ಹೊಸದಿಲ್ಲಿ: ಸ್ಟ್ರೆಚ್ ಫ್ರಾಕ್ಚರ್ ಗಾಯದ ಸಮಸ್ಯೆಯ ಬಳಿಕ ಚೇತರಿಕೆಗೊಂಡು ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಮರಳಿರುವ ಭಾರತ ಕ್ರಿಕೆಟ್ ತಂಡದ ಬಲಗೈ ವೇಗದ ಬೌಲರ್ , ಶ್ರೀಲಂಕಾ ವಿರುದ್ಧ ಕಮ್ಬ್ಯಾಕ್ ಸರಣಿಯಲ್ಲಿ ಸ್ಮರಣೀಯ ದಾಖಲೆ ಬರೆದಿದ್ದಾರೆ. ಶ್ರೀಲಂಕಾ ವಿರುದ್ಧ ನಡೆದ ಅಂತಿಮ ಏಕದಿನ ಪಂದ್ಯದಲ್ಲಿ ಭಾರತ 78 ರನ್ ಅಂತರದ ಅಧಿಕಾರಯುತ ಗೆಲುವು ಬಾರಿಸಿತ್ತು. 202 ರನ್ಗಳ ಗೆಲುವಿನ ಗುರಿ ಬೆನ್ನಟ್ಟಿದ ಲಂಕಾ 123 ರನ್ಗಳಿಗೆ ತನ್ನೆಲ್ಲ ವಿಕೆಟ್ಗಳನ್ನು ಕಳೆದುಕೊಂಡಿತು. ನಿಖರ ದಾಳಿ ಸಂಘಟಿಸಿದ ಜಸ್ಪ್ರೀತ್ ಬುಮ್ರಾ ಎರಡು ಓವರ್ಗಳಲ್ಲಿ ಐದು ರನ್ ಮಾತ್ರ ಬಿಟ್ಟುಕೊಟ್ಟು ಒಂದು ವಿಕೆಟ್ ಪಡೆದು ಗಮನ ಸೆಳೆದರು. ಇದರಲ್ಲಿ ಒಂದು ಮೇಡನ್ ಓವರ್ ಸೇರಿದ್ದವು. ಇನ್ನಿಂಗ್ಸ್ನ ಮೊದಲ ಓವರ್ನಲ್ಲಿ ಧನುಶ್ಕ ಗುಣತಿಲಕರನ್ನು ಬುಮ್ರಾ ಹೊರದಬ್ಬಿದರು. ಈ ಮೂಲಕ ಟ್ವೆಂಟಿ-20 ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಭಾರತೀಯ ಬೌಲರ್ ಎಂಬ ದಾಖಲೆಗೆ ಭಾಜನವಾದರು. ಈ ಪಟ್ಟಿಯಲ್ಲಿ ತಮ್ಮ ಸಹ ಆಟಗಾರರಾದ ರವಿಚಂದ್ರನ್ ಅಶ್ವಿನ್ ಹಾಗೂ ಯುಜ್ವೇಂದ್ರ ಚಹಲ್ ದಾಖಲೆಯನ್ನು ಮುರಿದಿದ್ದಾರೆ. ಈ ಪಂದ್ಯಕ್ಕೂ ಮೊದಲು 52 ವಿಕೆಟ್ಗಳೊಂದಿಗೆ ಬುಮ್ರಾ ಜಂಟಿ ಅಗ್ರಸ್ಥಾನವನ್ನು ಹಂಚಿದ್ದರು. ಇದೀಗ ಅಶ್ವಿನ್ ಹಾಗೂ ಚಹಲ್ರನ್ನು ಹಿಂದಿಕ್ಕಿ 53 ವಿಕೆಟ್ ಪಡೆದಿದ್ದಾರೆ. ಅಂದ ಹಾಗೆ ಟ್ವೆಂಟಿ20 ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ದಾಖಲೆ ಶ್ರೀಲಂಕಾ ನಾಯಕ ಲಸಿತ್ ಮಾಲಿಂಗ ಹೆಸರಲ್ಲಿದೆ. ಮಾಲಿಂಗ 82 ಪಂದ್ಯಗಳಲ್ಲಿ ಒಟ್ಟು 106 ವಿಕೆಟ್ಗಳನ್ನು ಕಬಳಿಸಿದ್ದಾರೆ. ಟ್ವೆಂಟಿ-20 ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಭಾರತೀಯ ಬೌಲರ್ಗಳು: ಜಸ್ಪ್ರೀತ್ ಬುಮ್ರಾ: 53 (45 ಪಂದ್ಯ) ಯುಜ್ವೇಂದ್ರ ಚಹಲ್: 52 (37 ಪಂದ್ಯ) ಆರ್ ಅಶ್ವಿನ್: 52 (46 ಪಂದ್ಯ) ಭುವನೇಶ್ವರ್ ಕುಮಾರ್: 41 (43 ಪಂದ್ಯ) ಕುಲ್ದೀಪ್ ಯಾದವ್: 39 (21 ಪಂದ್ಯ)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/37SWIWE
