ಹೊಸದಿಲ್ಲಿ: ಮಾಜಿ ಅಧ್ಯಕ್ಷೆ ಮತ್ತು ಇತರರಿಗೆ ಸೇರಿದ 78 ಕೋಟಿ ರೂ. ಮೌಲ್ಯದ ಆಸ್ತಿಗಳನ್ನು ಜಾರಿ ನಿರ್ದೇಶನಾಲಯ(ಇ.ಡಿ) ಹಾಕಿಕೊಂಡಿದೆ. ಇದರಲ್ಲಿ ಕೊಚ್ಚಾರ್ಗೆ ಸೇರಿದ ಮುಂಬಯಿ ನಿವಾಸವೂ ಇದೆ. ಅಕ್ರಮ ಕಾಳಧನ ಪ್ರಕರಣದನ್ವಯ ಕೊಚ್ಚಾರ್ ವಿರುದ್ಧ ತನಿಖೆ ನಡೆಯುತ್ತಿದ್ದು, ಇದೇ ಕಾಯ್ದೆ ಪ್ರಕಾರ ಕೊಚ್ಚಾರ್ರ ಮುಂಬಯಿ ನಿವಾಸ ಮತ್ತು ಅವರಿಗೆ ಸಂಬಂಧಿಸಿದ ಕಂಪನಿಗಳಿಗೆ ಸೇರಿದ ಆಸ್ತಿಗಳನ್ನು ಇ.ಡಿ. ಜಪ್ತಿ ಮಾಡಿದೆ. ಕೊಚ್ಚಾರ್, ಅವರ ಪತಿ ದೀಪಕ್ ಕೊಚ್ಚಾರ್ ಮತ್ತು ಇತರರ ವಿರುದ್ಧದ ಅಕ್ರಮ ಹಣ ವರ್ಗಾವಣೆ ಪ್ರಕರಣವನ್ನು ಇ.ಡಿ. ತನಿಖೆ ಮಾಡುತ್ತಿದೆ. ಇತ್ತೀಚೆಗೆ ಸಿಬಿಐ ಸಹ ದೂರು ದಾಖಲಿಸಿಕೊಂಡಿದೆ. ವಿಡಿಯೊಕಾನ್ ಗ್ರೂಪ್ಗೆ ಕೊಚ್ಚಾರ್ ಅವಧಿಯಲ್ಲಿಐಸಿಐಸಿಐ ನೀಡಿರುವ ಸಾಲದಲ್ಲಿ ಅಕ್ರಮಗಳು ನಡೆದಿವೆ ಎನ್ನಲಾಗಿದೆ. ತಮ್ಮನ್ನು ಕಾನೂನುಬಾಹಿರವಾಗಿ ಹುದ್ದೆಯಿಂದ ವಜಾ ಮಾಡಲಾಗಿದೆ ಎಂದು ಚಂದಾ ಕೊಚ್ಚಾರ್ ಅವರು ಕಳೆದ ನವೆಂಬರ್ನಲ್ಲಿಐಸಿಐಸಿಐ ಬ್ಯಾಂಕ್ ವಿರುದ್ಧ ಬಾಂಬೆ ಹೈಕೋರ್ಟ್ ಮೆಟ್ಟಿಲೇರಿದ್ದರು. ಏನಿದು ಪ್ರಕರಣ? 2012ರಲ್ಲಿ3,250 ಕೋಟಿ ರೂ. ಹಣವನ್ನು ವಿಡಿಯೊಕಾನ್ ಗ್ರೂಪ್ಗೆ ಐಸಿಐಸಿಐ ಬ್ಯಾಂಕ್ ಸಾಲ ನೀಡಿದ್ದು, ಈ ವ್ಯವಹಾರದಲ್ಲಿಅಕ್ರಮಗಳಾಗಿವೆ ಎಂದು ಇ.ಡಿ ದೂರಿದೆ. ಸಾಲ ಪಡೆದ ಕೆಲವು ತಿಂಗಳ ಬಳಿಕ ವಿಡಿಯೊಕಾನ್ ಕಂಪನಿಯು ಚಂದಾ ಕೊಚ್ಚಾರ್ ಮತ್ತು ಅವರ ಪತಿ ದೀಪಕ್ ಕೊಚ್ಚಾರ್ ನೇತೃತ್ವದ ನುಪವರ್ ಕಂಪನಿಯಲ್ಲಿಹೂಡಿಕೆ ಮಾಡಿದೆ. ವಿಡಿಯೊಕಾನ್ಗೆ ಹೆಚ್ಚಿನ ಸಾಲವನ್ನು ಐಸಿಐಸಿಐ ನೀಡಲು ಕೊಚ್ಚಾರ್ ಪತಿಯ ಹಿತಾಸಕ್ತಿಯೇ ಕಾರಣ ಎನ್ನಲಾಗಿದೆ. ವಿಡಿಯೊಕಾನ್ ಎಂಡಿ ವೇಣುಗೋಪಾಲ್ ಧೂತ್ ವಿರುದ್ಧವೂ ಪ್ರಕರಣ ದಾಖಲಾಗಿದೆ. ಟ್ರೈನಿಯಾಗಿ ಪ್ರವೇಶ 1984ರಲ್ಲಿ ಟ್ರೈನಿ ಆಗಿ ಐಸಿಐಸಿಐ ಬ್ಯಾಂಕ್ ಪ್ರವೇಶಿಸಿದ್ದ ಚಂದಾ ಕೊಚ್ಚಾರ್ ಹಂತಹಂತವಾಗಿ ವೃತ್ತಿಯಲ್ಲಿ ಬೆಳೆದವರು. ಒಂದೊಂದೇ ಮೆಟ್ಟಲು ಸವೆಸಿದವರು. 2007ರಲ್ಲಿ ಬ್ಯಾಂಕ್ನ ಸಿಎಫ್ಒ, ಬಳಿಕ ಸಿಇಒ ಆಗಿ ಕೆಲಸ ಮಾಡಿದವರು. ಫೋರ್ಬ್ಸ್ ವಿಶ್ವದ ಅತ್ಯಂತ ಪ್ರಭಾವಿ 20 ಮಹಿಳೆಯರ ಪಟ್ಟಿಯಲ್ಲಿ ಚಂದಾ ಹೆಸರೂ ಹಿಂದೆ ದಾಖಲಾಗಿತ್ತು.
from India & World News in Kannada | VK Polls https://ift.tt/2QLOb2h
