ಮೆಲ್ಬೋರ್ನ್: 'ಮಿಸ್ಟರ್ 360 ಡಿಗ್ರಿ' ಖ್ಯಾತಿಯ ಬ್ಯಾಟ್ಸ್ಮನ್ ದಕ್ಷಿಣ ಆಫ್ರಿಕಾದ , ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸರಬಹುದು. ಆದರೆ ಆಯ್ದ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಆಡುವ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಮುಂಬರುವ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪಾಲಿಗೆ ವಿಲಿಯರ್ಸ್ ಫಾರ್ಮ್ ಅತ್ಯಂತ ನಿರ್ಣಾಯಕವೆನಿಸಲಿದೆ. ಈ ಮಧ್ಯೆ ಬಿಗ್ ಬಾಷ್ ಲೀಗ್ನಲ್ಲಿ ವಿಲಿಯರ್ಸ್ ಡೆಬ್ಯು ಮಾಡಲು ಸಿದ್ಧವಾಗಿದ್ದಾರೆ. ಬ್ರಿಸ್ಬೇನ್ ಹೀಟ್ ತಂಡವನ್ನು ವಿಲಿಯರ್ಸ್ ಪ್ರತಿನಿಧಿಸುತ್ತಾರೆ. ಈ ಮಧ್ಯೆ ಪ್ರತಿಕ್ರಿಯಿಸಿರುವ ಎಬಿ ಡಿ, "ಯಾವುದೇ ಟೂರ್ನಿಯಾದರೂ ಒತ್ತಡ ಇದ್ದೇ ಇರುತ್ತದೆ" ಎಂದು ನುಡಿದರು. "ವಿಶ್ವದ ಯಾವುದೇ ಪ್ರದೇಶದಲ್ಲಿ ಆಡಿದರೂ ಒತ್ತಡ ಇದ್ದೇ ಇರುತ್ತದೆ. ವಿಶ್ವಕಪ್ ಸೆಮಿಫೈನಲ್ ಅಥವಾ ಕ್ಲಬ್ ಗೇಮ್ ಆಗಿರಲಿ, ನಾನು ಸಮಾನ ರೀತಿಯ ಒತ್ತಡವನ್ನು ಎದುರಿಸುತ್ತೇನೆ. ನನ್ನ ಸಾಮರ್ಥ್ಯಕ್ಕೆ ತಕ್ಕಂತೆ ಅತ್ಯುತ್ತಮ ಪ್ರದರ್ಶನ ನೀಡಲು ನನ್ನ ಮೇಲೆ ಒತ್ತಡವನ್ನು ಹೇರುತ್ತೇನೆ" ಎಂದರು. "ಓರ್ವ ಕ್ರಿಕೆಟಿಗನಾಗಿ ನಾನು ದೊಡ್ಡ ಪಾತ್ರವನ್ನು ನಿಭಾಯಿಸಬೇಕಿದೆ. ನಾನೀಗ ಸವಾಲುಗಳನ್ನು ಎದುರು ನೋಡುತ್ತಿದ್ದೇನೆ. ಪಂದ್ಯವನ್ನು ಆನಂದಿಸುವ ಮೂಲಕ ಪಂದ್ಯದಲ್ಲಿ ಪ್ರಭಾವ ಬೀರುವುದನ್ನು ಎದುರು ನೋಡುತ್ತಿದ್ದೇನೆ" ಎಂದರು. "ನನ್ನ ಯೋಚನೆಯಲ್ಲಿ ಯಾವುದೇ ರೀತಿಯ ಬದಲಾವಣೆಗಳಿಲ್ಲ. ಆದರೆ ಅನೇಕ ಬಾರಿ ಸಾಧಿಸಿ ತೋರಿಸಿದ್ದೇನೆ. ಇದರಿಂದ ಯಶಸ್ಸು ಸಿಗಲಿದೆ ಎಂಬುದು ಗ್ಯಾರಂಟಿಯಿಲ್ಲ. ಆದರೂ ನಿರೀಕ್ಷೆ ಏನು ಮಾಡಬೇಕೆಂಬುದು ತಿಳಿದಿದೆ" ಎಂದು ಸೇರಿಸಿದರು ಬಿಬಿಎಲ್ನಲ್ಲಿ ಸದ್ಯ ತಲಾ ನಾಲ್ಕು ಗೆಲುವು ಹಾಗೂ ಸೋಲುಗಳನ್ನು ಅನುಭವಿಸಿರುವ ಬ್ರಿಸ್ಬೇನ್ ಹೀಟ್ ಐದನೇ ಸ್ಥಾನದಲ್ಲಿದೆ. ಆದರೆ ವಿಲಿಯರ್ಸ್ ಆಗಮನದೊಂದಿಗೆ ಆನೆ ಬಲ ಬಂದಂತಾಗಿದೆ. ಮುಂಬರುವ ಐಪಿಎಲ್ ವರೆಗೂ ವಿಲಿಯರ್ಸ್ ಅತ್ಯುತ್ತಮ ಫಾರ್ಮ್ ಕಾಪಾಡಿಕೊಳ್ಳುವುದು ಅತ್ಯಗತ್ಯವೆನಿಸಿದೆ. ಐಪಿಎಲ್ 13ನೇ ಆವೃತ್ತಿಗೆ ಕಾಲಿಡುತ್ತಿರುವಂತೆಯೇ ಆರ್ಸಿಬಿ ಚೊಚ್ಚಲ ಕಿರೀಟದ ಹುಡುಕಾಟದಲ್ಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3a5HJdW
