ತಿರುಪತಿ: ಸರಣಿ ಹೇರಿಕೆಯ ಪರಿಣಾಮವಾಗಿ ನಿಲ್ಲಿಸಲಾಗಿದ್ದ ವಿಶ್ವ ಪ್ರಸಿದ್ಧ ತಿರುಪತಿ ಲಾಡು ಪ್ರಸಾದದ ವಿತರಣೆಯನ್ನು, ತಿರುಪತಿ ತಿರುಮಲ ದೇವಸ್ಥಾನಂ() ಟ್ರಸ್ಟ್ ಪುನರಾರಂಭಿಸಿದೆ. ರಾಜ್ಯದಾದ್ಯಂತ ಎಲ್ಲಾ ಜಿಲ್ಲಾ ಕೇಂದ್ರಗಳಲ್ಲಿ ಮತ್ತು ಟಿಟಿಡಿಗೆ ಸೇರಿದ ಕಲ್ಯಾಣ ಮಂಟಪಗಳಲ್ಲಿ ತಿರುಪತಿ ಲಾಡು ಪ್ರಸಾದವನ್ನು ವಿತರಣೆ ಮಾಡಲಾಗುತ್ತಿದೆ. ಈ ಕುರಿತು ಮಾಹಿತಿ ನೀಡಿರುವ ಟಿಟಿಡಿ ಅಧಿಕಾರಿಗಳು ಲಾಕ್‌ಡೌನ್ ಪರಿಣಾಮವಾಗಿ ನಿಲ್ಲಿಸಲಾಗಿದ್ದ ವಿತರಣೆಯನ್ನು ಮತ್ತೆ ಪುನರಾರಂಭಿಸಲಾಗಿದೆ ಎಂದು ಸ್ಪಷ್ಟಪಡಿಸಿದೆ. ಇನ್ನು ತಿರುಪತಿ ಲಾಡು ಪ್ರಸಾದ ವಿತರಣೆಯನ್ನು ರಾಜ್ಯದಾದ್ಯಂತ ಎಲ್ಲಾ ಜಿಲ್ಲಾ ಕೇಂದ್ರಗಳಲ್ಲಿ ಮತ್ತು ಟಿಟಿಡಿಗೆ ಸೇರಿದ ಕಲ್ಯಾಣ ಮಂಟಪಗಳಲ್ಲಿ ವಿತರಿಸಲಾಗುತ್ತಿದ್ದು, ತಿರುಪತಿ ತಿರುಮಲ ವೇಂಕಟೇಶ್ವರ ದೇವಸ್ಥಾನ ಮಾತ್ರ ಇನ್ನೂ ತೆರೆದಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ. ತಿರುಪತಿ ಲಾಡು ಪ್ರಸಾದ ವಿಶ್ವಾದಾದ್ಯಂತ ಖ್ಯಾತಿ ಹೊಂದಿದ್ದು, ತಿರುಪತಿ ವೆಂಕಟೇಶ್ವರನ ಅಸಂಖ್ಯಾತ ಭಕ್ತರ ಅತ್ಯಂತ ಇಷ್ಟದ ಪ್ರಸಾದ ಎಂದೇ ಹೆಸರು ಪಡೆದಿದೆ. ಇದೇ ವೇಳೆ ತಿರುಪತಿ ಲಾಡು ಪ್ರಸಾದವನ್ನು ಆನ್‌ಲೈನ್ ಮೂಲಕವೂ ವಿತರಣೆ ಮಾಡಲು ಟಿಟಿಡಿ ಮುಂದಾಗಿದ್ದು, ಆನ್‌ಲೈನ್ ಮೂಲ ಪ್ರಸಾದ ಆರ್ಡರ್ ಮಾಡುವವರು ತಮ್ಮ ಸಮೀಪದ ಟಿಟಿಡಿ ಕಲ್ಯಾಣ ಮಂಟಪಕ್ಕೆ ಭೇಟಿ ನೀಡಿ ಪ್ರಸಾದ ಪಡೆಯಬೇಕು ಎಂದು ಸ್ಪಷ್ಟಪಡಿಸಲಾಗಿದೆ.
from India & World News in Kannada | VK Polls https://ift.tt/3emfNDR
