ಬಿಜಿಂಗ್: ಹಾಗೂ ಚೀನಾ ನಡುವಿನ ಗಡಿ ತಕರಾರಿನ ಪರಿಹಾರಕ್ಕಾಗಿ ತಾವು ಮಧ್ಯಸ್ಥಿಕೆವಹಿಸಲು ಸಿದ್ಧ ಎಂಬ ಅಮೆರಿಕ ಅಧ್ಯಕ್ಷ ಪ್ರಸ್ತಾವನೆಯನ್ನು ತಿರಸ್ಕರಿಸಿದೆ. ಈ ಕುರಿತು ಚೀನಾ ಸರ್ಕಾರಿ ಸ್ವಾಮ್ಯದ ಮಾಧ್ಯಮದಲ್ಲಿ ಪ್ರಸ್ತಾಪಿಸಲಾಗಿದ್ದು, ಗಡಿ ಸಮಸ್ಯೆಗೆ ಪರಿಹಾರ ಕಂಡುಹಿಡಿಯುವಲ್ಲಿ ಭಾರತ ಹಾಗೂ ಚೀನಾ ಸಶಕ್ತವಾಗಿವೆ ಎಂದು ಅಭಿಪ್ರಾಯಪಟ್ಟಿದೆ. ಈ ಹಿಂದೆಯೂ ಹಲವು ಬಾರಿ ಭಾರತ-ಚೀನಾ ನಡುವೆ ಗಡಿ ಸಮಸ್ಯೆ ಉದ್ಭವಿಸಿದೆ. ಆಗೆಲ್ಲಾ ಭಾರತ ಮತ್ತು ಚೀನಾದ ಉನ್ನತ ನಾಯಕತ್ವ ಸಮಸ್ಯೆಯನ್ನು ಸಮರ್ಥವಾಗಿ ಬಗೆಹರಿಸಿವೆ ಎಂದು ಚೀನಾದ ಅಧಿಕೃತ ಮಧ್ಯಮ ಅಭಿಪ್ರಾಯಪಟ್ಟಿದೆ. 2017ರಲ್ಲಿ ಉದ್ಭವವಾಗಿದ್ದ ಡೋಕ್ಲಾಮ್ ಗಡಿ ಸಮಸ್ಯೆಯನ್ನು ಭಾರತ-ಚೀನಾ ಶಾಂತಿಯುತವಗಿ ಬಗೆಹರಿಸುವಲ್ಲಿ ಯಶಸ್ವಿಯಾಗಿದ್ದವು. ಅದರಂತೆ ಈ ಬಾರಿಯೂ ಗಡಿ ಸಮಸ್ಯೆಯನ್ನು ಉಭಯ ರಾಷ್ಟ್ರಗಳು ಸಮರ್ಥವಾಗಿ ನಿಭಾಯಿಸಲಿವೆ ಎಂದು ಹೇಳಲಾಗಿದೆ. ಇನ್ನು ಡೊನಾಲ್ಡ್ ಟ್ರಂಪ್ ಅವರ ಪ್ರಸ್ತಾವನೆ ಕುರಿತು ಚೀನಾದ ವಿದೇಶಾಂಗ ಸಚಿವಾಲಯ ಯಾವುದೇ ಅಧಿಕೃತ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಭಾರತ ಮಾತ್ರ ಚೀನಾದೊಂದಿಗಿನ ಗಡಿ ಸಮಸ್ಯೆ ಕುರಿತು ಡೊನಾಲ್ಡ್ ಟ್ರಂಪ್ ಅವರೊಂದಿಗಾಗಲಿ ಅಮೆರಿಕದ ಸರ್ಕಾರದೊಂದಿಗಾಗಲಿ ಯಾವುದೇ ಚರ್ಚೆ ನಡೆಸಿಲ್ಲ ಎಂದು ಸ್ಪಷ್ಟಪಡಿಸಿದೆ. ಒಟ್ಟಿನಲ್ಲಿ ಗಡಿ ಸಮಸ್ಯೆ ಕುರಿತು ಡೊನಾಲ್ಡ್ ಟ್ರಂಪ್ ಹೇಳಿಕೆ ಹಾಗೂ ಇದಕ್ಕೆ ಚೀನಾ ಹಾಗೂ ಭಾರತದ ಪ್ರತಿಕ್ರಿಯೆ ಕುತೂಹಲ ಮೂಡಿಸಿದ್ದು, ಲಡಾಕ್ ಗಡಿ ತಕರಾರು ದ್ವಿಪಕ್ಷೀಯ ರಾಜತಾಂತ್ರಿಕ ಮಾತುಗಳ ಪರಿಣಾಮವಾಗಿ ಶಾಂತಿಯುತವಾಗಿ ಬಗೆಹರಿಯುವ ಸಾಧ್ಯತೆ ದಟ್ಟವಾಗಿದೆ.
from India & World News in Kannada | VK Polls https://ift.tt/2Xbnvea
