ಹೊಸದಿಲ್ಲಿ: ಆಸ್ಟ್ರೇಲಿಯಾದಲ್ಲಿ ಉಂಟಾಗಿರುವ ಕಾಳ್ಗಿಚ್ಚಿಗೆ (ಬುಶ್ ಫೈರ್) ಅಪಾರ ಪ್ರಮಾಣದ ಅರಣ್ಯ ಪ್ರದೇಶ ಬೆಂಕಿಗಾಹುತಿಯಾಗಿದೆ. ಇದರಿಂದಾಗಿ ಅಸಂಖ್ಯಾತ ಪ್ರಾಣಿ, ಪಕ್ಷಿಗಳು ಅಸುನೀಗಿವೆ. ಹವಾಮಾನ ವೈಪರೀತ್ಯದಿಂದಾಗಿ ಉಂಟಾಗಿರುವ ಪ್ರಕೃತಿ ಕೋಪಕ್ಕೆ ಇಡೀ ದೇಶವೇ ಬೆಚ್ಚಿ ಬೀಳುವಂತಾಗಿದೆ. ಕಾಂಗರೂ ನಾಡಲ್ಲಿ ಹಿಂದೆಂದೂ ಕಾಣದಂತಹ ಭೀಕರ ಹರಡಿದೆ. ಬೆಂಕಿಯನ್ನು ನಂದಿಸಲು ಅಗ್ನಿಶಾಮಕ ಸಿಬ್ಬಂದಿಗಳು ಹರಸಾಹಸ ಪಡುತ್ತಿದ್ದಾರೆ. ವನ್ಯಜೀವಿಗಳ ರೋದನ ಮುಗಿಲು ಮುಟ್ಟಿದೆ. ಈ ಸಂದರ್ಭದಲ್ಲಿ ಕ್ರಿಕೆಟಿಗರ ಹೃದಯ ಕೂಡಾ ಮಿಡಿದಿದೆ. ಕಣ್ಣೆದುರೆ ಕಾಡು ನಾಶವಾಗುತ್ತಿದ್ದು, ಮೂಕ ಪ್ರಾಣಿಗಳು ಅಗ್ನಿಗಾಹುತಿಯಾಗಿದೆ. ಎಕರೆ ಗಟ್ಟಲೆ ಅರಣ್ಯ ಪ್ರದೇಶವನ್ನು ಬೆಂಕಿ ನುಂಗಿ ಬಿಟ್ಟಿದೆ. ಈ ಸಂದರ್ಭದಲ್ಲಿ ಕ್ರಿಕೆಟಿಗ ತಮ್ಮ ಭಾವನೆಯನ್ನು ಹಂಚಿದ್ದಾರೆ. ಸಾಕು ನಾಯಿಯೊಂದಿಗೆ ವ್ಯಕ್ತಿಯೊಬ್ಬ ಕಾಳ್ಗಿಚ್ಚನ್ನು ನೋಡುತ್ತ ಕುಳಿತಿರುವ ಚಿತ್ರವನ್ನು ಹಂಚಿರುವ ವಾರ್ನರ್, ನಾನು ಈಗಷ್ಟೇ ಈ ಚಿತ್ರವನ್ನು ನೋಡಿದ್ದೇನೆ. ನಾಳೆ ಆಡಲು ತೆರಳುವಾಗ (ನ್ಯೂಜಿಲೆಂಡ್ ವಿರುದ್ಧ) ನಮ್ಮ ಹಾಗೂ ಕಿವೀಸ್ ವಿರುದ್ಧದ ಆಟಗಾರರು ನಿಮಗೆ ಆಭಾರಿಯಾಗಿರುತ್ತೇವೆ. ಇದನ್ನು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ನನ್ನ ಹೃದಯ, ಕುಟಂಬ ನಿಮ್ಮ (ಅಗ್ನಿಶಾಮಕ ಸಿಬ್ಬಂದಿ) ಜೊತೆಗಿದ್ದೇವೆ. ನೀವೇ ನಿಜವಾದ ಹೀರೊಗಳು. ನೀವು ನಮ್ಮನ್ನು ಹೆಮ್ಮೆಪಟ್ಟುಕೊಳ್ಳುವಂತೆ ಮಾಡಿದಿರಿ ಎಂದಿದ್ದಾರೆ. ಭಾರತದ ಮಾಜಿ ಆಲ್ರೌಂಡರ್ ಸಹ ಭೀಕರ ಕಾಳ್ಗಿಚ್ಚಿನ ಪರಿಣಾವನ್ನು ತಮ್ಮ ಟ್ವೀಟ್ನಲ್ಲಿ ವಿವರಿಸಿದ್ದಾರೆ. 12 ಮಿಲಿಯನ್ ಎಕರೆ ಪ್ರದೇಶ ಬೆಂಕಿಗಾಹುತಿಯಾಗಿದ್ದು, 4.9 ಕೋಟಿ ಪ್ರಾಣಿಗಳನ್ನು ಕಳೆದುಕೊಂಡಿದ್ದೇವೆ. ಇದು ಹವಾಮಾನ ಬದಲಾವಣೆಯ ಪರಿಣಾಮವಾಗಿದ್ದು, ಈಗಲಾದರೂ ನಾವು ಕ್ರಮವನ್ನು ಕೈಗೊಳ್ಳಬೇಕಿದೆ ಎಂದಿದ್ದಾರೆ. ಅಲ್ಲದೆ ಕಾಳ್ಗಿಚ್ಚು ಪೀಡಿತರಿಗೆ ಪ್ರಾರ್ಥನೆಯನ್ನು ಸಲ್ಲಿಸಿದ್ದಾರೆ. ಆಸ್ಟ್ರೇಲಿಯಾ ಕ್ರಿಕೆಟಿಗ ಕ್ರಿಸ್ ಲಿನ್ ಕೂಡಾ ಭೀಕರ ಕಾಳ್ಗಿಚ್ಚಿನ ಪೀಡಿತರು ಹಾಗೂ ಬೆಂಕಿ ನಂದಿಸಲು ಹೋರಾಡುತ್ತಿರುವ ಅಗ್ನಿಶಾಮಕ ದಳದ ಸಿಬ್ಬಂದಿಗಳಿಗಾಗಿ ಹೃದಯ ಮಿಡಿದಿದ್ದಾರೆ. ಅಲ್ಲದೆ ಬಿಗ್ ಬಾಷ್ ಲೀಗ್ನಲ್ಲಿ ತಾವು ಬಾರಿಸುವ ಪ್ರತಿ ಸಿಕ್ಸರ್ಗಾಗಿ 250 ಆಸ್ಟ್ರೇಲಿಯನ್ ಡಾಲರ್ ದಾನ ಮಾಡುವುದಾಗಿ ಘೋಷಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2MPHn16
