ಹೊಸದಿಲ್ಲಿ: ಭಾರತ ಕ್ರಿಕೆಟ್ ತಂಡದ ಸ್ಫೋಟಕ ಆರಂಭಿಕ ಬ್ಯಾಟ್ಸ್‌ಮನ್‌ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌() ಟೂರ್ನಿಯಲ್ಲಿ ವೈಯಕ್ತಿಕ ಗರಿಷ್ಠ ಮೊತ್ತ ಗಳಿಸಿ ಇಂದಿಗೆ 6 ವರ್ಷಗಳು ಪೂರ್ಣಗೊಂಡಿವೆ. 2014ರಲ್ಲಿ ಇದೇ ದಿನದಂದು ಅಂದು ವಿರೇಂದ್ರ ಸೆಹ್ವಾಗ್‌ ಅವರು ಮುಂಬೈ ವಾಂಖೇಡೆ ಕ್ರೀಡಾಂಗಣದಲ್ಲಿ ಕಿಂಗ್ಸ್‌ ಇಲೆವೆನ್ ಪಂಜಾಬ್‌ ತಂಡದ ಪರ ಐಪಿಎಲ್‌ ಟೂರ್ನಿಯಲ್ಲಿ ಎದುರು ಕೇವಲ 58 ಎಸೆತಗಳಲ್ಲಿ 122 ರನ್‌ ಚಚ್ಚಿದ್ದರು. ಪ್ಲೇ ಆಫ್‌ ಹಂತದ ಎರೆಡನೇ ಕ್ವಾಲಿಫಯರ್‌ ಪಂದ್ಯ ಇದಾಗಿತ್ತು. ಈ ಪಂದ್ಯದಲ್ಲಿ ತಂಡ, ಸೆಹ್ವಾಗ್‌ ಶತಕದ ನೆರವಿನಿಂದ ನಿಗದಿತ 20 ಓವರ್‌ಗಳಲ್ಲಿ ಆರು ವಿಕೆಟ್‌ಗಳ ನಷ್ಟಕ್ಕೆ 226 ರನ್‌ ಗಳಿಸಿತ್ತು. ವಾಂಖೇಡೆ ಕ್ರೀಡಾಂಗಣದಲ್ಲಿ ಅಭಿಮಾನಿಗಳಿಗೆ ವೀರು ಭರ್ಜರಿ ರಸದೌತಣ ಉಣಬಡಿಸಿದ್ದರು. ಬಲಗೈ ಬ್ಯಾಟ್ಸ್‌ಮನ್‌ 210.34 ಸ್ಟ್ರೈಕ್‌ ರೇಟ್‌ನೊಂದಿಗೆ 12 ಬೌಂಡರಿಗಳು ಹಾಗೂ 6 ಸಿಕ್ಸರ್‌ಗಳನ್ನು ಬಾರಿಸಿದ್ದರು. ಸೆಹ್ವಾಗ್‌ ಅವರ ಐಪಿಎಲ್‌ ವೃತ್ತಿ ಜೀವನದ ಎರಡನೇ ಶತಕ ಇದಾಗಿತ್ತು. ಮೊದಲನೇ ಶತಕ 2011ರಲ್ಲಿ ಡೆಕ್ಕಾನ್‌ ಚಾಜರ್ಸ್‌ ವಿರುದ್ಧ ಗಳಿಸಿದ್ದರು. ಕಿಂಗ್ಸ್‌ ಇಲೆವೆನ್ ಪಂಜಾಬ್‌ ನಿಡಿದ್ದ 226 ರನ್‌ ಗುರಿ ಹಿಂಬಾಲಿಸಿದ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡ ಕೇವಲ 24 ರನ್‌ಗಳಿಂದ ಸೋಲು ಒಪ್ಪಿಕೊಂಡಿತ್ತು. ಚೆನ್ನೈ ತಂಡವನ್ನು 202/7 ರನ್‌ಗಳಿಗೆ ಪಂಜಾಬ್‌ ನಿಯಂತ್ರಿಸಿತ್ತು. ಅತ್ಯುತ್ತಮ ಬ್ಯಾಟಿಂಗ್‌ ಮಾಡಿದ್ದ ಸುರೇಶ್‌ ರೈನಾ ಕೇವಲ 25 ಎಸೆತಗಳಲ್ಲಿ 87 ರನ್‌ ಗಳಿಸಿ ಚೆನ್ನೈ ಸೂಪರ್‌ ಕಿಂಗ್ಸ್‌ ಗೆಲುವಿನ ಭರವಸೆ ಮೂಡಿಸಿದ್ದರು. ಆದರೆ, ಅವರನ್ನು ಕೊನೆಯವರೆಗೂ ಕ್ರೀಸ್‌ನಲ್ಲಿ ಉಳಿಯಲು ಪಂಜಾಬ್‌ ಅವಕಾಶ ಕಲ್ಪಿಸಲಿಲ್ಲ. 24 ರನ್‌ಗಳಿಂದ ಗೆಲುವು ಸಾಧಿಸಿದ ಕಿಂಗ್ಸ್‌ ಇಲೆವೆನ್ ಪಂಜಾಬ್‌ ತಂಡ ಮೊಟ್ಟ ಮೊದಲ ಬಾರಿ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಫೈನಲ್‌ಗೆ ಲಗ್ಗೆ ಇಟ್ಟಿತ್ತು. ಆದರೆ, ಫೈನಲ್‌ ಹಣಾಹಣಿಯಲ್ಲಿ ಕೋಲ್ಕತ್ತಾ ನೈಟ್‌ ರೈಡರ್ಸ್‌ ಎದುರು ಸೋಲುವ ಮೂಲಕ ರನ್ನರ್‌ ಅಪ್‌ಗೆ ತೃಪ್ತಿಪಟ್ಟಿತ್ತು. ವಿರೇಂದ್ರ ಸೆಹ್ವಾಗ್‌ ಐಪಿಎಲ್‌ ವೃತ್ತಿ ಜೀವನದಲ್ಲಿ ಒಟ್ಟು 104 ಪಂದ್ಯಗಳಿಂದ 27.66 ಸರಾಸರಿಯಲ್ಲಿ 2,728 ರನ್‌ ಗಳಿಸಿದ್ದಾರೆ. 2015ರ ಆವೃತ್ತಿಯಲ್ಲಿ ಕಣಕ್ಕೆ ಇಳಿದಿದ್ದರು. ಈ ಆವೃತ್ತಿಯಲ್ಲಿ ಅವರು 8 ಪಂದ್ಯಗಳಿಂದ ಕೇವಲ 99 ರನ್‌ ಮಾತ್ರ ಗಳಿಸಿದ್ದರು. ಇದೇ ಆವೃತ್ತಿ ಸೆಹ್ವಾಗ್‌ ಅವರ ಐಪಿಎಲ್‌ ವೃತ್ತಿ ಜೀವನ ಕೊನೆಯದಾಗಿತ್ತು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2TViIvo
