ಜೈಪುರ: ಹರಾಜಿನಲ್ಲಿ ಖರೀದಿಸದೇ ಇದ್ದರೂ ತಂಡದ ಸ್ಪಿನ್ ಬೌಲಿಂಗ್ ವಿಭಾಗದ ಸಾಮರ್ಥ್ಯ ಹೆಚ್ಚಿಸಲು ಮಾಜಿ ಚಾಂಪಿಯನ್ಸ್ ತಂಡ, ನ್ಯೂಜಿಲೆಂಡ್ನ ಲೆಗ್ ಸ್ಪಿನ್ನರ್ ಅವರನ್ನು 2020ರ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಗೆ ಸ್ಪಿನ್ ಬೌಲಿಂಗ್ ಸಲಹೆಗಾರನಾಗಿ ನೇಮಕ ಮಾಡಿದೆ. 27 ವರ್ಷದ ಅನುಭವಿ ಸ್ಪಿನ್ನರ್ ಈ ಮೊದಲು 2018 ಮತ್ತು 2019ರ ಆವೃತ್ತಿಯಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಆಡಿದ್ದರು. ಬಳಿಕ ರ ಟೂರ್ನಿಗೆ ಅವರನ್ನು ಹರಾಜಿಗೆ ಬಿಟ್ಟುಕೊಡಲಾಗಿತ್ತು. ಹರಾಜಿನಲ್ಲಿ ಮಾರಾಟವಾಗದೇ ಉಳಿದ ಲೆಗ್ ಸ್ಪಿನ್ನರ್ಗೆ ರಾಯಲ್ಸ್ ಇದೀಗ ಮತ್ತೊಂದು ಅವಕಾಶ ನೀಡಿದೆ. ರಾಜಸ್ಥಾನ್ ರಾಯಲ್ಸ್ ತಂಡದ ಬೌಲಿಂಗ್ ಕೋಚ್ ಸಾಯಿರಾಜ್ ಬಹುತುಲೇ ಮತ್ತು ಮುಖ್ಯ ಕಾರ್ಯಾಚರಣೆ ಅಧಿಕಾರಿ ಜೇಜ್ ಲಶ್ ಮೆಕ್ರಮ್ ಅವರೊಟ್ಟಿಗೆ ಇಶ್ ಸೋಧಿ ಸ್ಪಿನ್ ಸಲಹೆಗಾರನಾಗಿ ಕೆಲಸ ಮಾಡಲಿದ್ದಾರೆ. ಗಾಯಾಳು ಆಟಗಾರನಿಗೆ ಬದಲಿಆಟಗಾರನಾಗಿ ರಾಜಸ್ಥಾನ ತಂಡ ಸೇರಿದ್ದ ಇಶ್ ಸೋಧಿ, ಐಪಿಎಲ್ನಲ್ಲಿ 8 ಪಂದ್ಯಗಳನ್ನು ಆಡಿದ್ದು 6.69ರ ಎಕಾನಮಿಯಲ್ಲಿ ಒಟ್ಟು 9 ವಿಕೆಟ್ಗಳನ್ನು ಪಡೆದಿದ್ದಾರೆ. "ರಾಜಸ್ಥಾನ್ ರಾಯಲ್ಸ್ ಪರ ಎರಡು ಆವೃತ್ತಿಗಳಲ್ಲಿ ಆಡಿದ ಅನುಭವವಿದ್ದು, ಫ್ರಾಂಚೈಸಿ ತಂಡದಲ್ಲಿ ಇರುವ ಪ್ರತಿಯೊಬ್ಬರ ಜೊತೆಗೂ ಉತ್ತಮ ಹೊಂದಾಣಿಕೆ ಇದೆ. ಅವರೆಲ್ಲರೂ ನನಗೆ ಉತ್ತಮ ಬೆಂಬಲ ನೀಡಿದ್ದಾರೆ. ಹೀಗಾಗಿ ಈ ನಿರ್ಧಾರ ತೆಗೆದುಕೊಳ್ಳಲು ನಾನು ಮರು ಆಲೋಚನೆ ಮಾಡುವ ಪ್ರಸಂಗವೇ ಬರಲಿಲ್ಲ," ಎಂದು ಸೋಧಿ ಹೇಳಿಕೆ ನೀಡಿದ್ದಾರೆ. "ಇದೊಂದು ತೃಪ್ತಿದಾಯ ಅವಕಾಶ. ಕಿರಿಯ ವಯಸ್ಸಿನಲ್ಲೇ ಕೋಚಿಂಗ್ ವ್ಯವಸ್ಥೆಯಲ್ಲಿ ತೊಡಗಿಸಿಕೊಳ್ಳುವುದು ಸಾಧ್ಯವಾಗಿದೆ. ಈ ಮೂಲಕ ವ್ಯವಸ್ಥೆ ಹೇಗೆ ಕಾರ್ಯ ನಿರ್ವಹಿಸುತ್ತಿದೆ ಎಂಬುದನ್ನು ತಿಳಿದುಕೊಳ್ಳಲು ಸಾಧ್ಯವಾಗಲಿದೆ," ಎಂದು ನ್ಯೂಜಿಲೆಂಡ್ ಪರ 40 ಅಂತಾರಾಷ್ಟ್ರೀಯ ಟಿ20 ಒಂದ್ಯಗಳಲ್ಲಿ 47 ವಿಕೆಟ್ಗಳನ್ನು ಪಡೆದಿರುವ ಲೆಗ್ ಸ್ಪಿನ್ನರ್ ಹೇಳಿದ್ದಾರೆ. ಇದಲ್ಲದೆ 17 ಟೆಸ್ಟ್ ಮತ್ತು 31 ಏಕದಿನ ಪಂದ್ಯಗಳನ್ನಾಡಲಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/36looD6