ಹೊಸದಿಲ್ಲಿ: ಪ್ರಕರಣಕ್ಕೆ ಸಂಬಂಧಿಸಿದಂತೆ '' ವಾಟ್ಸ್ಆ್ಯಪ್ ಗ್ರೂಪ್ನ ಸದಸ್ಯರು ಭಾಗಿಯಾಗಿರುವ ಬಗ್ಗೆ ಮಾಹಿತಿ ದಿಲ್ಲಿ ಪೊಲೀಸರಿಗೆ ಸಿಕ್ಕಿದೆ. ಗ್ರೂಪ್ನ 37 ಮಂದಿ ಸದಸ್ಯರನ್ನು ಪೊಲೀಸರು ಗುರುತಿಸಿದ್ದಾರೆ ಎಂದು ತಿಳಿದು ಬಂದಿದೆ. ಒಟ್ಟಾರೆ 60 ಮಂದಿಯ ವಾಟ್ಸ್ಆ್ಯಪ್ ಗುಂಪಿನಲ್ಲಿ 37 ಮಂದಿಯನ್ನು ವಿಶೇಷ ತನಿಖಾ ತಂಡ ಗುರುತಿಸಿದ್ದು, ಈ ಪೈಕಿ 10 ಮಂದಿ ಕ್ಯಾಂಪಸ್ನವರಲ್ಲ ಎಂದು ತಿಳಿದು ಬಂದಿದೆ. ಹಿಂಸಾಚಾರಕ್ಕೆ ಹಿಂದಿರುವ ಕಾರಣ ಕಂಡುಹಿಡಿಯುವುದು ಹಾಗೂ ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳುವ ಹಿನ್ನೆಲೆಯಲ್ಲಿ ಪೊಲೀಸರ ತಂಡ ತನಿಖೆ ಚುರುಕುಗೊಳಿಸಿದೆ. ಸದ್ಯ ಲಭಿಸುವ ಮಾಹಿತಿ ಪ್ರಕಾರ, ಬಲ ಹಾಗೂ ಎಡ ಪಂಥೀಯ ವಿಚಾರಗಳಿಗೆ ಸಂಬಂಧಿಸಿದ ವಾಟ್ಸ್ಆ್ಯಪ್ ಗ್ರೂಪ್ಗಳು ರಚನೆಗೊಂಡಿವೆ. ಇದರಲ್ಲಿ ಆರ್ಎಸ್ಎಸ್ನ ಎಬಿವಿಪಿಗೆ ಸೇರಿದ ವಾಟ್ಸ್ಆ್ಯಪ್ ಗ್ರೂಪ್ ಸಹ ಇರುವ ಬಗ್ಗೆ ಮಾಹಿತಿಗಳು ಸಿಕ್ಕಿವೆ. ಎಡ ಹಾಗೂ ಬಲ ಸಂಘಟನೆಗಳು ಹೊರಗಿನವರ ಸಹಾಯದಿಂದ ಹಿಂಸಾಚಾರ ನಡೆಸಿದ್ದಾರೆ ಎಂಬ ಅನುಮಾನಗಳೂ ವ್ಯಕ್ತವಾಗಿದೆ. ಶುಕ್ರವಾರ ವಿಶೇಷ ತನಿಖಾ ತಂಡ ವಿಶ್ವವಿದ್ಯಾಲಯದಲ್ಲಿ ನಡೆದ ಗಲಭೆಯ ವೇಳೆ ಸಿಕ್ಕ ಸಿಸಿಟಿವಿ ದೃಶ್ಯಾವಳಿಗಳನ್ನು ಬಿಡುಗಡೆ ಮಾಡಿದ್ದರು. ಇದರಲ್ಲಿ ವಿಶ್ವವಿದ್ಯಾಲಯದ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆ ಆಯಿಷೆ ಘೋಷ್ ಅವರ ಹೆಸರೂ ಸೇರಿತ್ತು. ಒಟ್ಟಾರೆ 9 ಮಂದಿಯಲ್ಲಿ 7 ಮಂದಿ ಎಡ ಪಂಥೀಯ ವಿಚಾರವಾದಕ್ಕೆ ಸೇರಿದವರಾಗಿದ್ದಾರೆ. ಇಬ್ಬರು ಬಲ ಪಂಥೀಯ ಧೋರಣೆ ಅನುಸರಿಸುವವರು ಎನ್ನಲಾಗಿತ್ತು. ಎಸ್ಎಫ್ಐ, ಎಐಎಸ್ಎ, ಜೆಎನ್ಯುಎಸ್ಯು ಸಂಘಟನೆಗಳ ಸದಸ್ಯರೇ ಹಿಂಸಾಚಾರದಲ್ಲಿ ಹೆಚ್ಚಿನ ಹೊಣೆಗಾರಿಕೆ ಕಂಡುಬರುತ್ತಿದೆ. Unity Against Left ವಾಟ್ಸ್ಆ್ಯಪ್ ಗ್ರೂಪ್ ಅಡ್ಮಿನ್ ಸಹ ಭಾನುವಾರ ನಡೆದ ಹಿಂಸಾಚಾರ ಪ್ರಕರಣದ ಆರೋಪಿಯಾಗಿದ್ದಾರೆ ಎಂದು ವಿಶೇಷ ತನಿಖಾ ತಂಡದ ಮುಖ್ಯಸ್ಥ ಜಾಯ್ ತಿರ್ಕೆ ಹೇಳಿಕೆ ನೀಡಿದ್ದರು.
from India & World News in Kannada | VK Polls https://ift.tt/2FJ31zS
