ಅಷ್ಟೊಂದು ಪಕ್ವತೆ ಇಲ್ಲ. ಹಾಗಾಗಿ, ಅವರಿಗೆ ಬೌಲಿಂಗ್‌ ಮಾಡಲು ಕಷ್ಟವಾಗಿರಲಿಲ್ಲ," ಎಂದು ಹರಭಜನ್‌ ಸಿಂಗ್‌ ಬಹಿರಂಗ ಪಡಿಸಿದರು. "ಪವರ್‌ ಪ್ಲೇಗಳಲ್ಲಿ ಗೇಲ್‌ಗೆ ಸಾಕಷ್ಟು ಬೌಲಿಂಗ್‌ ಮಾಡಿದ್ದೇನೆ. ಆದರೆ, ಅವರು ಸ್ವೀಪ್‌ ಆಗಲಿ ಅಥವಾ ಮಿಡ್‌ ವಿಕೆಟ್‌ ಮೇಲಾಗಲಿ ಆಡುವುದಿಲ್ಲ," ಎಂದು ಭಜ್ಜಿ ಹೇಳಿದರು. "ಆದರೆ, ಡೇವಿಡ್‌ ವಾರ್ನರ್ ಕ್ರಿಸ್‌ ಗೇಲ್‌ಗೆ ವಿರುದ್ಧವಾದ ಆಟಗಾರ. ಅವರ ವಿರುದ್ಧ ಚೆಂಡಿನ ವೇಗದ ಬದಲಾವಣೆ ಮಾಡುವುದು ತುಂಬಾ ಕಷ್ಟ. ನಿಮ್ಮ ಬಾಡಿ ಲಾಂಗ್ವೇಜ್‌ ಹಾಗೂ ಕಣ್ಣಿನ ಸಂಪರ್ಕ ಅತ್ಯಂತ ತೀಕ್ಷ್ಣವಾಗಿರಬೇಕು. ಅವರಿಗೆ ನೀವು ಒತ್ತಡ, ಆತಂಕಕ್ಕೆ ಒಳಗಾಗಿರುವುದನ್ನು ಅವರಿಗೆ ತೋರಿಸಬಾರದು," ಎಂದು ಹರಭಜನ್‌ ಸಿಂಗ್‌ ಸನ್‌ ರೈಸರ್ಸ್‌ ಹೈದರಾಬಾದ್‌ ಆರಂಭಿಕ ಬ್ಯಾಟ್ಸ್‌ಮನ್‌ ವಾರ್ನರ್ ಅವರನ್ನು ಶ್ಲಾಘಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2XM8JJV
