ಜಕಾರ್ತ: ಅನ್ನು ಘಾಟಿ ಹೆಂಡತಿಯರಿಗೆ ಹೋಲಿಕೆ ಮಾಡಿರುವ ಇಂಡೊನೇಷ್ಯಾದ ರಕ್ಷಣಾ ಸಚಿವರ ವಿರುದ್ಧ ಟೀಕಾ ಪ್ರವಾಹವೇ ಹರಿದುಬಂದಿದೆ. ಸಚಿವ ಮೊಹಮ್ಮದ್‌ ಮಹಫೂದ್‌ ಎಂ.ಡಿ ಅವರು ಇತ್ತೀಚೆಗೆ ಸ್ಥಳೀಯ ವಿಶ್ವವಿದ್ಯಾಲಯ ಆಯೋಜಿಸಿದ್ದ ವಿಡಿಯೋ ಕಾನ್ಫರೆನ್ಸ್‌ನಲ್ಲಿ ಕೊರೊನಾ ವೈರಸ್‌ ಕುರಿತಂತೆ ಜೋಕ್‌ ಹೇಳಿದ್ದೇ ಇದಕ್ಕೆಲ್ಲ ಕಾರಣವಾಗಿದೆ. ಜಕಾರ್ತದ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಭಾಷಣ ಮಾಡುತ್ತಿದ್ದ ಅವರು ಆ ವೇಳೆ ಸಾಮಾಜಿಕ ತಾಣದಲ್ಲಿ ಹರಿದಾಡುತ್ತಿದ್ದ ಮೀಮ್‌ವೊಂದನ್ನು ಪ್ರಸ್ತಾಪಿಸಿದ್ದರು. ವಿಡಿಯೋ ಕಾನ್ಫರೆನ್ಸ್‌ನಲ್ಲಿ ಮಾತನಾಡುವ ವೇಳೆ ಕೊರೊನಾ ವೈರಸ್‌ ಕುರಿತಂತೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು. ನನ್ನ ಸಹೋದ್ಯೋಗಿವೊಬ್ಬರು ಮೀಮ್‌ವೊಂದನ್ನು ಇತ್ತೀಚೆಗೆ ಕಳುಹಿಸಿದ್ದರು. "ಕೊರೊನಾ ಒಂದು ರೀತಿ ಘಾಟಿ ಹೆಂಡತಿ ಇದ್ದಂತೆ. ಮೊದಲಿಗೆ ನಿಯಂತ್ರಿಸಲು ಪ್ರಯತ್ನ ಪಡುತ್ತೇವೆ. ಆದರೆ ಅದು ನಿಯಂತ್ರಣಕ್ಕೆ ಬರುವುದಿಲ್ಲ ಎಂದು ತಿಳಿದಾಗ ಅದ ಜೊತೆಯೇ ಬದುಕಲು ಆರಂಭಿಸುತ್ತೇವೆ" ಅದೇ ರೀತಿ ಕೊರೊನಾ ವೈರಸ್‌ ಜೊತೆಗೂ ಬದುಕಬೇಕು ಎಂಬುದು ಮೀಮ್‌ನಲ್ಲಿತ್ತು' ಎಂದು ಹೇಳಿದ್ದರು. ಸಚಿವ ಮೊಹಮ್ಮದ್‌ ಮಹಫೂದ್‌ ಎಂ.ಡಿ ಹೀಗೆ ಹೋಲಿಕೆ ಮಾಡುತ್ತಲೇ ಅವರು ಮಹಿಳೆಯರು ಸೇರಿದಂತೆ ಸಾಮಾಜಿಕ ಮಾಧ್ಯಮಗಳಲ್ಲಿ ಸಕ್ರಿಯರಾಗಿರುವವರ ಟೀಕೆಗೆ ಗುರಿಯಾಗಿದ್ದಾರೆ. 'ಇದು ಕೀಳು ಅಭಿರುಚಿಯ ಹೇಳಿಕೆ. ಅಧಿಕಾರದಲ್ಲಿರುವವರ ಮಹಿಳಾ ವಿರೋಧಿ ಮನಸ್ಥಿತಿಯನ್ನೂ ಈ ಹೇಳಿಕೆ ತೋರಿಸುತ್ತದೆ' ಎಂದು ವುಮೆನ್ಸ್‌ ಸಾಲಿಡಾರಿಟಿ ಗ್ರೂಪ್‌ನ ಮುಖ್ಯಸ್ಥೆ ದಿಂಡಾ ನಿಸಾ ಯುರಾ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
from India & World News in Kannada | VK Polls https://ift.tt/2TPhjGD
