ಸಿಡ್ನಿ: ಆಸ್ಟ್ರೇಲಿಯಾದಲ್ಲಿ ಹಬ್ಬಿರುವ ಭೀಕರ ಕಾಳ್ಗಿಚ್ಚಿನ ಸಂತ್ರಸ್ತರ ನೆರವಿಗೆ ಮುಂದಾಗಿರುವ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಮಾಜಿ ಆಟಗಾರರು ನಿವೃತ್ತಿಯಿಂದ ಹೊರಬಂದು ಚಾರಿಟಿ ಪಂದ್ಯವೊಂದನ್ನು ಆಡುವ ಮೂಲಕ ಪರಿಹಾರ ನಿಧಿಗೆ ಹಣ ಸಂಗ್ರಹಿಸಲಿದ್ದಾರೆ. ಆಸ್ಟ್ರೇಲಿಯಾ ಕ್ರಿಕೆಟ್ನ ಮಾಜಿ ದಿಗ್ಗಜರಾದ ಮತ್ತು ಶೇನ್ ವಾರ್ನ್ ಸೇರಿದಂತೆ ದಿಗ್ಗಜ ಕ್ರಿಕೆಟಿಗರು ಈ ಚಾರಿಟಿ ಪಂದ್ಯಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ಭಾನುವಾರ ಘೋಷಿಸಲಾಗಿದೆ. 'ಬುಷ್ಫೈರ್ ಕ್ರಿಕೆಟ್ ಬ್ಯಾಷ್' ಎಂದು ಹೆಸರಿಡಲಾಗಿರುವ ಚಾರಿಟಿ ಪಂದ್ಯದಲ್ಲಿ ಪಾಂಟಿಂಗ್ ಮತ್ತು ವಾರ್ನ್ ಹೊರತಾಗಿ ಮಾಜಿ ವಿಕೆಟ್ಕೀಪರ್ ಆಡಮ್ ಗಿಲ್ ಕ್ರಿಸ್ಟ್, ವೇಗಿ , ಮಾಜಿ ನಾಯಕ ಮೈಕಲ್ ಕ್ಲಾರ್ಕ್, ಆಲ್ರೌಂಡರ್ ಶೇನ್ ವಾಟ್ಸನ್ ಮತ್ತು ಆಸ್ಟ್ರೇಲಿಯಾ ತಂಡದ ಹಾಲಿ ಕೋಚ್ ಸೇರಿಂದಂತೆ ಮೊದಲಾದವರು ಪಾಲ್ಗೊಳ್ಳಲಿದ್ದಾರೆ. ಫೆ.8ರಂದು ಬಿಗ್ ಬ್ಯಾಷ್ ಲೀಗ್ (ಬಿಬಿಎಲ್) ಟೂರ್ನಿಯ ಫೈನಲ್ಗೂ ಮುನ್ನ ನಡೆಸಲಾಗುವ ಈ ಪಂದ್ಯದ ಮೂಲಕ ಬರುವ ಎಲ್ಲಾ ಲಾಭ ಮತ್ತು ಹಣವನ್ನು ಆಸ್ಟ್ರೇಲಿಯಾದ ರೆಡ್ ಕ್ರಾಸ್ ಡಿಸಾಸ್ಟರ್ ರಿಲೀಫ್ ಅಂಡ್ ರಿಕವರಿ ಫಂಡ್ಗೆ ನೀಡಲಾಗುವುದು ಎಂದು ಟೂರ್ನಿಯ ಸಂಘಟಕರು ಘೋಷಿಸಿದ್ದಾರೆ. ಸಾವಿರಾರು ಹೆಕ್ಟೇರ್ ಭೂಪ್ರದೇಶ ಮತ್ತು ಅರಣ್ಯ ಪ್ರದೇಶ ಕಾಳ್ಗಿಚ್ಚಿಗೆ ತುತ್ತಾಗಿದ್ದು, 2000ಕ್ಕೂ ಹೆಚ್ಚು ಮನೆಗಳು ಭಸ್ಮಗೊಂಡಿವೆ. ಇದರಲ್ಲಿ ಈವರೆಗೆ 27 ಮಂದಿ ಮೃತಪಟ್ಟಿದ್ದಾರೆ ಕೂಡ. ಹೀಗಾಗಿ ಸಂತ್ರಸ್ತರಿಗೆ ನೆರವಾಗಲು ಹಣ ಸಂಗ್ರಹಿಸುವ ಉದ್ದೇಶದಿಂದ ಈ ಪಂದ್ಯ ಆಯೋಜಿಸಲಾಗುತ್ತಿದೆ ಎಂದು ಕ್ರಿಕೆಟ್ ಆಸ್ಟ್ರೇಲಿಯಾದ ಮುಖ್ಯಸ್ಥ ಕೆವಿನ್ ರಾಬರ್ಟ್ಸ್ ಹೇಳಿದ್ದಾರೆ. ಪರಿಹಾರ ನಿಧಿಗೆ ಈಗಾಗಲೇ ಅಂದಾಜು 10 ಕೋಟಿ ರೂ. ಮೊತ್ತಷ್ಟು ಕೊಡುಗೆ ಸಲ್ಲಿಸಿದೆ. ಮಾಜಿ ಲೆಗ್ ಸ್ಪಿನ್ನರ್ ಶೇನ್ ವಾರ್ನ್, ತಮ್ಮ ಟೆಸ್ಟ್ ಕ್ಯಾಪ್ 'ಬ್ಯಾಗಿ ಗ್ರೀನ್' ಹರಾಜಿಗಿಟ್ಟು ಅಂದಾಜು 5 ಕೋಟಿ ರೂ. ಮೊತ್ತವನ್ನು ನೀಡಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/35OlZzQ
