ಹೊಸದಿಲ್ಲಿ: ಪಂದ್ಯವನ್ನು ಐದು ದಿನಗಳಿಂದ ನಾಲ್ಕು ದಿನಗಳಿಗೆ ಇಳಿಸುವ ಯೋಜನೆಯನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಹೊಂದಿದೆ. ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಭಾಗವಾಗಿ 2023ನೇ ಇಸವಿಯಿಂದ ಟೆಸ್ಟ್ ಕ್ರಿಕೆಟ್ ನಾಲ್ಕು ದಿನಗಳಿಗೆ ಇಳಿಯುವ ಸಾಧ್ಯತೆಯಿದೆ. ಈ ಮಧ್ಯೆ ಟೆಸ್ಟ್ ಕ್ರಿಕೆಟ್ ಅನ್ನು ನಾಲ್ಕು ದಿನಗಳಿಗೆ ಇಳಿಸುವ ಯೋಜನೆಗೆ ಪರ ವಿರೋಧ ಅಭಿಪ್ರಾಯಗಳು ವ್ಯಕ್ತವಾಗುತ್ತಿದೆ. ಮಾಜಿ ಹಾಗೂ ಸಮಕಾಲೀನ ಕ್ರಿಕೆಟಿಗರು ಈಗಾಗಲೇ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. ಈ ಪೈಕಿ ಮಾಜಿ ಬ್ಯಾಟಿಂಗ್ ದಿಗ್ಗಜ , ಟೀಮ್ ಇಂಡಿಯಾ ನಾಯಕ , ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್, ಮಾಜಿ ಆಟಗಾರ ಗೌತಮ್ ಗಂಭೀರ್, ಪಾಕಿಸ್ತಾನ ಮಾಜಿ ವೇಗದ ಬೌಲರ್ ಶೋಯೆಬ್ ಅಖ್ತರ್, ಆಸ್ಟ್ರೇಲಿಯಾ ಕೋಚ್ ಜಸ್ಟಿನ್ ಲ್ಯಾಂಗರ್, ಆಫ್ ಸ್ಪಿನ್ನರ್ ನಥನ್ ಲಯನ್ ಹಾಗೂ ಆಸೀಸ್ ಮಾಜಿ ವೇಗಿ ಗ್ಲೆನ್ ಮೆಕ್ಗ್ರಾಥ್ ಮುಂತಾದವರು ವಿರೋಧವನ್ನು ವ್ಯಕ್ತಪಡಿಸಿದ್ದಾರೆ. ನೈಜ ಪ್ರಕಾರಕ್ಕೆ ಸಚಿನ್ ಬೆಂಬಲ "ಐದನೇ ದಿನದಲ್ಲಿ ಸ್ಪಿನ್ನರ್ಗಳು ಪ್ರಯೋಜನ ಪಡೆಯಲು ಬಯಸುತ್ತಾರೆ. ಇವೆಲ್ಲವೂ ಟೆಸ್ಟ್ ಕ್ರಿಕೆಟ್ನ ಭಾಗವಾಗಿದೆ. ಐದನೇ ದಿನದಾಟವನ್ನು ರದ್ದು ಮಾಡುವುದು ವೇಗಿಗಳಿಂದ ಮೊದಲ ದಿನದಾಟವನ್ನು ಕಿತ್ತುಕೊಂಡಂತೆ. ಅಲ್ಲಿ ಟ್ವೆಂಟಿ-20 ಕ್ರಿಕೆಟ್ ಇದೆ. ಏಕದಿನವೂ ಇದೆ. ಅಲ್ಲಿ ಟಿ10 ಹಾಗೂ 100 ಬಾಲ್ ಕ್ರಿಕೆಟ್ ಸಹ ಇದೆ. ಕ್ರಿಕೆಟ್ನ ನೈಜ ಪ್ರಕಾರ ಟೆಸ್ಟ್ ಕ್ರಿಕೆಟ್ ಆಗಿದೆ. ಇದರ ಸೊಗಸನ್ನು ಕಳೆಯಬಾರದು. ಟೆಸ್ಟ್ ಕ್ರಿಕೆಟ್ ಪುನಶ್ಚೇತನಕ್ಕೆ ದಿನ ಕಡಿಮೆ ಮಾಡುವುದು ಪರಿಹಾರವಲ್ಲ. ಇದರ ಬದಲು ಪಿಚ್ ಗುಣಮಟ್ಟ ಹೆಚ್ಚಿಸಲು ಐಸಿಸಿ ಮುಂದಾಗಬೇಕು" ಎಂದು ಹೇಳಿದರು. ಕೊಹ್ಲಿ ನೇರ ನುಡಿ "ನೋಡಿ, ನಾನು ಟೆಸ್ಟ್ ಕ್ರಿಕೆಟ್ ನಾಲ್ಕು ದಿನಗಳ ಪ್ರಸ್ತಾಪದ ಅಭಿಮಾನಿಯಲ್ಲ. ಟ್ವೆಂಟಿ20 ಎಂಬ ಹೊಸ ಸ್ವರೂಪವನ್ನು ಪರಿಚಯಿಸಲಾಗಿದೆ. ನಾನು 100 ಬಾಲ್ ಕ್ರಿಕೆಟ್ ಪರವಾಗಿಯೂ ಇಲ್ಲ. ಈಗಾಗಲೇ ಬೇಕಾದಷ್ಟು ಬದಲಾವಣೆ ಕಂಡುಬಂದಿದ್ದು, ಮಗದೊಂದು ಪ್ರಕಾರಕ್ಕೆ ಒಗ್ಗಿಗೊಳ್ಳಲು ಸಜ್ಜಾಗುವುದಿಲ್ಲ" ಎಂದು ವಿರಾಟ್ ಕೊಹ್ಲಿ ನುಡಿದರು. "ಟೆಸ್ಟ್ ಕ್ರಿಕೆಟ್ ಸಂಪ್ರದಾಯಿಕ ಶೈಲಿಯಲ್ಲಿ ಆಡಬೇಕು ಎಂಬುದನ್ನು ಕೊಹ್ಲಿ ಒತ್ತಿ ಹೇಳಿದರು. ಅಲ್ಲದೆ ಜನಪ್ರಿಯಗೊಳಿಸಲು ಪಿಂಕ್ ಬಾಲ್ನಂತಹ ಕ್ರಿಕೆಟ್ ಆಡಬಹುದಾಗಿದೆ ಎಂದು ಸಲಹೆ ಮಾಡಿದರು. ಟೆಸ್ಟ್ ಕ್ರಿಕೆಟ್ ವಾಣಿಜ್ಯಕರಣ ಮಾಡುವುದಕ್ಕೆ ಪಿಂಕ್ ಬಾಲ್ ಉತ್ತಮ ಉದಾಹರಣೆಯಾಗಿದೆ. ನಾಲ್ಕು ದಿನಗಳ ಬಳಿಕ ಮೂರು ದಿನಗಳ ಆಟದ ಬಗ್ಗೆ ಮಾತನಾಡುವೀರಿ. ಇದು ಎಲ್ಲಿ ಕೊನೆಗೊಳ್ಳಲಿದೆ? ಕೊನೆಗೆ ಟೆಸ್ಟ್ ಕ್ರಿಕೆಟ್ ಮಾಯವಾಗಲಿದೆ" ಎಂದು ಆತಂಕ ವ್ಯಕ್ತಪಡಿಸಿದರು. ಹಾಸ್ಯಾಸ್ಪದ: ಗಂಭೀರ್ ಇನ್ನೊಂದೆಡೆ ಟೆಸ್ಟ್ ಕ್ರಿಕೆಟ್ ನಾಲ್ಕು ದಿನಗಳಿಗೆ ಇಳಿಸುವ ಯೋಜನೆ ಹಾಸ್ಯಾಸ್ಪದವಾಗಿದೆ ಎಂದು ಗೌತಮ್ ಗಂಭೀರ್ ಕಿಡಿ ಕಾರಿದರು. ತತ್ ಕ್ಷಣದಿಂದಲೇ ಇಂತಹದೊಂದು ಯೋಜನೆಯನ್ನು ಐಸಿಸಿ ಕೈಬಿಡಬೇಕು. ಇದು ಹೆಚ್ಚೆಚ್ಚು ಡ್ರಾ ಪಂದ್ಯಗಳನ್ನು ಆಹ್ವಾನಿಸಲಿದೆ. ಸ್ಪಿನ್ನರ್ಗಳಿಗೆ ಯಾವುದೇ ಸ್ಥಾನವಿರುವುದಿಲ್ಲ. ಒಟ್ಟಾರೆಯಾಗಿ ಟೆಸ್ಟ್ ಕ್ರಿಕೆಟ್ನ ಅಂದವು ನಷ್ಟವಾಗಲಿದೆ ಎಂದರು. 4 ಡೇ ಟೆಸ್ಟ್ ವಿರುದ್ಧ ಧ್ವನಿಯೆತ್ತಿದ ಪಾಂಟಿಂಗ್ ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಸಹ ನಾಲ್ಕು ಪಂದ್ಯಗಳ ಟೆಸ್ಟ್ ಕ್ರಿಕೆಟ್ ವಿರುದ್ಧ ಸ್ವರ ಎತ್ತಿದರು. ಅಲ್ಲದೆ ಇಂತಹದೊಂದು ಯೋಜನೆಯ ಹಿಂದಿನ ಕಾರಣ ಏನೆಂಬುದನ್ನು ತಿಳಿಯಲು ಬಯಸುವೆ ಎಂದರು. ಕಳೆದೆರಡು ವರ್ಷಗಳಲ್ಲಿ ಅನೇಕ ಟೆಸ್ಟ್ ಪಂದ್ಯಗಳು ನಾಲ್ಕು ದಿನಗಳಲ್ಲಿ ಕೊನೆಗೊಂಡಿದೆ ಎಂಬ ಅರಿವಿದೆ. ಆದರೆ ಕಳೆದೊಂದು ದಶಕದಲ್ಲಿ ನಾಲ್ಕು ದಿನಗಳ ಪಂದ್ಯವನ್ನು ಆಯೋಜಿಸಿದ್ದಲ್ಲಿ ಹೆಚ್ಚಿನ ಪಂದ್ಯಗಳು ಡ್ರಾದಲ್ಲಿ ಅಂತ್ಯಗೊಳ್ಳುತ್ತಿದ್ದವು ಎಂದರು. ಹಾಗಾದ್ದಲ್ಲಿ ಯಾರು ಕೂಡಾ ಟೆಸ್ಟ್ ಪಂದ್ಯವನ್ನು ನೋಡಲು ಇಷ್ಟಪಡುವುದಿಲ್ಲ. ವಾಣಿಜ್ಯವು ಅಡಗಿದೆ ಎಂಬುದು ಅರ್ಥಮಾಡಿಕೊಳ್ಳುತ್ತೇನೆ. ಮೂರು ವರ್ಷಗಳ ಹಿಂದೆ ಇಂತಹ ಪ್ರಸ್ತಾಪವನ್ನು ತಿರಸ್ಕರಿಸಲಾಗಿತ್ತು ಎಂದರು. ಟೆಸ್ಟ್ ಕ್ರಿಕೆಟ್ ಅವನತಿಯಾಗಲು ಗಂಗೂಲಿ ಬಿಡಲ್ಲ: ಅಖ್ತರ್ ಪಾಕಿಸ್ತಾನ ಮಾಜಿ ವೇಗದ ಬೌಲರ್ ಶೋಯೆಬ್ ಅಖ್ತರ್ ಕೂಡಾ ಇದೊಂದು ಹಾಸ್ಯಾಸ್ಪದ ಯೋಜನೆ ಎಂದಿದ್ದು, ಇದನ್ನು ಜಾರಿ ಮಾಡಲು ಸೌರವ್ ಗಂಗೂಲಿ ಎಂದಿಗೂ ಒಪ್ಪಲ್ಲ ಎಂದರು. "ನಾಲ್ಕು ದಿನಗಳ ಟೆಸ್ಟ್ ಪಂದ್ಯಗಳ ಆಯೋಜನೆಯಲ್ಲಿ ಯಾರಿಗೂ ಆಸಕ್ತಿ ಇರಲ್ಲ. ಸೌರವ್ ಗಂಗೂಲಿ ಬುದ್ಧಿವಂತ ವ್ಯಕ್ತಿಯಾಗಿದ್ದು, ಕ್ರಿಕೆಟ್ನಲ್ಲಿ ಬೇಕಾದಷ್ಟು ಅನುಭವ ಸಂಪಾದಿಸಿದ್ದಾರೆ. ಟೆಸ್ಟ್ ಕ್ರಿಕೆಟ್ ಅವನತಿ ಹೊಂದಲು ಬಿಡಲ್ಲ ಎಂದಿದ್ದಾರೆ. ಬಿಸಿಸಿಐ ಅನುಮತಿಯಿಲ್ಲದೆ ಐಸಿಸಿಯಿಂದ ನಾಲ್ಕು ದಿನಗಳ ಪಂದ್ಯ ಆಯೋಜಿಸಲು ಸಾಧ್ಯವಿಲ್ಲ. ಮತ್ತಷ್ಟು ಏಷ್ಯಾ ಮಂಡಳಿಗಳು ಇದರ ವಿರುದ್ಧ ಧ್ವನಿ ಎತ್ತಬೇಕಿದೆ. ಸಚಿನ್ ತೆಂಡೂಲ್ಕರ್ ಹಾಗೂ ವಿರಾಟ್ ಕೊಹ್ಲಿ ಈಗಾಗಲೇ ವಿರೋದ ವ್ಯಕ್ತಪಡಿಸಿದ್ದಾರೆ. ಟೆಸ್ಟ್ ಕ್ರಿಕೆಟ್ ಉಳಿಸಲು ನಾನು ಕೂಡಾ ನನ್ನ ಅಭಿಪ್ರಾಯ ಮಂಡಿಸುತ್ತಿದ್ದೇನೆ" ಎಂದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2txsWYC
