ಸಿಡ್ನಿ: ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್ಮನ್ ಎಂಬ ಕೀರ್ತಿಗೆ ಅನುಭವಿ ಆಟಗಾರ ಭಾಜನವಾಗಿದ್ದಾರೆ. ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ನಡೆದ ಮೂರನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಟೇಲರ್ ಈ ಸ್ಮರಣೀಯ ದಾಖಲೆ ಬರೆದಿದ್ದಾರೆ. ಆಸೀಸ್ ವಿರುದ್ಧದ ಅಂತಿಮ ಟೆಸ್ಟ್ ಪಂದ್ಯದಲ್ಲೂ ಕಿವೀಸ್ ಸೋಲಿಗೆ ಶರಣಾಗಿದೆ. ಆಗಲೇ ಸರಣಿ ಸೋಲಿಗೆ ಶರಣಾಗಿರುವ ಕಿವೀಸ್ ಕ್ಲೀನ್ ಸ್ವೀಪ್ ಮುಖಭಂಗಕ್ಕೊಳಗಾಗಿದೆ. ಈ ನಡುವೆ 35ರ ಹರೆಯದ ಟೇಲರ್ ವೈಯಕ್ತಿಕ ಮೈಲುಗಲ್ಲು ತಲುಪಿದ್ದಾರೆ. ಸಿಡ್ನಿ ಟೆಸ್ಟ್ ಪಂದ್ಯ ಟೇಲರ್ ಪಾಲಿಗೆ ಉತ್ತಮವಾಗಿರಲಿಲ್ಲ. ಎರಡೂ ಇನ್ನಿಂಗ್ಸ್ಗಳಲ್ಲಿ ತಲಾ 22 ರನ್ ಗಳಿಸಿ ವಿಕೆಟ್ ಒಪ್ಪಿಸಿದ್ದರು. ಇದುವರೆಗೆ 99 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಟೇಲರ್ 46.28ರ ಸರಾಸರಿಯಲ್ಲಿ 7174 ರನ್ ಪೇರಿಸಿದ್ದಾರೆ. ಈ ಮೂಲಕ ನ್ಯೂಜಿಲೆಂಡ್ ಮಾಜಿ ನಾಯಕ ಸ್ಟೀಫನ್ ಫ್ಲೆಮಿಂಗ್ ದಾಖಲೆಯನ್ನು ಮುರಿದಿದ್ದಾರೆ. ಫ್ಲೆಮಿಂಗ್ 111 ಟೆಸ್ಟ್ ಪಂದ್ಯಗಳಲ್ಲಿ 40.06ರ ಸರಾಸರಿಯಲ್ಲಿ 7172 ರನ್ ಪೇರಿಸಿದ್ದರು. ಸಮಕಾಲೀನ ಆಟಗಾರರ ಪೈಕಿ ಕಿವೀಸ್ ನಾಯಕ ಕೇನ್ ವಿಲಿಯಮ್ಸನ್ 78 ಪಂದ್ಯಗಳಲ್ಲಿ 51.44ರ ಸರಾಸರಿಯಲ್ಲಿ 6379 ರನ್ ಪೇರಿಸಿದ್ದಾರೆ. 29ರ ಹರೆಯದ ಕೇನ್, ಮುಂದಿನ ಕೆಲವು ವರ್ಷಗಳಲ್ಲಿ ಟೇಲರ್ ಸಾಧನೆಯನ್ನು ಹಿಮ್ಮೆಟ್ಟಿಸುವ ಸಾಧ್ಯತೆಯಿದೆ. ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಕಿವೀಸ್ ಬ್ಯಾಟ್ಸ್ಮನ್ಗಳು: 1. ರಾಸ್ ಟೇಲರ್: 7174* 2. ಸ್ಟೀಫನ್ ಫ್ಲೆಮಿಂಗ್: 7172 3. ಬ್ರೆಂಡನ್ ಮೆಕಲಮ್: 6453 4. ಕೇನ್ ವಿಲಿಯಮ್ಸನ್: 6379* 5. ಮಾರ್ಟಿನ್ ಕ್ರೋವ್: 6379 ಏಕದಿನದಲ್ಲೂ ಬ್ಲ್ಯಾಕ್ ಕ್ಯಾಪ್ಸ್ ಪರ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆಯನ್ನು ರಾಸ್ ಟೇಲರ್ ಹೊಂದಿದ್ದಾರೆ. ಇಲ್ಲೂ ಸ್ಟೀಫನ್ ಫ್ಲೆಮಿಂಗ್ (8807) ಹಿಂದಿಕ್ಕಿರುವ ಟೇಲರ್, 228 ಪಂದ್ಯಗಳಲ್ಲಿ 47.86ರ ಸರಾಸರಿಯಲ್ಲಿ 8376 ರನ್ ಪೇರಿಸಿದ್ದಾರೆ. ಇದರೊಂದಿಗೆ ಎಲ್ಲ ಪ್ರಕಾರದ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ನ್ಯೂಜಿಲೆಂಡ್ ಪರ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆಗೂ ಭಾಜನವಾಗಿದ್ದಾರೆ. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 39 ಶತಕ ಹಾಗೂ 88 ಅರ್ಧಶತಕಗಳನ್ನು ಬಾರಿಸಿರುವ ಟೇಲರ್ ಒಟ್ಟು 17250 ರನ್ ಗಳಿಸಿದ್ದಾರೆ. ಅದೇ ರೀತಿ ಮುಂಬರುವ ಭಾರತ ಸರಣಿಯಲ್ಲಿ ಭಾಗವಹಿಸುವ ಮೂಲಕ ಸ್ಟೀಫನ್ ಫ್ಲೆಮಿಂಗ್, ಡೇನಿಯಲ್ ವಿಟ್ಟೋರಿ ಹಾಗೂ ಬ್ರೆಂಡನ್ ಮೆಕಲಮ್ ಬಳಿಕ 100 ಟೆಸ್ಟ್ ಪಂದ್ಯಗಳನ್ನಾಡಿದ ನ್ಯೂಜಿಲೆಂಡ್ನ ನಾಲ್ಕನೇ ಆಟಗಾರ ಎಂಬ ಹಿರಿಮೆಗೆ ರಾಸ್ ಟೇಲರ್ ಭಾಜನವಾಗಲಿದ್ದಾರೆ. ಅಂದ ಹಾಗೆ ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಸಾರ್ವಕಾಲಿಕ ಶ್ರೇಷ್ಠ ಪಟ್ಟಿಯನ್ನು ಭಾರತದ ಮಾಜಿ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಮುನ್ನಡೆಸುತ್ತಿದ್ದಾರೆ. ಮಾಸ್ಟರ್ ಬ್ಲಾಸ್ಟರ್ 200 ಟೆಸ್ಟ್ ಪಂದ್ಯಗಳಲ್ಲಿ 53.78ರ ಸರಾಸರಿಯಲ್ಲಿ 15921 ರನ್ ಪೇರಿಸಿದ್ದಾರೆ. ರಾಸ್ ಟೇಲರ್ ವೃತ್ತಿ ಜೀವನ: ಟೆಸ್ಟ್: ಪಂದ್ಯ: 99 ರನ್: 7175 ಸರಾಸರಿ: 45.70 ಶತಕ: 19 ದ್ವಿಶತಕ: 3 ಅರ್ಧಶತಕ: 33 ಏಕದಿನ: ಪಂದ್ಯ: 228 ರನ್: 8371 ಸರಾಸರಿ: 47.83 ಶತಕ: 20 ಅರ್ಧಶತಕ: 50 ಟಿ20: ಪಂದ್ಯ: 95 ರನ್: 1743 ಸರಾಸರಿ: 24.9 ಅರ್ಧಶತಕ: 5 ಸ್ಟ್ರೈಕ್ರೇಟ್: 123.72
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ZQTbp8
