ಹೊಬಾರ್ಟ್: ಮಗುವಿನ ಆರೈಕೆಗಾಗಿ ಹೆಚ್ಚೂಕಡಿಮೆ 2 ವರ್ಷ ಅಂಗಣದಿಂದ ದೂರ ಉಳಿದಿದ್ದ ಭಾರತದ ಅಪ್ರತಿಮ ಟೆನಿಸ್ ಆಟಗಾರ್ತಿ ಇದೀಗ ‘ಎರಡನೇ ಇನಿಂಗ್ಸ್’ಗೆ ಸಕಲ ರೀತಿಯಲ್ಲಿ ಸಜ್ಜಾಗಿದ್ದಾರೆ. ಪ್ರಸ್ತುತ ಹೊಬಾರ್ಟ್ನಲ್ಲಿ ನಡೆಯುತ್ತಿರುವ ಡಬ್ಲ್ಯುಟಿಎ ಟೂರ್ನಿಯ ಡಬಲ್ಸ್ನಲ್ಲಿ ಸಾನಿಯಾ ಮಿರ್ಜಾಗೆ ಉಕ್ರೇನ್ನ ನಾಡಿಯಾ ಕಿಚೆನಾಕ್ ಜತೆಗಾರ್ತಿ. ಹೊಬಾರ್ಟ್ ಟೂರ್ನಿ ಮುಗಿದ ಬಳಿಕ ಜನವರಿ 20ರಂದು ಮೆಲ್ಬೋರ್ನ್ನಲ್ಲಿ ಆರಂಭಗೊಳ್ಳಲಿರುವ 2020ನೇ ಸಾಲಿನ ಮೊದಲ ಗ್ರ್ಯಾನ್ ಸ್ಲಾಮ್ ಟೂರ್ನಿ ಆಸ್ಪ್ರೇಲಿಯನ್ ಓಪನ್ನಲ್ಲಿ ಸಾನಿಯಾ ಮಿರ್ಜಾಗೆ (ಮಿಶ್ರ ಡಬಲ್ಸ್ನಲ್ಲಿ) ಭಾರತದ ರೋಹನ್ ಬೋಪಣ್ಣ ಜತೆಯಾಗಲಿದ್ದಾರೆ. ಸಾನಿಯಾ ಮತ್ತು ಬೋಪಣ್ಣ ಇದಕ್ಕೂ ಮೊದಲು 2016ರ ರಿಯೊ ಡಿ ಜನೈರೊ ಒಲಿಂಪಿಕ್ಸ್ನಲ್ಲಿ ಒಟ್ಟಿಗೆ ಆಡಿದ್ದರು. ರೋಹನ್ ಬೋಪಣ್ಣ ಎರಡು ದಿನಗಳ ಹಿಂದಷ್ಟೇ ಎಟಿಪಿ ಕತಾರ್ ಓಪನ್ನಲ್ಲಿ ನೆದರ್ಲೆಂಡ್ಸ್ನ ವೆಸ್ಲೀ ಕೂಲಾಫ್ ಜತೆ ಪುರುಷರ ಡಬಲ್ಸ್ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಗೆಲುವಿನೊಂದಿಗೆ 2020ನೇ ಋುತು ಆರಂಭಿಸಿರುವ ಕೊಡಗಿನ ಆಟಗಾರ ಪ್ರಸ್ತುತ ಅತ್ಯುತ್ತಮ ಫಾರ್ಮ್ನಲ್ಲಿದ್ದು ಸಾನಿಯಾಗೆ ಸೂಕ್ತ ಜೋಡಿ ಎನಿಸಿಕೊಳ್ಳಲಿದ್ದಾರೆ. ಕಾಳ್ಗಿಚ್ಚು ಸಂತ್ರಸ್ತರ ನಿಧಿಗೆ ಸೆರೆನಾ ವಿಲಿಧಿಯಮ್ಸ್ ದೇಣಿಗೆ ಆಕ್ಲೆಂಡ್ (ನ್ಯೂಜಿಲೆಂಡ್): ವಿಶ್ವದ ಮಾಜಿ ನಂ.1 ಆಟಗಾರ್ತಿ, 23 ಗ್ರ್ಯಾನ್ ಸ್ಲಾಂ ಪ್ರಶಸ್ತಿಗಳ ಒಡತಿ ಸೆರೆನಾ ವಿಲಿಯಮ್ಸ್ ಭಾನುವಾರ ‘ಆಕ್ಲೆಂಡ್ ಕ್ಲಾಸಿಕ್’ ಟೆನಿಸ್ ಟೂರ್ನಿಯ ಫೈನಲ್ನಲ್ಲಿ ತಮ್ಮ ದೇಶದವರೇ ಆದ ಜೆಸ್ಸಿಕಾ ಪೆಗುಲಾ ಅವರನ್ನು ಸೋಲಿಸಿ ಚಾಂಪಿಯನ್ ಪಟ್ಟಕ್ಕೇರುವ ಮೂಲಕ ಮೂರು ವರ್ಷಗಳ ಪ್ರಶಸ್ತಿ ಬರ ನೀಗಿಸಿಕೊಂಡಿದ್ದಾರೆ. ಸೆರೆನಾ ಇದಕ್ಕೂ ಮೊದಲು 2017ರಲ್ಲಿ ಆಸ್ಪ್ರೇಲಿಯನ್ ಓಪನ್ನಲ್ಲಿ (ಮೆಲ್ಬೋರ್ನ್ನಲ್ಲಿ) ಕೊನೆಯದಾಗಿ ಟ್ರೋμ ಜಯಿಸಿದ್ದರು. ಆಗ ಅವರು ಗರ್ಭಿಣಿಯಾಗಿದ್ದರು. ಹೀಗಾಗಿ ಸೆರೆನಾ ಪಾಲಿಗೆ ‘ಆಕ್ಲೆಂಡ್ ಕ್ಲಾಸಿಕ್’ ಪ್ರಶಸ್ತಿ ತಾಯಿಯಾಗಿ ಮೊದಲ ಪ್ರಶಸ್ತಿ ಎನಿಸಿಕೊಂಡಿದೆ. ಭಾನುವಾರ 6-3, 6-4ರ ನೇರ ಸೆಟ್ಗಳಿಂದ ಪೆಗುಲಾರನ್ನು ಮಣಿಸಿದ 38 ವರ್ಷದ ಹಿರಿಯ ಆಟಗಾರ್ತಿ ಸೆರೆನಾ, ತಮಗೆ ಬಹುಮಾನವಾಗಿ ದಕ್ಕಿದ 30 ಲಕ್ಷ ರೂಪಾಯಿಗಳ ಚೆಕ್ಅನ್ನು ಆಸ್ಪ್ರೇಲಿಯಾದ ಕಾಳ್ಗಿಚ್ಚು ಸಂತ್ರಸ್ತರ ಪರಿಹಾರ ನಿಧಿಗೆ ನೀಡುವ ಮೂಲಕ ಔದಾರ್ಯ ಮೆರೆದರು. ಪ್ಲಿಸ್ಕೋವಾ ಚಾಂಪಿಯನ್ ಬ್ರಿಸ್ಬೇನ್ (ಆಸ್ಪ್ರೇಲಿಯಾ) : ವಿಶ್ವದ 2ನೇ ಶ್ರೇಯಾಂಕದ ಆಟಗಾರ್ತಿ, ಜೆಕ್ ಗಣರಾಜ್ಯದ ಕ್ಯಾರೊಲಿನಾ ಪ್ಲಿಸ್ಕೋವಾ ಬ್ರಿಸ್ಬೇನ್ ಇಂಟರ್ ನ್ಯಾಷನಲ್ ಟೆನಿಸ್ ಟೂರ್ನಿಯಲ್ಲಿ ಸತತ 2ನೇ ಬಾರಿಗೆ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ. ಭಾನುವಾರ ಇಲ್ಲಿನ ಕ್ವೀನ್ಸ್ಲ್ಯಾಂಡ್ ಟೆನಿಸ್ ಸೆಂಟರ್ನಲ್ಲಿ ಸುಮಾರು 2 ಗಂಟೆಗಳ ಕಾಲ ನಡೆದ ಮಹಿಳೆಯರ ಸಿಂಗಲ್ಸ್ ಫೈನಲ್ನಲ್ಲಿ ಪ್ಲಿಸ್ಕೋವಾ 6-4, 4-6, 7-5 ಸೆಟ್ಗಳಿಂದ ಅಮೆರಿಕದ ಮ್ಯಾಡಿಸನ್ ಕೀಸ್ ಅವರನ್ನು ಸೋಲಿಸಿದರು. ಜೆಕ್ ಆಟಗಾರ್ತಿ 4 ವರ್ಷಗಳಲ್ಲಿ ಗೆದ್ದ 3ನೇ ಬ್ರಿಸ್ಬೇನ್ ಇಂಟರ್ ನ್ಯಾಷನಲ್ ಪ್ರಶಸ್ತಿ ಇದು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Tk4LIe
