ಹೊಸದಿಲ್ಲಿ: ಬೇಹುಗಾರಿಕೆ ನಡೆಸುತ್ತಿದ್ದ ಹೈಕಮಿಷನ್‌ನ ಇಬ್ಬರು ವೀಸಾ ಸಹಾಯಕ ಅಧಿಕಾರಿಗಳನ್ನು ದಿಲ್ಲಿ ಪೊಲೀಸ್‌ನ ವಿಶೇಷ ಪಡೆ ರೆಡ್ ಹ್ಯಾಂಡ್ ಆಗಿ ಸೆರೆ ಹಡಿದಿದೆ. ಬಂಧಿತರನ್ನು ಪಾಕ್ ಹೈಕಮಿಷನ್‌ನಲ್ಲಿ ವೀಸಾ ಸಹಾಯಕರಾಗಿ ಕೆಲಸ ಮಾಡುತ್ತಿರುವ ಐಎಸ್ಐ ಬೇಹುಗಾರರಾದ ಅಬಿದ್ ಹುಸೇನ್ ಹಾಗೂ ತಾಹಿರ್ ಖಾನ್ ಎಂದು ಗುರುತಿಸಲಾಗಿದೆ. ಇದೀಗ ಬಂಧಿತಸ್ಥರನ್ನು 'ಪರ್ಸನಾ ನಾನ್ ಗ್ರಾಟಾ' ಎಂದು ಘೋಷಿಸಿದ್ದು, 24 ತಾಸಿನೊಳಗೆ ದೇಶವನ್ನು ತೊರೆಯುವಂತೆ ಆದೇಶಿಸಿದೆ. ಪಾಕಿಸ್ತಾನ ಇಂಟರ್ ಸರ್ವೀಸಸ್ ಇಂಟೆಲಿಜೆನ್ಸ್ (ಐಎಸ್ಐ) ಬೇಹುಗಾರರಾದ ಇವರು ರಾಜತಾಂತ್ರಿಕರ ವೇಷದಲ್ಲಿ ಗೂಡಾಚಾರ ಕೆಲಸಗಳನ್ನು ನಡೆಸುತ್ತಿದ್ದರು. ದಿಲ್ಲಿ ಪೊಲೀಸರು ಇವರನ್ನು ರೆಡ್ ಹ್ಯಾಂಡ್ ಆಗಿ ಬಂಧಿಸಿದೆ. ಆರಂಭದಲ್ಲಿ ತಾವು ಭಾರತೀಯರು ಎಂದು ಹೇಳಿಕೊಂಡಿರುವ ಆರೋಪಿಗಳು, ನಕಲಿ ಆಧಾರ್ ಕಾರ್ಡ್‌ಗಳನ್ನು ತೋರಿಸಿದ್ದರು. ಬಳಿಕ ವಿಚಾರಣೆ ವೇಳೆ ಅಧಿಕಾರಿಗಳೆಂದು ಒಪ್ಪಿಕೊಂಡರು. ಪಾಕ್ ಹೈ ಕಮಿಷನ್ ಸದಸ್ಯರಾಗಿ ತಮ್ಮ ಸ್ಥಾನಮಾನಕ್ಕೆ ಹೊಂದಿಕೆಯಾಗದ ಚಟುವಟಿಕೆಗಳಲ್ಲಿ ಭಾಗವಹಿಸಿದ್ದರಿಂದ ಭಾರತವು 'ಪರ್ಸನಾ ನಾನ್ ಗ್ರಾಟಾ' ಎಂದು ಘೋಷಿಸಿದ್ದು, ದೇಶ ಬಿಟ್ಟು ತೆರಳುವಂತೆ ಆದೇಶಿಸಿದೆ. ಪಾಕಿಸ್ತಾನ ಹೈ ಕಮಿಷನ್ ಭಾರತ ವಿರೋಧಿ ಚಟುವಟಿಕೆಯಲ್ಲಿ ಪಾಲ್ಗೊಂಡಿರುವುದು ಇದರಿಂದ ಸ್ಪಷ್ಟವಾಗಿದೆ. ಇದರ ವಿರುದ್ದ ಭಾರತ ರಾಜತಾತ್ರಿಕವಾಗಿ ಪಾಕ್ ವಿರುದ್ಧ ತೀವ್ರ ಪ್ರತಿಭಟನೆ ಮಾಡುವ ಸಾಧ್ಯತೆಯಿದೆ.
from India & World News in Kannada | VK Polls https://ift.tt/2Mh5BR1
