ನ್ಯೂಯಾರ್ಕ್: ಭಾರತೀಯ ಮೂಲದ ಇಬ್ಬರು ಮಹಿಳೆಯರು ಅಮೆರಿಕದ ನ್ಯೂಯಾರ್ಕ್ನ ಕೋರ್ಟ್ಗಳಲ್ಲಿ ಜಡ್ಜ್ಗಳಾಗಿ ಕಾರ್ಯನಿರ್ವಹಿಸಲಿದ್ದಾರೆ. ನ್ಯಾ. ಅವರನ್ನು ಕ್ರಿಮಿನಲ್ ಕೋರ್ಟ್ಗೆ ಮತ್ತು ನ್ಯಾ. ದೀಪಾ ಅಂಬೇಕರ್ ಅವರನ್ನು ಸಿವಿಲ್ ಕೋರ್ಟ್ಗೆ ನೇಮಕ ಮಾಡಿ ನ್ಯೂಯಾರ್ಕ್ ಮೇಯರ್ ಬಿಲ್ ಡೆ ಬ್ಲಾಸಿಯೊ ಆದೇಶ ಹೊರಡಿಸಿದ್ದಾರೆ. ಒಟ್ಟು 28 ಸಿಬ್ಬಂದಿಯನ್ನು ಕೌಟುಂಬಿಕ ಕೋರ್ಟ್ , ಕ್ರಿಮಿನಲ್ ಹಾಗೂ ಸಿವಿಲ್ ಕೋರ್ಟ್ಗೆ ಮೇಯರ್ ಅವರು ನೇಮಿಸಿದ್ದು, ಆ ಪೈಕಿ ಭಾರತೀಯ ಮೂಲದ ಈ ಮಹಿಳೆಯರ ನೇಮಕ ಪ್ರಮುಖವಾಗಿದೆ. 2019ರ ಜನವರಿಯಲ್ಲಿಮಧ್ಯಂತರ ಸಿವಿಲ್ ಕೋರ್ಟ್ನ ನ್ಯಾಯಾಧೀಶೆಯಾಗಿ ಅರ್ಚನಾ ರಾವ್ ಅವರ ನೇಮಕವಾಗಿತ್ತು. ಅದಕ್ಕೂ ಮುನ್ನ ಕೌಂಟಿ ಜಿಲ್ಲೆಯ ಅಟಾರ್ನಿ ಕಚೇರಿಯಲ್ಲಿ ಅವರು 17 ವರ್ಷ ಕಾರ್ಯನಿರ್ವಹಿಸಿದ್ದಾರೆ. ದೀಪಾ ಅವರು 2019ರ 'ಮೇ'ನಲ್ಲಿ ಮಧ್ಯಂತರ ಸಿವಿಲ್ ಕೋರ್ಟ್ಗೆ ನ್ಯಾಯಾಧೀಶೆಯಾಗಿ ನೇಮಕಗೊಂಡರು. ಅದಕ್ಕೂ ಮುನ್ನ ಅವರು ನ್ಯೂಯಾರ್ಕ್ ಸಿಟಿ ಕೌನ್ಸಿಲ್ ಹಾಗೂ ಸಾರ್ವಜನಿಕ ಸುರಕ್ಷತೆ ಕೌನ್ಸಿಲ್ಗಳಲ್ಲಿ ಹಿರಿಯ ಅಟಾರ್ನಿಯಾಗಿ ಕಾರ್ಯನಿರ್ವಹಿಸಿದ್ದಾರೆ.
from India & World News in Kannada | VK Polls https://ift.tt/2FqyTtc
