ಅಹಮದಾಬಾದ್: ಗುಜರಾತಿನ ಅಹಮದಾಬಾದ್ನಲ್ಲಿ ಅಕ್ರಮವಾಗಿ ಮಾದಕ ದ್ರವ್ಯ (ಹೆರಾಯಿನ್) ಸಾಗಿಸುತ್ತಿದ್ದ ಐವರು ಪಾಕಿಸ್ತಾನಿ ಪ್ರಜೆಗಳು ಸಿಕ್ಕಿಬಿದ್ದಿದ್ದು, ಬಂಧಿಸಲಾಗಿದೆ. ಗುಜರಾತ್ನ್ ಆಂಟಿ- ಟೆರರಿಸ್ಟ್ ಸ್ಕ್ವಾಡ್ ( - ಎಎನ್ಟಿ) ಮತ್ತು ಭಾರತೀಯ ಕರಾವಳಿ ರಕ್ಷಣಾ ಪಡೆ ಸೋಮವಾರ ನಡೆಸಿದ ಜಂಟಿ ಕಾರ್ಯಾಚರಣೆಯಲ್ಲಿ ಈ ಆರೋಪಿಗಳನ್ನು ಬಂಧಿಸಲಾಗಿದೆ. ಒಟ್ಟು 35 ಕೆಜಿ ಹೆರಾಯಿನ್ ವಶಪಡಿಸಿಕೊಳ್ಳಲಾಗಿದೆ. ಅಕ್ರಮವಾಗಿ ಮಾದಕ ದ್ರವ್ಯ (ಹೆರಾಯಿನ್) ಸಾಗಿಸುತ್ತಿರುವ ಕುರಿತು ಖಚಿತ ಮಾಹಿತಿ ಪಡೆದ ಭಯೋತ್ಪಾದನಾ ನಿಗ್ರಹ ದಳ ಕಾರ್ಯಾಚರಣೆಗೆ ಮುಂದಾಗಿದೆ. ಪಾಕಿಸ್ತಾನದಿಂದ ಬಂದಿರುವ ಮೀನುಗಾರಿಕಾ ದೋಣಿಯಲ್ಲಿ ಹೆರಾಯಿನ್ ಸಾಗಿಸುತ್ತಿರುವ ಕುರಿತು ಭಯೋತ್ಪಾದನಾ ನಿಗ್ರಹ ದಳದ ಎಸಿಪಿ ಅವರು ಉನ್ನತ ಅಧಿಕಾರಿಗಳಿಗೆ ತಿಳಿಸಿದ್ದಾರೆ. ಮಾಹಿತಿ ಸಿಕ್ಕ ಕೂಡಲೇ ಕರಾವಳಿ ರಕ್ಷಣಾ ಪಡೆಯ ಸಹಾಯದಿಂದ ಜಂಟಿ ಕಾರ್ಯಾಚರಣೆಯಲ್ಲಿ ತೊಡಗಿದ್ದಾರೆ. ಕರಾವಳಿಯುದ್ದಕ್ಕೂ ಶೋಧ ಕಾರ್ಯ ನಡೆಸಿದಾಗ, ಭಾರತದ ಗಡಿಯೊಳಗೆ ಪಾಕಿಸ್ತಾನದ ದೋಣಿಯೊಂದು ಪತ್ತೆಯಾಗಿದ್ದು, ಅದರಲ್ಲಿ ಐವರು ಆರೋಪಿಗಳು ಹಾಗೂ ತಲಾ 1 ಕೆಜಿ ತೂಕದ 35 ಪ್ಯಾಕೆಟ್ ಹೆರಾಯಿನ್ ಜೊತೆಗೆ ರೆಡ್ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾರೆ. ಆರೋಪಿಗಳನ್ನು ಹೆಚ್ಚಿನ ತನಿಖೆಗೆ ಒಳಪಡಿಸಲಾಗಿದೆ. 35 ಕೆಜಿ ಹೆರಾಯಿನ್ಗೆ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಸುಮಾರು 175 ಕೋಟಿ ರೂಪಾಯಿ ಬೆಲೆಬಾಳುತ್ತದೆ. ಆರೋಪಿಗಳನ್ನು ಅನೀಸ್ ಇಸಾ ಭಟ್ಟಿ (30), ಇಸ್ಮಾಯಿಲ್ ಮೊಹಮ್ಮದ್ ಕಚ್ಚಿ ((50), ಅಶ್ರಫ್ ಉಸ್ಮಾನ್ ಕಟ್ಚಿ (42), ಕರೀಂ ಅಬ್ದುಲ್ಲ ಕಟ್ಚಿ (37), ಅಬುಬಕರ್ ಅಶ್ರಫ್ ಸುಮ್ರಾ (55) ಎಂದು ಗುರುತಿಸಲಾಗಿದೆ.
from India & World News in Kannada | VK Polls https://ift.tt/2QqJg6C
