ಸಿಡ್ನಿ: ಆಟಗಾರರು ಸದಾ ಒಂದಲ್ಲೊಂದು ವಿವಾದದಲ್ಲಿ ಸಿಕ್ಕಿ ಹಾಕಿಕೊಳ್ಳುತ್ತಾರೆ. ಇದೀಗ ಬಂದಿರುವ ಮಾಹಿತಿಯಂತೆ ಪಾಕಿಸ್ತಾನದ ಬಲಗೈ ವೇಗದ ಬೌಲರ್ , ತಮ್ಮ ವಿಕೃತ ಸಂಭ್ರಮಾಚರಣೆಗಾಗಿ ಭಾರಿ ಟೀಕೆಗೆ ಒಳಗಾಗಿದ್ದಾರೆ. ಆಸ್ಟ್ರೇಲಿಯಾದ ಜನಪ್ರಿಯ (ಬಿಬಿಎಲ್) ಟ್ವೆಂಟಿ-20 ಟೂರ್ನಿಯಲ್ಲಿ ಮೆಲ್ಬೋರ್ನ್ ಸ್ಟಾರ್ಸ್ ತಂಡವನ್ನು ಪ್ರತಿನಿಧಿಸುತ್ತಿರುವ ಪಾಕಿಸ್ತಾನ ವೇಗಿ ಹ್ಯಾರಿಸ್ ರೌಫ್, ವಿಕೆಟ್ ಪಡೆದಾಗ ಕುತ್ತಿಗೆ ಕೊಯ್ದು ಕೊಲೆ ಮಾಡುವ ರೀತಿಯಲ್ಲಿ ಸನ್ನೆ ಮಾಡಿರುವುದು ವಿವಾದಕ್ಕೆ ಕಾರಣವಾಗಿದೆ. ಗುರುವಾರ ಸಿಡ್ನಿ ಥಂಡರ್ ವಿರುದ್ಧ ನಡೆದ ಪಂದ್ಯದಲ್ಲಿ ಘಟನೆ ನಡೆದಿದೆ. ಪಂದ್ಯದಲ್ಲಿ ಮೂರು ವಿಕೆಟ್ ಪಡೆದ ಹ್ಯಾರಿಸ್ ರೌಫ್ ಗಮನ ಸೆಳೆದಿದ್ದರು. ಆದರೂ ಪ್ರತಿ ವಿಕೆಟ್ ಪಡೆದಾಗಲೂ ಆಕ್ರೋಶ ಭರಿತವಾಗಿ ಕುತ್ತಿಗೆ ಕೊಯ್ದು ಮರ್ಡರ್ ಮಾಡುವ ರೀತಿಯಲ್ಲಿ ಸನ್ನೆ ಮಾಡಿ ಮಾಡಿದ್ದರು. ಪ್ರಸ್ತುತ ವಿಡಿಯೋವನ್ನು ಬಿಬಿಎಲ್ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಹಂಚಿದೆ. ಆದರೆ ಹ್ಯಾರಿಸ್ ರೌಫ್ ಸಂಭ್ರಮಾಚರಣೆಯ ವಿರುದ್ಧ ಟೀಕೆಗಳು ವ್ಯಕ್ತವಾಗಿದೆ. ಆಸ್ಟ್ರೇಲಿಯಾದ ಮಾಜಿ ರಗ್ಬಿ ಆಟಗಾರ ಡ್ಯಾರಲ್ ಬ್ರಾಹ್ಮನ್, ತಮ್ಮ ಅಸಮಾಧಾನವನ್ನು ಹೊರ ಹಾಕಿದ್ದಾರೆ. ಮೈದಾನದಲ್ಲಿ ನಿಖರ ಬೌಲಿಂಗ್ ಸಂಘಟಿಸುತ್ತಿರುವ ಯುವ ವೇಗಿ ಆಡಿರುವ ಮೂರು ಪಂದ್ಯಗಳಲ್ಲೇ 10 ವಿಕೆಟ್ಗಳನ್ನು ಪಡೆಯುವ ಮೂಲಕ ಗಮನ ಸೆಳೆದಿದ್ದಾರೆ. ಆದರೆ ವಿಕೆಟ್ ಪಡೆದಾಗ ತೋರಿರುವ ವರ್ತನೆಯು ಆತಂಕಕ್ಕೆ ಎಡೆ ಮಾಡಿದೆ. ಯುವ ವೇಗಿಗೆ ಇದರ ಬಗ್ಗೆ ಎಚ್ಚರಿಸುವ ಅಗತ್ಯವಿದೆ ಎಂದು ಅಭಿಮಾನಿಗಳು ಎಚ್ಚರಿಸಿದ್ದಾರೆ. ಈ ಮಧ್ಯೆ ಸಿಡ್ನಿ ಥಂಡರ್ ವಿರುದ್ಧ ಗೆಲುವು ಬಾರಿಸಿರುವ ಮೆಲ್ಬೋರ್ನ್ ಸ್ಟಾರ್ಸ್, ಬಿಬಿಎಲ್ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ಈ ಮೊದಲು ಬಿಬಿಎಲ್ ಪ್ರಾರಂಭದಲ್ಲಿ ಭಾರತೀಯ ಮೂಲದ ಭದ್ರತಾ ಸಿಬ್ಬಿಂದಿಗೆ ಮ್ಯಾಚ್ ಬಾಲ್ ಉಡುಗೊರೆಯಾಗಿ ನೀಡುವ ಮೂಲಕ ಹ್ಯಾರಿಸ್ ರೌಫ್ ಗಮನ ಸೆಳೆದಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2SYyKoX
